Á vista da proposta da Dirección Xeral de Patrimonio Cultural, sobre a convocatoria do Premio Elías Valiña 2024 mediante a Orde do 12 de abril de 2024, para distinguir o labor revitalizador dos valores propios dos Camiños de Santiago, e estando conforme con esta en todos os seus termos,

RESOLVO:

Conceder, de maneira compartida, o Premio Elías Valiña 2024, para distinguir o labor revitalizador dos valores propios dos Camiños de Santiago, dotado cunha contía económica de 15.000 € (quince mil euros), con cargo á aplicación orzamentaria 43.04.433A.0781.0, que figura dotada no vixente orzamento de gastos da Comunidade Autónoma de Galicia, ás seguintes entidades:

– Association Bretonne des Amis de Saint Jacques Compostelle Bretagne (Quimper- Francia).

– Fundación San Antón (Castrojeriz-Burgos).

Facer a mención especial, prevista no artigo 2.1 da orde da convocatoria, a Mario Clavell Blanch e a Paulo Sá Machado.

Santiago de Compostela, 22 de novembro de 2024

O conselleiro de Cultura, Lingua e Xuventude
P.D. (Orde do 28.6.2024)
Elvira María Casal García
Secretaria xeral técnica da Consellería de Cultura, Lingua e Xuventude