O Pleno do Concello de Porto do Son, en sesión extraordinaria do 14 de xaneiro de 2025, acordou:
«Primeiro. Desestimar as seguintes alegacións, polos motivos técnicos-xurídicos expresados no informe de participación pública e consultas ás administracións, do documento para a aprobación definitiva do Plan especial de infraestruturas e dotacións para a construción dun equipamento educativo en Portosín (Porto do Son), promovido polo Concello de Porto do Son, segundo versión asinada dixitalmente polo arquitecto Ángel Luis Monteoliva, do 28.5.2024, e tendo en conta os informes técnicos e xurídicos municipais do 8.11.2024 e do 30.12.2024:
|
Data e rexistro de entrada |
Interesado/a e NIF |
|
9.12.2021, 2021-E-RC-7519 |
Josefina Rego Maneiro, ***1394** |
|
31.1.2022, 2022-E-RC-406 |
Antonio Dean Pouso, ***4651** |
|
3.2.2022, 2022-E-RC-480 |
Balbino González Montemuíño, En representación do Grupo Municipal do BNG, ***1489** |
|
10.2.2022, 2022-E-RC-577 |
José Antonio Martínez Calvo, ***6386** |
|
10.2.2022, 2022-E-RC-581 |
Pilar Martínez Calvo, ***7169** e Manuel Prieto Martínez, ***7739** |
|
10.2.2022, 2022-E-RC-582 |
Ana Asunción González Outes, ***5742** |
|
10.2.2022, 2022-E-RC-583 |
Manuel Prieto Martínez, ***7739** |
|
10.2.2022, 2022-E-RC-584 |
Pilar Martínez Calvo, ***7169** |
|
10.2.2022, 2022-E-RC-585 |
José Manuel González Outes, ***8125** |
|
10.2.2022, 2022-E-RC-586 |
Antonio Barral Outes, ***4544** |
|
11.2.2022, 2022-E-RC-614 |
Tomás Castro Bugallo, ***8268** |
|
11.2.2022, 2022-E-RC-620 |
Manuel José Tuñas Calo, ***6605** |
|
31.1.2022, 2022-E-RE-141 |
Francisco Javier Dean Pouso, en representación de Distribuciones Javier Dean, S.L., B15602451 |
|
8.11.2022, 2022-E-RC-6704 |
Manuel Prieto Martínez, ***7739** |
|
8.11.2022, 2022-E-RC-6705 |
José Manuel González Outes, ***8125** |
|
9.11.2022, 2022-E-RC-6748 |
José Antonio Martínez Calvo, ***6386** |
|
16.11.2022, 2022-E-RC-6906 |
Tomás Castro Bugallo, ***8268** |
|
21.11.2022, 2022-E-RC-7026 |
Balbino González Montemuíño, como representante do Grupo Municipal do BNG, ***1489** |
Segundo. Aprobar definitivamente o Plan especial de infraestruturas e dotacións para a construción dun equipamento educativo en Portosín (Porto do Son), promovido polo Concello de Porto do Son, segundo versión asinada dixitalmente polo arquitecto Ángel Luis Monteoliva, do 28.5.2024.
Terceiro. Publicar a aprobación definitiva do referido plan especial no Diario Oficial de Galicia, para os efectos do establecido no artigo 82 da Lei 2/2016, do 10 de febreiro, do solo de Galicia.
Esta publicación deberá realizarse no prazo dun mes desde a adopción do acordo de aprobación definitiva.
De acordo co disposto no artigo 82.2 da Lei 2/2016, do 10 de febreiro, do solo de Galicia, indícase que as medidas para o seguimento dos efectos no ambiente da aplicación do citado plan especial se inclúen no propio documento técnico aprobado definitivamente, que se pode consultar no seguinte enderezo electrónico da páxina web do Concello de Porto do Son: www.portodoson.gal e tamén no Portal de transparencia da sede electrónica do Concello de Porto do Son.
Cuarto. Comunicar o acordo de aprobación definitiva, en virtude do artigo 88 da Lei 2/2016, do 10 de febreiro, do solo de Galicia, á consellería competente en materia de urbanismo, para a súa inscrición no Rexistro de Planeamento Urbanístico de Galicia, e xuntar un exemplar en soporte dixital, debidamente dilixenciado.
Quinto. Notificar individualmente a aprobación definitiva do plan especial aos interesados, xunto co informado sobre a desestimación das alegacións e a todas as persoas titulares catastrais dos terreos afectados ás cales xa se lles tivese notificado a súa aprobación inicial, de conformidade co artigo 186.4 do Regulamento da Lei 2/2016, do 10 de febreiro, do solo de Galicia, aprobado polo Decreto 143/2016, do 22 de setembro.
Sexto. De conformidade co disposto no artigo 82.3 da Lei 2/2016, do 10 de febreiro, do solo de Galicia, o documento que conteña a normativa e as ordenanzas publicarase no Boletín Oficial da provincia da Coruña.
En todo caso, a eficacia do acto de aprobación definitiva e a entrada en vigor do plan aprobado quedan condicionadas á inscrición do planeamento no Rexistro de Planeamento Urbanístico de Galicia, de conformidade co artigo 88 da Lei 2/2016, do 10 de febreiro, do solo de Galicia».
Contra o acordo de aprobación definitiva do citado plan especial poderase interpor directamente recurso contencioso-administrativo ante o Tribunal Superior de Xustiza de Galicia, no prazo de dous meses contados a partir do día seguinte ao da publicación deste anuncio.
Porto do Son, 15 de xaneiro de 2025
José Luis Oujo Pouso
Alcalde