Como consecuencia da entrada en vigor da Lei 7/2012, do 28 de xuño, de montes de Galicia, e coa finalidade de levar a cabo o establecido na disposición transitoria décimo terceira con respecto á revisión de esbozos de montes veciñais en man común, o Xurado, na reunión que tivo lugar o 17.9.2012, acordou solicitarlle ao Servizo de Montes a realización de propostas de revisión e elaboración de cartografías actualizadas dos montes veciñais da provincia, susceptibles de tal adecuación.
En relación con isto, na sesión desenvolvida polo Xurado Provincial o día 30.10.2024 figuran os seguintes acordos:
– MVMC Argán Moncelos (expediente 122/77), pertencente aos veciños da parroquia de Moncelos, no concello de Abadín.
O 27.6.2024 tivo entrada unha solicitude da comunidade de Moncelos para que se revise o esbozo do seu monte veciñal, conforme a proposta que achegan (procedemento con número de expediente 2024_34).
O 16.9.2024 o Servizo de Montes elaborou un informe en que se recolle a definición do esbozo revisado. De acordo coa cartografía resultante, a superficie do monte de Argán de Moncelos pasa a ser de 131,55 hectáreas.
Unha vez examinada a devandita proposta, o Xurado, por unanimidade, acorda aceptala e efectuar a incorporación do novo esbozo ao expediente.
– MVMC Coto de Cereixido (expediente 120/75), pertencente aos veciños do lugar de Cereixido, na parroquia de Cereixido, concello de Quiroga.
O 28.9.2022 tivo entrada unha solicitude da Comunidade de Cereixido para que se revise o esbozo do seu monte veciñal, conforme a proposta que achegan. A solicitude foi mellorada coa documentación presentada o 14.3.2023 (procedemento con número de expediente 2022_209).
O 29.8.2024 o Servizo de Montes elaborou un informe en que se recolle a definición do esbozo revisado. De acordo coa cartografía resultante, a superficie do monte de Coto de Cereixido pasa a ser de 1001,95 hectáreas. Esta revisión ten en conta o deslindamento previo co MVMC Paradapiñol e Rugando (nº 2022_174).
Unha vez examinada a devandita proposta, o Xurado, por unanimidade, acorda aceptala e efectuar a incorporación do novo esbozo ao expediente.
– MVMC Fiais (expediehte 21/76), clasificado pola Resolución do 14.12.1976 a favor dos veciños do lugar de Feais, na parroquia de Cereixido, concello de Quiroga.
Mediante Acordo do 28.6.2006, o Xurado concedeulle o aproveitamento deste monte á Comunidade de Cereixido, en concepto de titulares provisionais, nos termos recollidos no artigo 20 da Lei 13/1989.
O 28.9.2022 tivo entrada unha solicitude da Comunidade de Cereixido para que se efectúe a revisión do esbozo do monte de Fiais, conforme a proposta que achegan. A solicitude foi mellorada coa documentación presentada o 14.3.2023 (procedemento con número de expediente 2022_209).
O 29.8.2024 o Servizo de Montes elaborou un informe en que se recolle a definición do esbozo revisado. De acordo coa cartografía resultante, a superficie do monte de Fiais pasa a ser de 289,47 hectáreas.
Tras ser examinada a devandita proposta, o Xurado, por unanimidade, acorda aceptala e efectuar a incorporación do novo esbozo ao expediente.
– MVMC Río de Porto (expediente 37/73), pertencente á comunidade de veciños da parroquia de Río de Porto, concello de Negueira de Muñiz.
O 5.12.2023 tivo entrada unha solicitude da dita comunidade para que se revise o esbozo do seu monte veciñal, conforme a proposta que achegan. Tras serlles requirido, o 30.4.2024 presentaron a emenda da solicitude (procedemento con número de expediente 2023_65).
O 7.5.2024 o Servizo de Montes elaborou un informe en que se recolle a definición do esbozo revisado. De acordo coa cartografía resultante, a superficie do monte de Río de Porto pasa a ser de 133,75 hectáreas.
Tras ser examinada a devandita proposta, o Xurado, por unanimidade, acorda aceptala e efectuar a incorporación do novo esbozo ao expediente.
– MVMC Novelúa (expediente 45/73), pertencente aos veciños da parroquia de Novelúa, concello de Monterroso.
O 23.11.2023 tivo entrada unha solicitude da comunidade de Novelúa para que se revise o esbozo do seu monte veciñal, conforme á proposta que achegan. Tras serlles requirido, o 17.9.2024 presentaron a emenda da solicitude (procedemento con número de expediente 2023_55).
O 22.10.2024 o Servizo de Montes elaborou un informe en que se recolle a definición do esbozo revisado. De acordo coa cartografía resultante, a superficie do monte de Novelúa pasa a ser de 358 hectáreas. Esta revisión de esbozo ten en conta o deslindamento previo co MVMC Vacaloura e Fido (expediente 2022_287).
Unha vez examinada a devandita proposta, o Xurado, por unanimidade, acorda aceptala e realizar a incorporación do novo esbozo ao expediente.
Contra estes acordos, desde o día seguinte ao da súa publicación no Diario Oficial de Galicia, poderá interporse recurso potestativo de reposición ante o Xurado Provincial de Montes Veciñais en Man Común de Lugo no prazo dun mes, ou ben directamente recurso contencioso-administrativo ante o Xulgado do Contencioso-Administrativo de Lugo no prazo de dous meses, de acordo co disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, e co artigo 46 da Lei 29/1998, do 13 de xullo, da xurisdición contencioso-administrativa.
Lugo, 26 de novembro de 2024
María Olga Iglesias Fontal
Presidenta do Xurado Provincial de Clasificación
de Montes Veciñais en Man Común de Lugo