O Xurado Provincial de Montes Veciñais en Man Común de Ourense, en sesión do 16 de decembro de 2024, acordou iniciar os trámites para a clasificación como veciñal en man común do monte coas características que a seguir se relacionan:

Nome do monte: de Bouzas.

Superficie: 886 m².

Pertenza: veciños/as de Bouzas.

Parroquia: As Chás (San Xoán).

Concello: Maceda.

Descrición dos predios que constitúen o monte:

O monte está formado por unha única parcela catastral de referencia 32044A030000900000UI e cunha superficie de 886 m², segundo datos da oficina virtual da Dirección Xeral de Catastro.

Parcela obxecto de clasificación	Parcelas estremeiras
Referencia catastral	Lindeiros	Referencia catastral
32044A03000090	Norte	32044A03000087
	Leste	32044A03009003
	Sur	32044A03000089
	Oeste	32044A03000088

O que se pon en coñecemento de todos os interesados, indicándolles que se abre un período dun mes para que poidan examinar o expediente e efectuar as alegacións que consideren convenientes, así como achegar os documentos ou informacións que xulguen oportunas, de conformidade co disposto no artigo 23 do Decreto 260/1992, do 4 de setembro, polo que se aproba o Regulamento para a execución da Lei 13/1989, do 10 de outubro, de montes veciñais en man común.

Ourense, 24 de xaneiro de 2025

José Antonio Armada Pérez
Presidente do Xurado Provincial de Clasificación
de Montes Veciñais en Man Común de Ourense