O Consello de Dirección do Instituto Galego de Promoción Económica, na súa xuntanza do día 26 de decembro de 2024, acordou, por unanimidade dos seus membros asistentes, a aprobación das bases reguladoras do marco de apoio ao acceso ao crédito das pequenas e medianas empresas, instrumentadas mediante convenio coas sociedades de garantía recíproca e as entidades de crédito adheridas (financiamento Igape-Pemes) para o ano 2025. As ditas bases publicáronse mediante a Resolución do 8 de xaneiro de 2025 (DOG núm. 7, do 13 de xaneiro).

O artigo 20.3 das ditas bases establece que as entidades asinantes e adheridas ao convenio se relacionan no anexo VII a estas bases, e a adhesión pode limitarse a algunha das liñas de financiamento recollidas no anexo I, caso en que se recollerá expresamente.

Polo que antecede, en virtude das facultades que teño conferidas,

RESOLVO:

Único. Publicar o anexo VII das bases reguladoras do marco de apoio ao acceso ao crédito das pequenas e medianas empresas coa relación de sociedades de garantía recíproca asinantes e entidades de crédito adheridas ao convenio para a habilitación dun marco de apoio ao acceso ao financiamento das pequenas e medianas empresas, subscrito entre o Instituto Galego de Promoción Económica (Igape) e as sociedades de garantía recíproca (financiamento Igape-pemes) para o ano 2025.

Santiago de Compostela, 16 de xaneiro de 2025

Covadonga Toca Carús
Directora xeral do Instituto Galego de Promoción Económica

ANEXO VII

Relación de sociedades de garantía recíproca e entidades de crédito adheridas

IG535A - Marco de apoio ao acceso ao crédito das pequenas e
medianas empresas (Financiamento Igape-pemes)

Cooperativas de crédito	Bancos	Fondos de titulación	SGR
Caixa Rural Galega Cajamar Caja Rural	Bankinter Abanca Banco de Sabadell BBVA Banco Santander	Aquisgran	Sogarpo, S.G.R. Afigal, S.G.R. Iberaval, S.G.R.