No Decreto 122/2016, do 8 de setembro, polo que se regula a concesión de condecoracións, distintivos de permanencia e distincións honoríficas outorgados pola Xunta de Galicia ao persoal da Unidade do Corpo Nacional de Policía adscrita á Comunidade Autónoma de Galicia ou a persoas e institucións que colaboren con ela, establécense os requisitos, o procedemento e os efectos da concesión das condecoracións, dos distintivos de permanencia e das distincións.

A Unidade da Policía Nacional adscribiuse á Comunidade Autónoma de Galicia por Orde do 19 de xuño de 1991, do Ministerio do Interior, e comezou a desempeñar as súas funcións no mes de outubro de 1991. Durante estes anos de servizo púxose de manifesto en numerosas actuacións policiais a entrega, a profesionalidade, o valor e o compromiso dos seus membros.

Para recoñecerlle ao persoal policial o servizo continuado nesta unidade, procede outorgarlle a Cruz de bronce da Xunta de Galicia ao servizo policial ao persoal que teña acreditados 30 anos de servizo nela, sen que consten antecedentes desfavorables no seu expediente persoal. Do mesmo modo, cómpre conceder os distintivos de permanencia ao persoal da unidade que cumpre 25, 20 e 15 anos de servizo e entregarlle ao persoal da unidade que leve 2 anos de servizo efectivo nela un distintivo básico de pertenza.

Así mesmo, outórgaselle a distinción honorífica a aquelas unidades e persoas doutros corpos ou colectivos como recoñecemento á súa destacada colaboración co persoal desta unidade.

Por outra banda, de conformidade co establecido no punto 2 do artigo 8 do Decreto 122/2016, do 8 de setembro, por Acordo do Consello da Xunta de Galicia do 25 de novembro de 2021, determináronse os efectos económicos da concesión da Cruz de bronce da Xunta de Galicia ao servizo policial.

Polo exposto, de conformidade coa proposta efectuada pola Dirección Xeral de Emerxencias e Interior e co establecido no artigo 10 do citado Decreto 122/2016, do 8 de setembro,

DISPOÑO:

Artigo único

1. Outorgarlle a Cruz de bronce da Xunta de Galicia ao servizo policial ao persoal que se relaciona no anexo I, por teren acreditado 30 anos de servizo na unidade, sen que consten antecedentes desfavorables no seu expediente persoal, evidenciando unha traxectoria profesional prolongada no tempo e que contribúe á dignificación, ao prestixio e recoñecemento público da función policial. Este outorgamento determina o dereito á percepción da contía económica establecida no Acordo do Consello da Xunta do 25 de novembro de 2021.

2. Concederlle os distintivos de permanencia ao persoal da Unidade do Corpo Nacional de Policía adscrita á Comunidade Autónoma de Galicia que figura nos seguintes anexos por teren cumpridos 25, 20 ou 15 anos de servizo, así como a entrega do distintivo básico de pertenza ao persoal da unidade que leve 2 anos de servizo efectivo nela:

Anexo II. Concesión dos distintivos de permanencia, coa barra azul, aos 25 anos de servizo na unidade.

Anexo III. Concesión dos distintivos de permanencia; coa barra amarela, aos 20 anos de servizo na unidade.

Anexo IV. Concesión dos distintivos de permanencia, coa barra branca, aos 15 anos de servizo na unidade.

Anexo V. Entrega dos distintivos básicos de permanencia aos 2 anos de servizo na unidade.

3. Outorgarlles a distinción honorífica ás persoas que se relacionan no anexo VI, como recoñecemento ao seu labor de especial colaboración coa unidade adscrita. Así mesmo, outórgaselle esta distinción en formato de placa á Unidad de Buceo de Ferrol (Ubufer).

Disposición derradeira

Esta orde entrará en vigor o mesmo día da súa publicación no Diario Oficial de Galicia.

Santiago de Compostela, 27 de novembro de 2024

Diego Calvo Pouso
Conselleiro de Presidencia, Xustiza e Deportes

ANEXO I

Cruz de bronce da Xunta de Galicia ao servizo policial

Nº orde	Categoría	Apelidos	Nome
1	Subinspector	Dacosta Conde	José Enrique
2	Oficial	Pereira Moure	Orestes
3	Policía	Varela Varela	Antonio
4	Policía	Fernández Rodríguez	Sandra
5	Policía	García Ares	Enrique
6	Policía	González Sánchez	José Antonio
7	Policía	Alonso Rodríguez	Mª Carmen
8	Policía	Alonso Rueda	Fernando
9	Policía	Dopazo Padín	José
10	Policía	Durán Castro	José Ángel
11	Policía	Gómez Álvarez	Mª Margarita
12	Policía	Porras Vázquez	José Manuel
13	Policía	Ramos Prada	Pilar
14	Policía	Martínez Alonso	Mª Belén

ANEXO II

Distintivo de permanencia 25 anos

Nº orde	Categoría	Apelidos	Nome
1	Policía	Folgueira Puente	Jesús
2	Policía	Torre Gil	Marcos de la
3	Policía	Castro Pose	Miguel
4	Policía	Fernández Brión	Jesús
5	Policía	Guerrero Alonso	José Mª
6	Policía	Martínez López	Ana María
7	Policía	Pérez Barreiro	Juan Manuel
8	Policía	Raposo Celeiro	Pablo
9	Policía	Rodríguez Cuervo	Francisco Ramón
10	Policía	Villatoro Guerrero	Francisco de Asís
11	Policía	Crende Soilán	Antonio
12	Policía	Dávila Escudero	Santiago
13	Policía	Dell Fabeiro	Andrés
14	Policía	Fernández Martínez	Manuel
15	Policía	Fernández Rodríguez	Juan Diego
16	Policía	Gil Estévez	Juan Bautista
17	Policía	Iglesias Domínguez	Juan Jesús
18	Policía	Meijome Pájaro	José Mª
19	Policía	Míguez Fernández	Felipe
20	Policía	Rodríguez Blanco	Laura
21	Policía	Lindín Fernández	Juan Manuel
22	Policía	Sanmartín Almeida	Roberto

ANEXO III

Distintivo de permanencia 20 anos

Nº orde	Categoría	Apelidos	Nome
1	Inspector xefe	Carballo González	Vicente

ANEXO IV

Distintivo de permanencia de 15 anos

Nº orde	Categoría	Apelidos	Nome
1	Inspector	Torres Rodríguez	Antonio José

ANEXO V

Distintivo básico de permanencia

Nº orde	Categoría	Apelidos	Nome
1	Inspector xefe	Maceiras Bastida	Alejandro
2	Inspector	Ramos González	César

ANEXO VI

Distinción honorífica

Persoas distinguidas.

Apelidos	Nome	Cargo
Martínez Marty	Fernando Javier	Comisario principal, xefe rexional de Operacións da Xefatura Superior de Policía de Galicia
Pedreira Lata	Fernando	Coronel, xefe da Comandancia da Garda Civil da Coruña
Barrera Aldemira	María	Intendente, xefe da Policía local de Ourense
Sánchez del Río	Patricia	Fiscal enlace de Delitos de Odio e Discriminación
Macías Merayo	Aurora	Veterinaria Inspección Pesqueira da Xunta de Galicia
Otero Ferreiro	Ana Purificación	Subdirectora xeral de Coordinación de Servizos Transversais da Xunta de Galicia

Unidades distinguidas.

Unidad de Buceo de Ferrol (Ubufer)