Mediante a Resolución do 26 de outubro de 2023, publicada no Diario Oficial de Galicia número 232, do 7 de decembro, fíxose pública a convocatoria dunha única licenza de prestación dos servizos portuarios especiais técnico-náuticos de practicaxe e de amarre e desamarre de buques nos portos de Cee, Laxe, Corcubión e Sada, conforme o artigo 116 da Lei 6/2017, do 12 de decembro, de portos de Galicia.
Vista a proposta de adxudicación formulada o 17.10.2024, pola Mesa de Contratación designada, e en virtude das facultades conferidas polo artigo 12.3.g) da Lei 6/2017, do 12 de decembro, de portos de Galicia, o presidente desta entidade pública empresarial, o 22.11.2024, resolveu adxudicar e acordar o outorgamento dunha única licenza de prestación dos servizos portuarios especiais técnico-náuticos de practicaxe e de amarre e desamarre de buques nos portos de Cee, Laxe, Corcubión e Sada, a Finisterre Pilots and Services, S.L.P., NIF B44551984, por ser a única oferta presentada e admitida, e cumprir esta con todos os requisitos exixidos nos pregos que rexen o presente procedemento «concurso para licenza de prestación dos servizos portuarios especiais técnico-náuticos de practicaxe e de amarre e desamarre de buques nos portos de Cee, Laxe, Corcubión e Sada», baixo o réxime da Lei 6/2017, do 12 de decembro, de portos de Galicia, no que resulte de aplicación do texto refundido da Lei de portos do Estado e da mariña mercante, con suxeición ao vixente prego de prescricións particulares dos servizos portuarios especiais técnico-náuticos de practicaxe e de amarre e desamarre de buques nos portos de Cee, Laxe, Corcubión e Sada aprobado polo Consello Reitor da entidade pública empresarial Portos de Galicia, en sesión ordinaria do 28 de xullo de 2023, de conformidade coas previsións contidas na Lei 6/2017, do 12 de decembro, de portos de Galicia, así como con suxeición á oferta vinculante presentada por Finisterre Pilots and Services, S.L.P. e ás bases da convocatoria pública, acto preparatorio do outorgamento desta licenza.
Tarifas da licenza:
|
Tarifas oferta Finisterre Pilots and Services, S.L.P. |
|||||
|
Tonelaxe |
Practicaxe |
Amarre |
Movementos |
Recargas |
|
|
De 0 a 1.500 |
397,54 € |
248,81 € |
252,98 € |
Sábados nocturnos |
40 % |
|
De 1.500 a 2.500 |
478,16 € |
280,78 € |
319,70 € |
||
|
De 2.500 a 3.500 |
544,88 € |
328,04 € |
355,84 € |
||
|
De 3.500 a 5.000 |
611,60 € |
364,18 € |
400,32 € |
Domingos festivos |
50 % |
|
Máis de 1.000 |
76,45 € |
41,70 € |
62,55 € |
||
Compensación máxima do servizo: conforme o anexo V-Compensación máxima do servizo da Resolución do 26 de outubro de 2023 pola que se publican o acordo de aprobación da modificación do novo prego de condicións xerais do servizo portuario especial de practicaxe e o novo prego de condicións xerais do servizo especial de amarre e desamarre de buques dos portos de Cee, Laxe, Corcubión e Sada; a compensación máxima para equilibrar o servizo recollido no presente prego será de 140.000 €/ano durante os primeiros 5 anos. A compensación calcularase coa referencia do estimado do contrato (170.200 €/ano), co obxecto de garantir como ingresos mínimos os custos estimados.
Prazo da licenza: prazo de 5 anos que non excederá en ningún caso os 11, 25 anos indicados na lei, por estar limitada a concorrencia a un único prestador ou corporación.
Santiago de Compostela, 26 de novembro de 2024
José Antonio Álvarez Vidal
Presidente de Portos de Galicia