Para os efectos previstos na disposición transitoria décimo terceira da Lei 7/2012, do 28 de xuño, de montes de Galicia, dáselle publicidade ao acordo acadado polo Xurado Provincial de Clasificación de Montes Veciñais en Man Común de Pontevedra, en sesión que tivo lugar o 27 de novembro de 2024, respecto á revisión do esbozo e elaboración da cartografía actualizada do monte veciñal denominado Masgalán de Arriba da Comunidade de Montes Veciñais en Man Común de Masgalán de Arriba, no concello de Forcarei (expediente RE24004).
O 11.9.2024, o Servizo de Montes deste departamento territorial emite o seguinte informe:
«Feitos:
Primeiro. O 25.3.2024 e núm. 2024/1047086 de entrada no rexistro electrónico da xunta de Galicia, a Comunidade de Montes Veciñais en Man Común (en diante, CMVMC) de Masgalán de Arriba, no concello de Forcarei, solicita a revisión de esbozo do monte Masgalán de Arriba con ID 2692 clasificado con data do 16.12.1974. A dita solicitude deu lugar á apertura do expediente RE24004.
O procedemento está recollido na disposición transitoria décimo terceira da Lei 7/2012, do 28 de xuño, de montes de Galicia. Consta no expediente:
– Memoria técnica da revisión do esbozo do 25.3.2024 asinada polo enxeñeiro Técnico forestal colexiado nº 364, que se ve modificada no que respecta á exclusión da parcela 36018A32000349 despois do requirimento.
– Certificado do secretario do 8.8.2024 de aprobación da revisión de esbozo na asemblea extraordinaria que tivo lugar o 4.8.2024 por unanimidade.
– Cartografía en formato dixital.
Segundo a memoria técnica para a determinación dos límites do monte realizouse un levantamento topográfico. Os puntos máis representativos son:
|
Pto |
X |
Y |
Localización |
|
1 |
559.540,58 |
4.720.236,66 |
Seixiños Blancos |
|
2 |
559.638,83 |
4.720.187,40 |
Penón |
|
3 |
559.803,43 |
4.719.789,63 |
Outeiro Redondo |
|
4 |
559.623,63 |
4.719.216,70 |
Penadoiro |
|
5 |
560.172,15 |
4.718.804,18 |
Rega da Castiñeira |
|
6 |
559.721,56 |
4.718.679,37 |
Cabaniñas |
|
7 |
559.688,75 |
4.717.965,89 |
Pedra dos Carros |
|
8 |
559.820,94 |
4.717.720,66 |
Ollos do Couso |
|
9 |
560.152,03 |
4.717.984,62 |
Val do Bragado |
|
10 |
560.363,42 |
4.718.122,30 |
Touza Redonda |
|
11 |
560.344,38 |
4.717.824,97 |
Pena das Cruces |
|
12 |
560.209,96 |
4.717.412,19 |
Penas Lisas |
|
13 |
560.182,86 |
4.717.311,47 |
Pena dos Lamprigos |
|
14 |
560.159,26 |
4.717.292,96 |
Pena dos Lamprigos |
|
15 |
560.038,89 |
4.717.445,29 |
Chaira |
|
16 |
559.911,95 |
4.717.617,99 |
Cachafeirabende |
|
17 |
559.530,26 |
4.717.912,98 |
Carballo Torto |
|
18 |
558.737,95 |
4.718.365,70 |
Fondo da Corredoira |
|
19 |
558.656,73 |
4.718.572,99 |
Rega da Blanca |
|
20 |
558.718,57 |
4.718.861,78 |
Corrumillán |
|
21 |
558.616,38 |
4.719.167,48 |
Alto da Cruz |
|
22 |
558.625,76 |
4.719.190,86 |
Alto da Cruz |
|
23 |
559.249,49 |
4.719.998,66 |
Riba dos Grotos |
|
24 |
559.270,06 |
4.719.987,30 |
Riba dos Grotos |
En canto ao límite con particulares tívose en conta os muros que separan os predios particulares do monte.
Segundo. Revisada a liña da revisión de esbozo compróbase:
– Que exclúe o dominio público da estrada PO-534 (Lalín-Folgoso). O monte esténdese a un e outro lado desta estrada, accedendo a el polo km 19,5.
– Que coincide coa liña dos deslindamentos que se están tramitando: coas comunidades de Noveliza (DC22132); Fornos (DC22133) e Parada (DC22134) e co deslindamento con particulares (DP22002). Tamén coincide co axuste do esbozo de Fornos presentado no expediente DC22133.
– Que practicamente a maior parte da superficie incluída nesta revisión está no catastro a nome da CMVMC de Masgalán de Arriba.
– Que esta revisión ten bastante coincidencia co antigo esbozo.
– Que segundo a información presentada no expediente DP22002:
• Non existe colindancia coa CMVMC de Masgalán de Abaixo.
• Existe un erro na cartografía catastral polo vento sur, onde existen varias parcelas catastrais a nome de particulares.
• A liña presentada non se ve afectada pola expropiación do acondicionamento da estrada PO-200 (hoxe PO-534), treito Laro-Acibeiro (PO-02-EXP/00).
• Só existe colindancia entre as comunidades de Masgalán e Fornos segundo a liña presentada no deslindamento DC22133.
Terceiro. A revisión do esbozo proposto ten unha superficie de 165,87 ha (fronte as 170 ha clasificadas). A superficie proposta está recollida na cartografía dixital do 8.8.2024 onde se exclúe a parcela 36018A32000349.
A descrición da resolución de clasificación do 16.12.1974 do Xurado de MVMC de Pontevedra modifícase cos nomes, cabidas e límites que a seguir se consignan:
– Monte: Masgalán de Arriba.
– Superficie: 165,87 ha.
– Linde norte: Predios particulares.
– Linde sur: MVMC de Parada e MVMC de Noveliza.
– Linde leste: predios particulares e MVMC de Parada.
– Linde oeste: predios particulares e MVMC de Noveliza e Fornos.
Segundo os datos do Sistema rexistral forestal non consta superficie de xestión pública. Dispón dun documento de ordenación forestal inscrito no Rexistro de Montes Ordenados de Galicia co núm. 3600192 e vixencia ata 2027.
Cuarto. O 26.6.2024, o Xurado Provincial de MVMC de Pontevedra acorda solicitar ao Servizo de Montes unha proposta coa revisión e elaboración da cartografía actualizada do monte veciñal clasificado a favor da CMVMC de Masgalán de Arriba (Forcarei), expediente RE24004, coa finalidade de dar cumprimento ao establecido na disposición transitoria décimo terceira da Lei 7/2012, do 28 de xuño, de montes de Galicia.
Consideracións legais e técnicas:
Primeira. A Lei 7/2012, do 28 de xuño, de montes de Galicia (en diante, LMG), na súa disposición transitoria décimo terceira, establece o procedemento de revisión de esbozos de montes veciñais en man común.
Segunda. A revisión do esbozo do MVMC Masgalán de Arriba da CMVMC de Masgalán de Arriba proposta polo Servizo de Montes é a presentada pola comunidade e queda definido consonte os datos reflectidos no feito terceiro».
Vista a proposta de revisión presentada polo Servizo de Montes sobre a adaptación do esbozo do monte veciñal Masgalán de Arriba e de conformidade co previsto na disposición transitoria décimo terceira da Lei 7/2012, do 28 de xuño, de montes de Galicia, este xurado, por unanimidade dos seus membros,
ACORDA:
Aprobar a revisión do esbozo do monte veciñal denominado Masgalán de Arriba clasificado a prol da CMVMC de Masgalán de Arriba (Forcarei), segundo a proposta do Servizo de Montes e a planimetría elaborada por el.
Pontevedra, 24 de xaneiro de 2025
Antonio Crespo Iglesias
Presidente do Xurado Provincial de Clasificación
de Montes Veciñais en Man Común de Pontevedra