Asunto: proxecto de expropiación, polo procedemento de taxación conxunta, dos bens e dereitos afectados pola execución do Plan de sectorización para a ampliación do parque empresarial de Lalín 2000 (4ª fase), en Pontevedra.

Concello: Lalín.

Promotora: Xestión do Solo de Galicia-Xestur, S.A.

Administración expropiante: Consellería de Economía e Industria-Dirección Xeral de Estratexia Industrial e Solo Empresarial.

Mediante a Resolución da Consellería de Economía e Industria do 12 de novembro de 2024, publicada no Diario Oficial de Galicia núm. 220, do 14 de novembro, acordouse aprobar definitivamente o proxecto de expropiación forzosa, polo procedemento de taxación conxunta, dos bens e dereitos necesarios para a execución da ampliación do parque empresarial de Lalín 2000 (4ª fase) e, consecuentemente, a declaración de urxente ocupación dos bens e dereitos afectados.

De conformidade co disposto nos artigos 44 e 46 da Lei 39/2015, do 1 de outubro, do procedemento administrativo común das administracións públicas, logo de intentada a notificación persoal nos termos establecidos na dita Lei 39/2015, emprázanse as persoas interesadas que se sinalan no anexo deste anuncio para seren notificadas por comparecencia.

A comparecencia para coñecer o contido íntegro do acordo adoptado pola Dirección Xeral de Estratexia Industrial e Solo Empresarial deberá efectuarse no prazo de quince días, contados desde o día seguinte ao da publicación deste anuncio, nas oficinas da Dirección Xeral de Estratexia Industrial e Solo Empresarial, no complexo administrativo San Lázado de Santiago de Compostela, edificio Igape, das 9.00 ás 14.00 horas, ademais de na páxina web da consellería https://economia.xunta.gal

A eficacia desta notificación queda supeditada á súa publicación no taboleiro de edictos único (TEU) do Boletín Oficial del Estado. Unha vez transcorrido o dito prazo sen efectuarse a comparecencia, a notificación entenderase producida desde o día seguinte ao do vencemento do prazo sinalado para comparecer.

Santiago de Compostela, 26 de decembro de 2024

Margarita Ardao Rodríguez
Directora xeral de Estratexia Industrial e Solo Empresarial

ANEXO

Predio	Persoas que se notifican
2, 96, 104	Luís Rodríguez Hermida
16	José Luis Pérez Donsión
43	Manuel Vázquez Pereira
56, 107, 118, 119	Nicasio H. Blanco Rodríguez
60, 83, 115	Manuel González Ferradas
131, 138	Teresa Granja S-S, María Dolores González Granja María Fe González Granja