A Lei 14/2007, do 30 de outubro, pola que se crea e regula o Instituto Galego de Seguridade e Saúde Laboral, regula no seu artigo 16 a composición e o procedemento de nomeamento das persoas vogais do Consello Galego de Seguridade e Saúde Laboral.

Conforme o previsto na dita lei, a Consellería de Economía e Industria realizou proposta de designación e de cesamento.

En consecuencia, no exercicio das atribucións conferidas de conformidade co disposto no artigo 34 da Lei 1/1983, do 22 de febreiro, de normas reguladoras da Xunta e da súa Presidencia,

RESOLVO:

Artigo único. Substitución de vogal

Por proposta da Consellería de Economía e Industria:

En calidade de titular:

a) Disponse o cesamento de Nicolás Vázquez Iglesias.

b) Disponse o nomeamento de Margarita Ardao Rodríguez.

Disposición derradeira única. Entrada en vigor

Esta orde entrará en vigor o día seguinte ao da súa publicación no Diario Oficial de Galicia.

Santiago de Compostela, 4 de decembro de 2024

José González Vázquez
Conselleiro de Emprego, Comercio e Emigración