Visto o texto do convenio colectivo da empresa Supervisión y Control, S.A., código do convenio 82100012012012, que se subscribiu con data do 22 de novembro de 2024 entre a representación da empresa Supervisión y Control, S.A. e a representación legal dos traballadores e traballadoras das centrais sindicais CIG, UXT e CC.OO., e de conformidade co disposto no artigo 90, puntos 2 e 3, do Real decreto lexislativo 2/2015, do 23 de outubro, polo que se aproba o texto refundido da Lei do Estatuto dos traballadores e no Real decreto 713/2010, do 28 de maio, sobre o rexistro e o depósito de convenios colectivos, os acordos colectivos de traballo e os plans de igualdade.

Esta Secretaría Xeral de Emprego e Relacións Laborais,

RESOLVE:

Primeiro. Ordenar o seu rexistro e depósito no Rexistro de Convenios e Acordos Colectivos de Traballo da Comunidade Autónoma de Galicia (Rexcon), creado mediante a Orde do 29 de outubro de 2010 (DOG nº 222, do 18 de novembro).

Segundo. Dispoñer a súa publicación no Diario Oficial de Galicia.

Santiago de Compostela, 17 de decembro de 2024

Pablo Fernández López
Secretario xeral de Emprego e Relacións Laborais

ANEXO

IV Convenio colectivo Supervisión y Control, S.A.U. 2024-2027

Artigo 1. Ámbito territorial

O Convenio colectivo será aplicable, dentro do seu ámbito funcional, nos centros de traballo actualmente existentes, e nos que se poidan crear nun futuro, en Galicia.

Artigo 2. Ámbito persoal e funcional

As condicións reguladas neste convenio colectivo afectarán o persoal de todas as estacións de ITV da Comunidade Autónoma de Galicia encadrado nos seguintes postos de traballo: xefe/a de equipo, xefe/a de liña, inspector/a, administrativo/a de estación, inspector/a de entrada e administrativo/a de entrada.

Artigo 3. Xornada

A xornada operativa de traballo da empresa Supervisión y Control, S.A.U. será de 1.570 horas anuais de media durante os 4 anos de vixencia deste convenio colectivo (2024, 2025, 2026 e 2027), incluída a formación obrigatoria, que será de 28 horas anuais cada ano. Polo que, ambas as partes entenden e conveñen que os excesos ou os defectos de xornada que puidesen producirse cada ano, serán compensados durante os 4 anos de vixencia deste convenio colectivo, e é que, en calquera caso, a xornada anual media resultante durante a vixencia deste convenio colectivo será de 1.570 horas anuais.

Serán días non laborables:

– Sábado Santo.

– 24 e 31 de decembro.

No caso de que o día 24 e/ou 31 de decembro coincidan en día non laborable gozaranse no seguinte día laborable.

Dentro das 28 horas anuais de formación:

• 22 horas anuais destinaranse a formación obrigatoria. Das que 8 son condición necesaria e ineludible para manter a cualificación para poder prestar servizos como inspector de ITV.

• 6 horas anuais serán empregadas no proceso necesario para a realización das obrigatorias lecturas e dos xustificantes de recepción correspondentes ás modificacións e/ou novas publicacións de documentos incluídos no Sistema Xeral de Calidade de Supervisión y Control, S.A.U.

A xornada anual de Convenio será a que estableza o Convenio colectivo provincial para a industria siderometalúrxica da provincia da Coruña, en cada momento. A diferenza entre a xornada de Convenio e a xornada operativa de traballo da empresa Supervisión y Control, S.A.U. destinarase única e exclusivamente ao tempo investido nos desprazamentos dentro da Comunidade Autónoma de Galicia, ao tempo investido nas operacións de apertura e peche das unidades móbiles e ao tempo necesario para a realización dos test de coñecementos e recoñecementos médicos, e isto non pode en ningún caso exceder a diferenza entre esta xornada e a establecida para o Convenio colectivo provincial para a industria siderometalúrxica da provincia da Coruña.

A partir do 1 de novembro de 2024, as persoas traballadoras das estacións fixas:

Redúcense o número de sábados laborables en 6 ao ano, respectando as quendas de traballo e librando as que correspondería traballar (libraranse 5 de cada 8). A empresa comprométese a realizar os desprazamentos dos traballadores de forma voluntaria e de carácter excepcional, a condición de que sexan estritamente necesarios por motivos organizativos.

O horario de todos os sábados laborables será de 8.00 a 13.30 horas.

Será requisito para a aplicación do anterior que o contrato de traballo da persoa traballadora teña unha duración igual ou superior a 8 semanas consecutivas.

No caso de que, por motivos organizativos derivados da actividade dos sábados, sexan estritamente necesarios desprazamentos entre estacións, a empresa comprométese a que estes sexan de forma voluntaria por parte das persoas traballadoras e de forma excepcional.

Así mesmo, as persoas traballadoras das unidades móbiles de vehículos lixeiros e vehículos agrícolas, como compensación ao novo regulamento de xornada para sábados, dispoñerán de 8 días libres, aumentados aos habitualmente gozados, por cada ano completo de vixencia do Convenio. Gozarase, como mínimo, un día completo cada 6 semanas. Con base no anterior, desde o 1 de novembro de 2024 ao 31 de decembro de 2024, dispoñerán de 1 día libre adicional.

Artigo 4. Días de libre disposición

As persoas traballadoras poderán gozar de días de libre disposición anuais, sempre que se garantan as necesidades do servizo, nos termos que se indican a continuación e a partir do 1 de xaneiro de 2025. Como excepción ao anterior, establécese que as persoas traballadoras con antigüidade superior a 19 anos poderán gozar en 2024 dun día libre remunerado. O devandito día adicional poderá gozarse en 2025 no caso de que non fose posible o seu gozo en 2024.

• Entre 0 e 9 anos de antigüidade: 2 días non remunerados, recuperables ou descontados das vacacións.

• Entre 10 e 19 anos de antigüidade: 1 día remunerado e 1 día non remunerado, recuperable ou descontado das vacacións.

• Entre 20 e 29 anos de antigüidade: 2 días remunerados.

• 30 ou máis anos de antigüidade: 3 días remunerados.

Se durante o ano, a persoa traballadora cambia de tramo de antigüidade poderá gozar dos días de libre disposición aplicables ao novo tramo desde o 1 de xaneiro deste ano.

Co fin de establecer normas que permitan o gozo dos días de libre disposición, sen prexudicar as necesidades do servizo, ambas as partes chegan aos seguintes acordos:

Número máximo de persoas que poden gozar simultaneamente dos días de libre disposición:

En estacións de 1, 2 e 3 liñas, 1 persoa de nave e 1 persoa de oficina por estación e día.

En estacións de 4 liñas en diante, 1 persoa de nave e 1 persoa de oficina por quenda e día.

No caso de que as peticións superen os límites indicados, resolveranse atendendo a orde de presentación da solicitude.

Aviso previo/logo de aviso: con carácter xeral, solicitaranse os días de libre disposición cun aviso previo/logo de aviso de 15 días, salvo un motivo xustificado imprevisto.

Todas as solicitudes serán respondidas por escrito nun prazo máximo de 5 días desde a súa presentación, e indicarase o motivo do rexeitamento da solicitude, se fose o caso.

Os días de libre disposición recuperables poderán ser descontados da nómina mensual inmediatamente posterior ao gozo do permiso, descontado do período de vacacións ou recuperable tempo por tempo en xornada de traballo, por elección da persoa traballadora. A elección do método de compensación non supoñerá en ningún caso a desestimación do permiso.

En caso de reclamacións, estas resolveranse na Comisión Paritaria. Comisión na que, pola súa vez, se analizarán as solicitudes rexeitadas. Así mesmo, a Comisión Paritaria analizará e resolverá calquera reclamación referente á xestión da solicitude de días de libre disposición nun prazo máximo de 5 días, computados desde a recepción desta.

Artigo 5. Vacacións

O persoal gozará de 24 días laborables de vacacións retribuídas anuais e poderán fraccionarse nun máximo de tres períodos de 5 días laborables, como mínimo. Os devanditos períodos comprenderán un máximo de catro sábados. De forma excepcional, o día adicional de vacacións correspondente ao ano 2024, poderá ser gozado polas persoas traballadoras xunto cos días de vacacións do ano 2025, salvo que a persoa traballadora solicite gozar en 2024 e que, en atención ás razóns organizativas e/ou operativas, sexa posible a súa concesión pola empresa.

As vacacións quedarán fixadas o 31 de xaneiro do ano en que estamos. Para a elaboración dos calendarios anuais, a primeira regra será a proposta das persoas traballadoras de mutuo acordo coa empresa, mantendo as necesidades do servizo. Se non houbese acordo entre a persoa traballadora e a empresa, mediaría con ambas as partes o/a delegado/a de persoal ou Comité de Empresa, segundo corresponda. Non chegando a un acordo, segundo o texto anterior, serán 12 días a conveniencia da persoa traballadora e 12 días da empresa.

Fíxanse como necesidades do servizo para efectos de determinar o número máximo de persoas traballadoras que poderán gozalas simultaneamente as establecidas por centro e período na seguinte táboa. As persoas traballadoras agruparanse en dous colectivos, nave e administrativos.

Persoal de nave:

Persoal	Vacacións
<=7	1
8>=<9	1,5*
10>=<15	2
16>=<18	2,5*
19>=<22	3
23>=<24	3,5*
25>=<27	4
>28	5

*0,5 = 1 persoa medio mes

Persoal administrativo:

Gozaranse de forma consecutiva, a condición de que o período de gozo sexa entre o 1 de xullo e o 31 de agosto.

En estacións de 4 ou máis administrativos/as no período de vacacións sucesivas de verán poderán gozar simultaneamente dúas persoas as vacacións. O devandito período de verán será, como mínimo, do 1 de xullo ao 31 de agosto e poderá ampliarse a condición de que as vacacións se gocen de forma sucesiva.

En estacións de menos de 4 administrativos/as só poderá gozala unha persoa por estación.

Fóra do período anterior, as vacacións do persoal administrativo non terán que ser consecutivas e deberán cumprirse os seguintes requisitos:

Poderá gozalas unha persoa por estación.

Para os seguintes grupos de estacións, poderá gozalas un máximo de 1 persoa entre elas:

Grupo 1: estacións de Cacheiras, Ribeira e Lalín.

Grupo 2: estacións de Curro e Bueu.

Grupo 3: estacións de Monforte de Lemos, O Barco de Valdeorras, Verín, Xinzo de Limia e O Carballiño.

Así mesmo, no seguinte grupo de estacións poderá gozalas un máximo de 2 persoas entre elas:

Grupo 4: estacións de Viveiro, Foz e Vilalba.

En relación coa organización das vacacións do persoal administrativo, a empresa comprométese a crear e manter unha mesa de traballo para analizar a casuística de cada unha das estacións e propoñer unha solución que satisfaga ambas as partes desde o punto de vista organizativo. Esta mesa de traballo crearase antes do 1 de novembro de 2024. As modificacións pactadas na mesa de traballo descrita, e aceptadas por ambas as partes, pasarán a formar parte da regulación deste convenio no prazo que se pacte.

Artigo 6. Gratificación de convenio

Durante a vixencia do IV Convenio colectivo incrementarase o importe consolidado no artigo 5 do III Convenio colectivo (701 euros/brutos/ano) ata alcanzar o importe de 1.101 euros/brutos/ano, nos seguintes termos:

2024: incremento de 200 euros/brutos/ano.

2025: incremento de 66,66 euros/brutos/ano.

2026: incremento de 66,66 euros/brutos/ano.

2027: incremento de 66,66 euros/brutos/ano.

Terán dereito a esta gratificación as persoas traballadoras cunha antigüidade mínima de 12 meses á finalización do período de pagamento e en proporción á xornada traballada.

As ditas cantidades consolidaranse anualmente e non estarán vinculadas a ningún condicionante.

A gratificación devindicada aboarase no primeiro cuadrimestre do ano seguinte ao do pagamento.

Artigo 7. Incremento salarial

Os incrementos salariais serán os seguintes:

Xefes de equipo, xefes de liña I e II, inspectores nivel I e administrativos nivel I: os incrementos calcularanse sobre o salario bruto anual do xefe de liña nivel II no ano precedente, e aplicarase a cantidade resultante ao resto de categorías indicadas:

2024: IPC + 2,90 %

2025: IPC + 1,90 %

2026: IPC + 1,50 %

2027: IPC + 1,50 %

Inspectores e administrativos nivel II, inspectores e administrativos entrada. Os incrementos calcularanse sobre o salario bruto anual do ano anterior de cada unha das categorías.

2024: IPC + 0,70 %

2025: IPC + 0,70 %

2026: IPC + 0,70 %

2027: IPC + 0,70 %

Se o IPC + diferencial é negativo, aplicarase un incremento do 0,7 % sobre o salario bruto anual do ano anterior das seguintes categorías: inspectores e administrativos nivel II, inspectores e administrativos entrada.

Se o IPC + diferencial é negativo, aplicarase un incremento do 0,7 % sobre o salario bruto anual do xefe de liña nivel II e aplicarase a cantidade resultante ás categorías indicadas: xefes de equipo, xefes de liña I e II, inspectores nivel I e administrativos nivel I.

O IPC de referencia será o IPC anual do ano anterior.

No prazo dun mes desde o rexistro do Convenio colectivo aboaranse os atrasos correspondentes desde o 1 de xaneiro de 2024.

Cláusula de revisión salarial: se o IPC anual do ano en que estamos é superior ao IPC anual do ano anterior máis o diferencial aplicado ao salario bruto anual do xefe de liña nivel II, aboarase a diferenza como atrasos desde o mes de xaneiro do ano actual, e sen que iso supoña unha actualización da táboa salarial vixente para efectos da aplicación do incremento pactado para o ano seguinte. O aboamento realizarase no mes seguinte de que o INE publique o IPC.

Os incrementos salariais aplicaranse sempre sobre as táboas salariais da empresa do ano anterior, sen quedar nunca por debaixo das táboas do Convenio colectivo provincial para a industria siderometalúrxica da provincia da Coruña. Así, do incremento salarial do ano 2024 resultan as seguintes táboas:

Grupo e nivel		Salario bruto 2024* (€)
5B xefe/a de equipo		39.327,60
5B xefe/a de liña	Nivel I	35.976,22
	Nivel II	32.528,22
5B inspector/a	Nivel I	28.903,63
	Nivel II	27.172,34
6 inspector/a entrada	Nivel I e II	25.519,73
5A administrativo/a	Nivel I	28.903,63
	Nivel II	27.897,00
6 administrativo/a entrada	Nivel I e II	25.519,73

*Inclúe salario base, complemento de asiduidade, complemento de quendas rotativas e incentivo compensable e absorbible.

Os cambios de nivel dentro de cada categoría serán efectivos aos 36 meses de permanencia no nivel II. O persoal que teña por cumprida esta condición na data da sinatura deste convenio devindicará os atrasos desde a data en que cumprise a dita condición e ascenderá de nivel de forma inmediata.

A partir do 1 de xaneiro de 2025 as categorías de xefe de equipo, xefe de liña I e II, e inspector nivel I serán adscritas ao grupo profesional 4 do Convenio colectivo provincial para a industria siderometalúrxica da provincia da Coruña.

Non se inclúe nas anteriores táboas salariais:

– O complemento de antigüidade do artigo 50 do Convenio colectivo provincial para a industria siderometalúrxica da provincia da Coruña, que se actualizará, para as persoas traballadoras que o veñen percibindo na actualidade, segundo o devandito convenio colectivo.

– Os complementos de posto actualizaranse para os anos 2024, 2025, 2026 e 2027 co IPC anual do ano anterior (complemento de móbil, complemento de foso e complemento de mando). En todos os casos, se o IPC resultase negativo ou igual a 0, o importe do complemento correspondente non se verá minorado.

Sen prexuízo do anterior, para o colectivo de administrativos nivel I o importe do complemento quenda rotativa será de 106,10 euros/brutos/mes no ano 2024, e é o incremento absorbible e compensable co concepto «incentivo compensable e absorbible», e equipararase ao complemento inspectores nivel I. Unha vez actualizada esta cantidade, o devandito complemento incrementarase para 2024 en 13,75 euros/brutos/mes para as categorías inspector nivel I e administrativo nivel I. Para os anos 2025, 2026 e 2027 o devandito importe (119,85 euros/brutos/mes) incrementarase 13,75 euros/brutos/mes cada un dos devanditos anos, e o importe para aboar en 2027 é o de 161 euros/brutos/mes.

Artigo 8. Estacións móbiles

Cando unha persoa traballadora preste os seus servizos nunha unidade móbil, o seu lugar de traballo será o da localización da estación en cada momento, e é o centro de traballo a estación fixa á que está adscrita á correspondente unidade móbil.

Por razón do desprazamento que realizan ás localidades de localización das móbiles 1 a 6, a 10 e a 11, segundo o calendario anual correspondente, as persoas traballadoras percibirán, no ano 2024, por día efectivo de traballo na estación móbil unha axuda de custo en compensación aos gastos de desprazamento e manutención, segundo a seguinte escala:

Grupo I: 39 €

Grupo II: 45 €

Grupo III: 56 €

Grupo IV: 70 €

Os devanditos importes incrementaranse un 5 % nos anos 2025, 2026 e 2027, do que resulta a seguinte táboa:

	2025	2026	2027
Grupo I	40,95 €	43,00 €	45,15 €
Grupo II	47,25 €	49,61 €	52,09 €
Grupo III	58,80 €	61,74 €	64,83 €
Grupo IV	73,50 €	77,18 €	81,03 €

Achéganse en anexo os grupos e os destinos.

Nos casos en que as persoas traballadoras que se desprazan en vehículo de empresa (móbiles 7, 8 e 9) percibirán, durante a vixencia do convenio, por día efectivo de traballo unha axuda de custo en compensación aos gastos de manutención segundo a seguinte escala:

Grupo A: 20 €

Grupo B: 25 €

Achégase en anexo os grupos e os destinos.

No caso de que temporalmente presten os seus servizos en unidade móbil persoas traballadoras pertencentes a centros de traballo diferentes ao de adscrición da móbil, as axudas de custo calcularanse atendendo á distancia existente entre o centro de traballo de orixe da persoa traballadora e o lugar de localización da móbil en cada momento.

No caso de que a unidade móbil se desprace a unha localidade pertencente ao mesmo concello que a súa estación fixa de adscrición non procederá o aboamento de axuda de custo exenta fiscalmente; aboaranse os gastos xustificados contra a presentación dos recibos por parte das persoas traballadoras e aboarase a quilometraxe correspondente conforme os procedementos, os prezos e as normas establecidos internamente.

Complemento de condución: o persoal traballador que poña ao dispor da empresa o seu carné para o traslado da estación móbil dun destino a outro, percibirá un complemento de 4 euros por día efectivo de traslado.

No caso de que nunha estación haxa máis dunha persoa con carné adecuado, facilitarase a rotación para repartir equitativamente este complemento. Será responsabilidade do persoal que asuma a responsabilidade de condutor o respeto ás normas de circulación, así como manter os permisos necesarios ao día.

Artigo 9. Saídas, viaxes e axudas de custo (persoal distinto de unidades móbiles)

Cando as persoas traballadoras, por necesidades da empresa, tivesen que desprazarse utilizando o seu propio vehículo aboaráselle a cantidade de 0,31 euros por quilómetro, así como as peaxes e os aparcadoiros, necesarios, se é o caso, que se aboarán presentando o recibo de gasto pertinente.

Os desprazamentos de carácter laboral que se realicen fóra do municipio de adscrición do persoal traballador xerarán o dereito de manutención, a condición de que o tempo de desprazamento entre o seu centro de traballo e o centro de traballo de destino supere os 30 minutos. Este dereito será recollido como gastos xustificados e aboarase o realmente consumido, cun límite de 20 euros.

No caso de que sexa solicitado o persoal traballador a quendas para a realización de horas extraordinarias, ou calquera outra circunstancia laboral, que exixan dividir a xornada, xerarase o dereito de manutención conforme o punto anterior, salvo nos casos referentes á formación recollida no artigo 3.

Artigo 10. Xubilación parcial

As persoas traballadoras que así o decidan poderán acollerse á xubilación parcial, nos termos establecidos no Convenio colectivo provincial para a industria siderometalúrxica da provincia da Coruña e lexislación laboral vixente en cada momento.

Artigo 11. Período de proba

Os contratos temporais terán un período de proba de 2 meses.

Artigo 12. Complemento IT

No caso de incapacidade temporal (IT) por continxencias comúns, a empresa complementará a base reguladora da persoa traballadora afectada ata o 100 % desde o 16º día de baixa médica.

Artigo 13. Comisión Paritaria e Comisión de Formación

A) Comisión Paritaria.

No prazo dun mes desde a sinatura deste convenio colectivo formalizarase a Comisión Paritaria, que terá as seguintes competencias:

Como órgano de interpretación, conciliación, arbitraxe e vixilancia do cumprimento do pactado neste convenio e todas aquelas que lle reserve a lexislación vixente en cada momento.

As súas funcións específicas serán as seguintes:

1. Interpretación auténtica deste convenio colectivo.

2. Arbitraxe dos problemas ou das cuestións que lle sometan ambas as partes, de común acordo en asuntos derivados deste convenio colectivo.

3. Conciliación facultativa nos problemas colectivos con independencia das atribucións que por norma legal lles poidan corresponder aos organismos correspondentes.

4. Vixilancia e seguimento do cumprimento do pactado.

5. Estudo da evolución das relacións entre as partes contratantes.

6. Cantas outras cuestións tendan á maior eficacia práctica deste convenio colectivo.

7. Coñecer e resolver sobre as solicitudes de inaplicación das condicións deste convenio colectivo que se lle sometan.

8. Todas aquelas atribuídas polo texto refundido da Lei do Estatuto dos traballadores e demais normativa vixente.

9. Vixilancia, conciliación e arbitraxe das cuestións extraordinarias referidas a controversias relacionadas cos artigos 3 e 10 deste convenio.

Os acordos ou as resolucións adoptados pola metade máis un de cada parte da Comisión Paritaria terán carácter vinculante. De non obterse a metade máis un de cada parte, seguiranse, para a resolución das cuestións expostas, as canles legalmente previstas.

A Comisión Paritaria, en primeira convocatoria, non poderá actuar sen a presenza de todos os vogais previamente convocados, e en segunda convocatoria, que terá lugar media hora despois da primeira, actuará cos que asistan sempre que sexan a metade máis un de cada unha das partes, e terán voto unicamente os vogais presentes e non os «oíntes».

As reunións da Comisión realizaranse sempre que unha das partes, por escrito e cunha orde do día predeterminada, así o solicite. As reunións así propostas deberanse realizar dentro dos dez días laborables seguintes ao da convocatoria exposta –para efectos do cómputo do devandito prazo non terán consideración de laborables nin os sábados nin os domingos–, e elaborarase a preceptiva acta na que conste o contido dos acordos, dos desacordos e/ou dos temas tratados.

As reunións da Comisión Paritaria que teñan como orde do día resolver calquera controversia relacionada co punto 9 revestirán carácter de especial urxencia, e poderán ser convocadas unitariamente por calquera sindicato asinante ou pola parte empresarial. Estas reunións deberanse resolver nun prazo máximo de 5 días laborables, de maneira inescusable.

Así mesmo, no caso de controversia na aplicación do artigo 10, aplicarase o disposto no artigo 13, punto 9, así como o establecido no parágrafo anterior. Debido á especial sensibilidade do contido do articulado referente á xubilación parcial, as partes adquiren o compromiso de buscar solucións que deriven na máxima inmediatez da resolución da controversia.

Os acordos da Comisión deberán alcanzarse pola metade máis un de cada unha das partes.

Ambas as partes conveñen en dar coñecemento á Comisión Paritaria de cantas dúbidas, discrepancias e conflitos puidesen producirse como consecuencia da interpretación e aplicación deste convenio colectivo, para que actúe de acordo coas súas funcións.

No caso de que non se puidese ditar unha resolución, por non existir acordo no seo da Comisión Paritaria, ambas as partes quedarán obrigadas a someterse ao procedemento de mediación establecido no Acordo Interprofesional Galego (AGA) sobre procedementos extraxudiciais de solución de conflitos de traballo.

A Comisión Paritaria integraraa un membro por cada sindicato asinante deste convenio colectivo e o mesmo número de membros por parte da empresa, que serán designados entre as respectivas representacións asinantes deste convenio colectivo e aos que se denominará vogais.

Así mesmo, poderá participar un membro por cada sindicato en calidade de «oínte», con voz, pero sen dereito ao voto, salvo que delegue, de forma expresa, no devandito «oínte» o voto a persoa titular –vogal– designada polo sindicato de que se trate.

A empresa facilitará un crédito horario adicional e gastos (quilometraxe, peaxe e aparcadoiro, así como a comida se se alonga a reunión) referentes ás reunións que teñan lugar na Comisión Paritaria aos membros titulares designados por cada sindicato (vogais), así como aos oíntes que participen nela, que non poderán superar o número de catro persoas, unha por cada sindicato.

Os membros da parte social da Comisión Paritaria terán unha reunión previa antes de cada reunión coa parte empresarial para tentar acordar unha postura común. Respecto desta reunión previa, a empresa só aboará os gastos de quilometraxe e peaxes e facilitará un crédito adicional se é a empresa quen convoca a reunión.

Poderán nomearse asesores por cada representación, aínda que non terán dereito a voto.

As solicitudes de reunión e, se é o caso, o envío de documentación referentes á Comisión Paritaria realizarase por correo electrónico, e a parte receptora deberá enviar un xustificante de recepción.

O lugar de reunión da Comisión Paritaria será preferentemente na zona de Santiago de Compostela.

B) Comisión de Formación.

A Comisión de Formación integraraa un membro por cada sindicato asinante deste convenio colectivo e o mesmo número de membros por parte da empresa, que serán designados entre as respectivas representacións asinantes deste convenio colectivo e aos que se denominará vogais.

Así mesmo, poderá participar un membro por cada sindicato en calidade de «oínte», con voz, pero sen dereito a voto, salvo que a persoa titular –vogal– designada polo sindicato de que se trate delegue, de forma expresa, no devandito «oínte» o voto.

No prazo dun mes desde a sinatura deste convenio colectivo formalizarase a Comisión de Formación, con indicación expresa das persoas titulares (vogais) por cada parte, así como os oíntes pola parte social, que terá as seguintes competencias:

I. Como órgano de seguimento do Plan de formación: consulta previa e aprobación do plan de formación anual.

II. Ademais, de conformidade co previsto legalmente, a parte social da Comisión de Formación enviará un xustificante de recepción da documentación necesaria para as bonificacións correspondentes, que será remitida por correo electrónico, e sen que o dito xustificante de recepción supoña ningunha conformidade ou desconformidade respecto da bonificación que a empresa traslade.

No caso de que non sexa posible a sinatura pola persoa titular designada por un sindicato por causa xustificada (incapacidade temporal, vacacións, permiso retribuído, así como outras causas análogas xustificativas da devandita imposibilidade), asinará o oínte que designe o devandito sindicato.

Os acordos ou resolucións adoptados pola metade máis un de cada parte da Comisión de Formación terán carácter vinculante. De non obterse a metade máis un de cada parte, seguiranse, para a resolución das cuestións expostas, as canles legalmente previstas.

A Comisión de Formación, en primeira convocatoria, non poderá actuar sen a presenza de todos os vogais previamente convocados, e en segunda convocatoria, que terá lugar media hora despois da primeira, actuará cos que asistan, sempre que sexan a metade máis un de cada unha das partes, e terán voto unicamente os vogais presentes e non os «oíntes».

As reunións da Comisión de Formación realizaranse sempre que unha das partes, por escrito e cunha orde do día predeterminada, así o solicite. As reunións así propostas deberanse realizar dentro dos dez días laborables seguintes ao da convocatoria exposta –para efectos do cómputo do devandito prazo non terán consideración de laborables nin os sábados nin os domingos–, e elaborarase a preceptiva acta na que consten o contido dos acordos, dos desacordos e/ou dos temas tratados.

Os acordos da Comisión de Formación deberán ser alcanzados pola metade máis un de cada unha das partes.

A empresa facilitará un crédito horario adicional e os gastos (quilometraxe, peaxe e aparcadoiro, así como a comida se se alonga a reunión) referentes ás reunións que se realicen da Comisión de Formación aos membros titulares designados por cada sindicato (vogais), así como aos oíntes que participen nela, que non poderán superar o número de catro persoas, unha por cada sindicato.

A elaboración e/ou configuración do Plan de formación realizarase da seguinte forma:

(I) Cando se publiquen nas estacións as notas internas onde se solicita que o persoal achegue as súas suxestións para o Plan de formación do ano seguinte, a representación legal das persoas traballadoras poderá tamén nese momento facer chegar á empresa as súas achegas, respectando o prazo que se facilite para a participación de todo o persoal.

(II) No último trimestre do ano reunirase a Comisión de Formación e a empresa presentará unha proposta do plan de formación onde se valoraron as suxestións achegadas por todo o persoal e pola RLPT. A parte social da Comisión de Formación dispoñerá de 15 días para as alegacións á dita proposta.

Seguimento do Plan de formación:

A empresa comunicará calquera cambio no cumprimento e/ou no desenvolvemento do Plan de formación. Así mesmo, ante calquera solicitude motivada de calquera das partes, as partes reuniranse no prazo de 10 días laborables desde a devandita solicitude –para efectos do cómputo do devandito prazo non terán consideración de laborables nin os sábados nin os domingos–, e elaborarase a preceptiva acta na que conste o contido dos acordos, dos desacordos e/ou dos temas tratados.

Cada representación sindical poderá nomear asesores, que terán dereito a voz, pero non a voto.

As solicitudes de reunión e, se é o caso, o envío de documentación referentes á Comisión de Formación realizarase por correo electrónico, e a parte receptora deberá enviar un xustificante de recepción.

O lugar de reunión da Comisión de Formación será preferentemente na zona de Santiago de Compostela.

Artigo 14. Fixos descontinuos

i) Chamamento:

a. Aviso previo/logo de aviso:

O chamamento levarao a cabo a empresa 45 días naturais previos ao comezo do contrato de traballo e a persoa empregada comunicará a súa aceptación ou declinación nun prazo máximo de 20 días naturais contado desde a data do chamamento.

Unha vez aceptado o chamamento e iniciada a prestación de servizos, a empresa poderá, por necesidades organizativas e produtivas, propoñer por vía telefónica á persoa traballadora a ampliación do período de prestación de servizos pactado en contrato de traballo fixo descontinuo, e non serán de aplicación os prazos establecidos no parágrafo anterior.

Neste caso, a falta de aceptación da proposta de ampliación do período de prestación de servizo non terá ningún efecto sobre o contrato de traballo fixo descontinuo, que se manterá nos mesmos termos.

Así mesmo, se a empresa realiza o chamamento á persoa traballadora fóra do seu período de contratación e esta rexeita a oferta, non terá ningunha consecuencia para a persoa traballadora. Este chamamento poderá realizarse de forma telefónica.

b. Forma:

O chamamento realizarase por medio de correo electrónico, con copia á RLPT. Así mesmo, a persoa empregada será contactada telefonicamente.

c. Orde:

O chamamento realizarase segundo a antigüidade da persoa empregada e ofrecerase o contrato de maior duración á persoa empregada de maior antigüidade.

ii) Xornada:

Os contratos obxecto deste acordo serán a tempo completo.

iii) Desprazamentos:

Os desprazamentos das persoas contratadas baixo a modalidade de fixo-descontinuo trataranse do mesmo xeito que para o resto de persoas empregadas.

iv) Ausencias por enfermidade, permisos e vacacións:

• Situacións de IT ou asimiladas.

No caso de que, tras calendarizar o chamamento, no momento de comunicarse este á persoa empregada, esta se atope en circunstancia de IT ou situación asimilada, será dada de alta nas súas condicións específicas, e tramitarase a IT ou situación asimilada correspondente.

• Permisos.

Os permisos gozaranse cando se produza o feito causante.

• Vacacións.

As persoas empregadas baixo a modalidade contractual de fixo-descontinuo percibirán as vacacións devindicadas ao final do período de actividade.

v) Acceso á contratación fixa ordinaria:

Tras os posibles traslados entre as solicitudes do persoal con contrato indefinido ordinario, para as vacantes resultantes, as persoas empregadas baixo a modalidade de fixos descontinuos serán consideradas como colectivo prioritario por zona en caso das persoas que presten servizos nas estacións de ITV e por departamento no caso das persoas que presten servizos en oficinas centrais.

Sen prexuízo do anterior, tras os posibles traslados do persoal con contrato indefinido para as vacantes resultantes, a persoa traballadora con antigüidade igual ou superior a 4 anos como fixo descontinuo terá prioridade sobre o resto de persoal fixo descontinuo con antigüidade inferior a 4 anos. No caso de que a persoa máis antiga renunciase ou non se pedise a dita vacante, mantería o seu dereito para outras vacantes que xurdan no futuro.

vi) Información:

Trataranse a información e as cuestións das persoas empregadas baixo a modalidade de fixo descontinuo cos respectivos delegados de persoal ou comité de empresa, segundo proceda.

Así mesmo, a empresa informará a representación legal das persoas traballadoras sobre a existencia de postos de traballo vacantes de carácter fixo ordinario.

Artigo 15. Subrogación

As partes asinantes, de conformidade co disposto no artigo 11 do Convenio colectivo provincial para a industria siderometalúrxica da provincia da Coruña, consideran as persoas traballadoras das ITV da empresa incluídas nos sectores nos que se aplica a subrogación.

Artigo 16. Vixencia e condicións para a renovación

Este convenio colectivo terá unha duración de 4 anos e estenderase desde o 1 de xaneiro de 2024 ao 31 de decembro de 2027.

A entrada en vigor producirase desde o día seguinte ao da súa sinatura, excepto para os conceptos nos que se especifique unha data concreta de aplicación no artigo correspondente e para o incremento das táboas salariais que recollen os salarios brutos anuais por grupo e nivel. En relación ao ano 2024, o incremento salarial terá vixencia desde o 1 de xaneiro de 2024.

Os atrasos correspondentes ao ano 2024 aboaranse no prazo dun mes desde o rexistro do convenio colectivo.

Calquera das dúas partes poderá realizar a denuncia por escrito deste convenio colectivo durante o mes de setembro de 2027, e as partes comprométense a iniciar a negociación dun novo convenio colectivo tres meses antes da finalización da vixencia deste.

Unha vez denunciado este convenio colectivo, e mentres non se alcance un acordo expreso, este manterá a súa vixencia ata que sexa substituído por un novo convenio colectivo.

Artigo 17. Dereito complementario

No non previsto expresamente neste convenio colectivo e que non contradiga o disposto nel haberá que aterse ao establecido no Convenio colectivo provincial para a industria siderometalúrxica da provincia da Coruña, o texto refundido da Lei do Estatuto dos traballadores e o previsto nas disposicións de carácter xeral que sexan de aplicación.

Artigo 18. Solución de conflitos

Os asinantes deste convenio colectivo acordan acollerse, no referente a conflitos colectivos sobre interpretación e/ou incumprimento deste convenio colectivo e o dereito complementario incluído no artigo 18 aos procedementos de conciliación e mediación recollidos no AGA.

Disposición derradeira

O texto resultante da negociación colectiva que recolle este convenio colectivo considerarase modificado en todo aquilo que sexa necesario segundo as modificacións lexislativas que teñan sitio durante a súa vixencia, e convocarase a Comisión Paritaria para a súa aprobación no seo desta.

ANEXO I

Grupos e destinos

Táboa de localizacións e axudas de custo das estacións móbiles 1, 2, 3, 4, 5, 6, 10 e 11

GRUPO I: ata 50 km distancia

GRUPO II: 51-100 km distancia

ESTACIÓN	LOCALIZACIÓN	ESTACIÓN	LOCALIZACIÓN		ESTACIÓN	LOCALIZACIÓN	ESTACIÓN	LOCALIZACIÓN
MÓBIL 1	Sarria	MÓBIL 5	Xunqueira de Ambía		MÓBIL 1	Chantada	MÓBIL 5	A Pobra de Trives
MÓBIL 1	Guitiriz	MÓBIL 5	Taboadela		MÓBIL 1	Becerreá	MÓBIL 5	Monterrei
MÓBIL 1	Meira	MÓBIL 5	Castrelo de Miño		MÓBIL 1	A Fonsagrada	MÓBIL 5	Manzaneda
MÓBIL 2	Carballo	MÓBIL 5	Toén		MÓBIL 1	A Pontenova	MÓBIL 5	Padrenda
MÓBIL 2	Santa Comba	MÓBIL 5	Cartelle		MÓBIL 1	Quiroga	MÓBIL 5	Pontedeva
MÓBIL 2	Arzúa	MÓBIL 5	Boborás		MÓBIL 2	Cerceda	MÓBIL 5	Gomesende
MÓBIL 2	Curtis	MÓBIL 5	Xunqueira de Espadanedo		MÓBIL 2	Cee	MÓBIL 5	Lobeira
MÓBIL 3	Boimorto	MÓBIL 5	Vilamarín		MÓBIL 2	Muros	MÓBIL 5	Entrimo
MÓBIL 3	Mesía	MÓBIL 5	Chantada		MÓBIL 2	Rianxo	MÓBIL 5	Lobios
MÓBIL 3	Frades	MÓBIL 6	A Guarda		MÓBIL 2	Melide	MÓBIL 5	Muíños
MÓBIL 3	O Pino	MÓBIL 6	A Cañiza		MÓBIL 2	Monterroso	MÓBIL 5	Calvos de Randín
MÓBIL 3	Touro	MÓBIL 6	Tomiño		MÓBIL 2	Palas de Rei	MÓBIL 5	Porqueira
MÓBIL 3	Boqueixón	MÓBIL 6	Pazos de Borbén		MÓBIL 3	Aranga	MÓBIL 5	Palas de Rei
MÓBIL 3	Rois	MÓBIL 10	Catoira		MÓBIL 3	Coirós	MÓBIL 5	Monterroso
MÓBIL 3	Brión	MÓBIL 10	Cambados		MÓBIL 3	Curtis	MÓBIL 5	Antas de Ulla
MÓBIL 3	Arzúa	MÓBIL 10	Campo Lameiro		MÓBIL 3	Vilasantar	MÓBIL 5	Portomarín
MÓBIL 3	Santa Comba	MÓBIL 10	Pazos de Borbén		MÓBIL 3	Sobrado	MÓBIL 5	Larouco
MÓBIL 3	Negreira	MÓBIL 10	Soutomaior		MÓBIL 3	Mazaricos	MÓBIL 5	Castrelo do Val
MÓBIL 3	A Baña	MÓBIL 10	Vilaboa		MÓBIL 3	Cee	MÓBIL 6	Celanova
MÓBIL 3	Coristanco (San Roque)	MÓBIL 10	Marín		MÓBIL 3	Cerceda	MÓBIL 6	Ribadavia
MÓBIL 3	Trazo	MÓBIL 10	Sanxenxo		MÓBIL 3	A Laracha	MÓBIL 6	A Estrada
MÓBIL 3	Val do Dubra	MÓBIL 10	Ponte Caldelas		MÓBIL 3	Ponteceso	MÓBIL 6	O Grove
MÓBIL 3	Ordes	MÓBIL 10	Cerdedo		MÓBIL 3	Oza-Cesuras	MÓBIL 6	Sanxenxo
MÓBIL 3	Oroso	MÓBIL 10	Cotobade		MÓBIL 3	Boiro	MÓBIL 6	Forcarei
MÓBIL 3	Tordoia	MÓBIL 10	Fornelos de Montes		MÓBIL 3	Rianxo	MÓBIL 10	Lousame
MÓBIL 3	Noia	MÓBIL 10	Mondariz		MÓBIL 3	Coristanco (Agualada)	MÓBIL 10	Oia
MÓBIL 3	Vedra	MÓBIL 10	Forcarei		MÓBIL 3	Melide	MÓBIL 10	Crecente
MÓBIL 3	Padrón	MÓBIL 10	Cuntis		MÓBIL 3	Porto do Son	MÓBIL 10	As Neves
MÓBIL 3	Dodro	MÓBIL 10	Moraña		MÓBIL 4	Triacastela	MÓBIL 10	Silleda
MÓBIL 4	Baralla	MÓBIL 10	Valga		MÓBIL 4	Baleira	MÓBIL 10	A Estrada
MÓBIL 4	Castroverde	MÓBIL 10	Portas		MÓBIL 4	As Nogais	MÓBIL 10	O Grove
MÓBIL 4	Meira	MÓBIL 10	Vilanova de Arousa		MÓBIL 4	Pedrafita do Cebreiro	MÓBIL 10	Salceda de Caselas
MÓBIL 4	Pol	MÓBIL 10	Ribadumia		MÓBIL 4	Cervantes	MÓBIL 10	Rodeiro
MÓBIL 4	Castro de Rei	MÓBIL 10	Meaño		MÓBIL 4	Navia de Suarna	MÓBIL 10	Agolada
MÓBIL 4	Outeiro de Rei	MÓBIL 10	Meis		MÓBIL 4	A Fonsagrada	MÓBIL 10	Lalín
MÓBIL 4	Rábade	MÓBIL 10	Poio		MÓBIL 4	Negueira de Muñiz	MÓBIL 10	Dozón
MÓBIL 4	Begonte	MÓBIL 10	Vigo		MÓBIL 4	Ribeira de Piquín	MÓBIL 10	Ponteareas
MÓBIL 4	Cospeito	MÓBIL 11	Valdoviño (lago)		MÓBIL 4	Riotorto	MÓBIL 10	Salvaterra de Miño
MÓBIL 4	A Pastoriza	MÓBIL 11	San Sadurniño		MÓBIL 4	Trabada	MÓBIL 10	O Rosal
MÓBIL 4	Guitiriz	MÓBIL 11	Narón		MÓBIL 4	Lourenzá	MÓBIL 10	Arbo
MÓBIL 4	Vilalba	MÓBIL 11	Neda		MÓBIL 4	Mondoñedo	MÓBIL 10	Vila de Cruces
MÓBIL 4	A Pontenova	MÓBIL 11	Carral		MÓBIL 4	Alfoz	MÓBIL 10	Tui
MÓBIL 4	Friol	MÓBIL 11	Vilarmaior		MÓBIL 4	Abadín	MÓBIL 10	O Irixo
MÓBIL 4	Guntín	MÓBIL 11	Monfero		MÓBIL 4	Becerreá	MÓBIL 10	Tomiño
MÓBIL 4	O Corgo	MÓBIL 11	Carballo		MÓBIL 5	Taboada	MÓBIL 10	A Guarda
MÓBIL 4	Láncara	MÓBIL 11	Abegondo		MÓBIL 5	O Saviñao	MÓBIL 10	Santiso
MÓBIL 4	O Páramo	MÓBIL 11	A Capela		MÓBIL 5	Paradela	MÓBIL 10	Formación (Tambre)
MÓBIL 5	Ribadavia	MÓBIL 11	Cabanas		MÓBIL 5	Riós	MÓBIL 11	Cariño
MÓBIL 5	Celanova	MÓBIL 11	Pontedeume		MÓBIL 5	San Xoán de Río	MÓBIL 11	Cedeira
MÓBIL 5	Carballedo	MÓBIL 11	Mugardos		MÓBIL 5	Chandrexa de Queixa	MÓBIL 11	As Somozas
MÓBIL 5	Sober	MÓBIL 11	Miño		MÓBIL 5	Sarria	MÓBIL 11	Cerdido
MÓBIL 5	Pantón	MÓBIL 11	Irixoa		MÓBIL 5	O Incio	MÓBIL 11	Moeche
MÓBIL 5	Allariz	MÓBIL 11	Paderne		MÓBIL 5	Samos	MÓBIL 11	Vimianzo
MÓBIL 5	Castro Caldelas	GRUPO III: 100-125 km distancia			MÓBIL 5	A Pobra do Brollón	MÓBIL 11	Laxe
MÓBIL 5	Montederramo	ESTACIÓN	LOCALIZACIÓN		MÓBIL 5	Bóveda	MÓBIL 11	Zas
MÓBIL 5	Parada de Sil	MÓBIL 1	Maceda		MÓBIL 5	Quiroga	MÓBIL 11	Malpica de Bergantiños
MÓBIL 5	Nogueira de Ramuín	MÓBIL 1	Formación (Tambre)		MÓBIL 5	Ribas de Sil	MÓBIL 11	Xermade
MÓBIL 5	Maceda	MÓBIL 2	As Pontes de García Rodríguez		MÓBIL 5	Sarreaus	MÓBIL 11	Muras
MÓBIL 5	Baños de Molgas	MÓBIL 2	Cedeira		MÓBIL 5	Rairiz de Veiga	MÓBIL 11	Camariñas
MÓBIL 5	Vilar de Barrio	MÓBIL 4	Ribadeo		MÓBIL 5	Os Blancos	MÓBIL 11	Formación (Tambre)
MÓBIL 5	Sandiás	MÓBIL 4	O Valadouro		MÓBIL 5	Baltar	MÓBIL 11	Muxía
MÓBIL 5	Vilar de Santos	MÓBIL 4	Cervo		MÓBIL 5	Cualedro	MÓBIL 11	As Pontes de García Rodríguez
MÓBIL 5	Leiro	MÓBIL 4	Xove		MÓBIL 5	Trasmiras	MÓBIL 11	Dumbría
MÓBIL 5	Barbadás	MÓBIL 4	Barreiros		MÓBIL 5	Oímbra	MÓBIL 11	Valdoviño (Vilaboa)
MÓBIL 5	Esgos	MÓBIL 4	Foz		MÓBIL 5	A Cañiza	MÓBIL 11	Ortigueira
MÓBIL 5	Coles	MÓBIL 4	Formación (Tambre)		MÓBIL 5	Laza
MÓBIL 5	A Peroxa	MÓBIL 5	O Bolo		MÓBIL 5	Verín
MÓBIL 5	Amoeiro	MÓBIL 5	Viana do Bolo		MÓBIL 5	Vilardevós
MÓBIL 5	Punxín	MÓBIL 5	Folgoso do Courel		MÓBIL 5	A Rúa	GRUPO IV: máis de 125 km distancia
MÓBIL 5	Cenlle	MÓBIL 5	A Mezquita				ESTACIÓN	LOCALIZACIÓN
MÓBIL 5	San Amaro	MÓBIL 5	A Gudiña				MÓBIL 1	Viana do Bolo
MÓBIL 5	Piñor	MÓBIL 5	Formación (Tambre)				MÓBIL 1	A Gudiña
MÓBIL 5	San Cristovo	MÓBIL 6	Noia				MÓBIL 1	A Pobra de Trives
MÓBIL 5	Melón	MÓBIL 6	Bande				MÓBIL 2	Ortigueira
MÓBIL 5	A Arnoia	MÓBIL 6	Formación (Tambre)				MÓBIL 5	A Veiga
MÓBIL 5	Ramirás	MÓBIL 11	Carnota				MÓBIL 5	Vilariño de Conso
MÓBIL 5	Bande	MÓBIL 11	Muros				MÓBIL 6	Lobios
MÓBIL 5	Verea	MÓBIL 11	Outes		Se durante a vixencia do convenio as estacións móbiles desprazásense a localidades non recollidas nos grupos anteriores, rexerán para o abono da axuda de custo as mesmas condicións establecidas en cada caso nos citados grupos
MÓBIL 5	A Bola	MÓBIL 11	O Vicedo
MÓBIL 5	A Merca	MÓBIL 11	Ourol
		MÓBIL 11	Fisterra

Táboa de localizacións e axudas de custo das estaciones móbiles 7 e 9

GRUPO A: ata 60 km distancia

GRUPO B: desde 61 km distancia

ESTACIÓN	ORIXE	LOCALIZACIÓN		ESTACIÓN	ORIXE	LOCALIZACIÓN
MÓBIL 7	E. Santo	Arzúa		MÓBIL 7	E. Santo	Rianxo
MÓBIL 7	E. Santo	Carballo		MÓBIL 7	E. Santo	Santa Comba
MÓBIL 7	E. Santo	Curtis		MÓBIL 7	E. Santo	Padrón
MÓBIL 7	E. Santo	Miño		MÓBIL 7	E. Santo	Boiro
MÓBIL 7	E. Santo	Ares		MÓBIL 7	E. Santo	Noia
MÓBIL 7	E. Santo	Moeche		MÓBIL 7	E. Santo	Negreira
MÓBIL 7	E. Santo	As Pontes de García Rodríguez		MÓBIL 7	E. Santo	Malpica de Bergantiños
MÓBIL 7	E. Santo	A Laracha		MÓBIL 7	E. Santo	Cedeira
MÓBIL 7	E. Santo	Melide		MÓBIL 7	E. Santo	Cariño
MÓBIL 7	E. Santo	Ordes		MÓBIL 7	E. Santo	Ortigueira
MÓBIL 7	E. Santo	Mesía		MÓBIL 7	E. Santo	Camariñas
MÓBIL 7	O Ceao	Meira		MÓBIL 7	E. Santo	Cee
MÓBIL 7	Pereiro	Ribadavia		MÓBIL 7	E. Santo	Muxía
MÓBIL 7	Pereiro	Celanova		MÓBIL 7	E. Santo	Carnota
MÓBIL 7	Pereiro	Maceda		MÓBIL 7	E. Santo	Muros
MÓBIL 7	O Ceao	Sarria		MÓBIL 7	E. Santo	Ames
MÓBIL 7	O Ceao	Riotorto		MÓBIL 7	O Ceao	Ribadeo
MÓBIL 9	Peinador	Vigo		MÓBIL 7	O Ceao	Alfoz
MÓBIL 9	Peinador	A Guarda		MÓBIL 7	O Ceao	Mondoñedo
MÓBIL 9	Peinador	O Rosal		MÓBIL 7	O Ceao	Chantada
MÓBIL 9	Peinador	Tomiño		MÓBIL 7	Pereiro	Lobios
MÓBIL 9	Peinador	Tui		MÓBIL 7	Pereiro	A Pobra de Trives
MÓBIL 9	Peinador	Salceda de Caselas		MÓBIL 7	O Ceao	Quiroga
MÓBIL 9	Peinador	As Neves		MÓBIL 9	Peinador	Sanxenxo
MÓBIL 9	Peinador	A Cañiza		MÓBIL 9	Peinador	O Grove
MÓBIL 9	Peinador	Mondariz		MÓBIL 9	Peinador	Cuntis
MÓBIL 9	Peinador	Ponteareas		MÓBIL 9	Peinador	Valga
MÓBIL 9	Peinador	Redondela		MÓBIL 9	Peinador	A Estrada
MÓBIL 9	Peinador	Marín
MÓBIL 9	Peinador	Ribadumia
MÓBIL 9	Peinador	Salvaterra de Miño
MÓBIL 9	Peinador	Meaño
MÓBIL 9	Peinador	Cambados