A Autoridade Portuaria de Vigo, ao abeiro do establecido no Real decreto 625/2023, do 11 de xullo, polo que se aproba a oferta de emprego público correspondente ao exercicio de 2023, realiza a convocatoria para cubrir unha praza de persoal laboral fixo suxeito a convenio colectivo, mediante contrato indefinido a tempo completo, polo procedemento de concurso-oposición:

– 1 praza de técnico/a de sistemas de información e comunicacións GII BII N6.

As bases da convocatoria e os impresos de solicitude están dispoñibles na páxina web da Autoridade Portuaria de Vigo www.apvigo.es, na páxina web de Portos do Estado www.puertos.es e na páxina www.administracion.gob.es

Os/as aspirantes disporán dun prazo de vinte (20) días hábiles contados a partir do día seguinte ao da publicación do anuncio da convocatoria no Diario Oficial de Galicia para a presentación de solicitudes.

Vigo, 14 de xaneiro de 2025

Carlos Botana Lagarón
Presidente da Autoridade Portuaria de Vigo