Convocada por Resolución do 30 de outubro de 2024 (DOG núm. 218, do 12 de novembro), a provisión de diversas prazas de coordinadora de Servizo de Enfermaría do nivel de atención primaria da Área Sanitaria de Santiago de Compostela e Barbanza, esta xerencia, en virtude das competencias atribuídas polo Decreto 145/2019, do 20 de maio (DOG núm. 101, do 27 de maio), polo que se establece a estrutura orgánica do Servizo Galego de Saúde, a Orde do 22 de abril de 2020 (DOG núm. 82, do 29 de abril) sobre delegación de competencias en órganos centrais e periféricos da Consellería de Sanidade e do Servizo Galego de Saúde, e o Decreto 134/2019, do 10 de outubro (DOG núm. 204, do 25 de outubro), polo que se regulan as áreas sanitarias e os distritos sanitarios do Sistema público de saúde de Galicia,

DISPÓN:

Primeiro. Resolver a convocatoria pública para a provisión de diversas prazas de coordinadora de Servizo de Enfermaría do nivel de atención primaria da Área Sanitaria de Santiago de Compostela e Barbanza, convocada pola Resolución do 30 de outubro de 2024 (DOG núm. 218, do 12 de novembro).

Segundo. Nomear, para os postos que se indican, as persoas citadas no anexo desta resolución.

Terceiro. As aspirantes seleccionadas deberán cesar na praza que desempeñen dentro dos tres días hábiles seguintes a aquel en que se publique a resolución no Diario Oficial de Galicia.

A toma de posesión dos postos de traballo adxudicados deberá efectuarse dentro dos tres días hábiles seguintes ao do cesamento. Para estes efectos, entenderase por praza desempeñada a efectivamente ocupada, con independencia de que sexa en condición de destino definitivo, adscrito ou destino provisional ou comisión de servizos.

Se así o permiten as necesidades do servizo, e por petición motivada da interesada, os prazos a que se refiren os parágrafos anteriores poderán ser prorrogados polo órgano convocante.

O prazo de toma de posesión e a súa prórroga terán a condición de servizo activo, e percibiranse os correspondentes haberes de conformidade co que estableza a orde sobre confección de nóminas do persoal ao servizo da Administración autonómica.

Entenderase que solicita a excedencia voluntaria por interese particular, e será declarado/a nesa situación polo órgano competente, quen non se incorpore ao posto adxudicado no prazo establecido.

Cuarto. Contra esta resolución poderá interpor recurso de alzada ante a Dirección Xeral de Recursos Humanos do Servizo Galego de Saúde, no prazo dun mes, contado a partir do día seguinte ao da súa publicación, nos termos expostos nos artigos 121 e 122 da Lei 39/2015, do 1 de outubro, do procedemento administrativo común das administracións públicas (BOE núm.236, do 2 de outubro).

Santiago de Compostela, 23 de decembro de 2024

Ángel Facio Villanueva
Xerente da Área Sanitaria de Santiago de Compostela e Barbanza

ANEXO

Denominación do posto: coordinadora de Servizo de Atención Primaria.

Servizo de Atención Primaria: Rianxo.

Apelidos e nome: Fernández López, María Flora.

DNI (*): ***7768**.

Denominación do posto: coordinadora de Servizo de Atención Primaria.

Servizo de Atención Primaria: Oroso.

Apelidos e nome: Paz Fuentes, Ana Eva.

DNI (*): ***1012**.

Denominación do posto: coordinadora de Servizo de Atención Primaria.

Servizo de Atención Primaria: Muros.

Apelidos e nome: González Ucha, Bibiana.

DNI (*): ***7332**.

Denominación do posto: coordinadora de Servizo de Atención Primaria.

Servizo de Atención Primaria: Valga.

Apelidos e nome: Touceda Martínez, María del Mar.

DNI (*): ***0615**.

(*) Ocúltase parcialmente o número de documento nacional de identidade para preservar os datos de carácter persoal, de acordo coa Lei orgánica 3/2018, do 5 de decembro.