Para os efectos previstos na disposición transitoria décimo terceira da Lei 7/2012, do 28 de xuño, de montes de Galicia, dáse publicidade do acordo acadado polo Xurado Provincial de Clasificación de Montes Veciñais en Man Común de Pontevedra, na sesión que tivo lugar o 27 de novembro de 2024, respecto á revisión do esbozo e elaboración da cartografía actualizada do monte veciñal denominado Monte Novelos, Pena Aguda e Requiáns, da Comunidade de Montes Veciñais en Man Común de Vilar, no concello de Crecente (expediente RE22025).

O 24.9.2024 o Servizo de Montes deste departamento territorial emitiu o seguinte informe:

«Feitos:

Primeiro. O 14.9.2022 e con número de rexistro de entrada 2022/226000126, a Comunidade de Montes Veciñais en M;an Común (en diante, CMVMC) de Vilar, parroquia de San Xurxo de Vilar (Crecente), solicita a revisión do esbozo total do monte veciñal en man común (en diante, MVMC) do Monte Novelos, Pena Aguda e Requiáns (ID2625). A dita solicitude deu lugar á apertura do expediente RE22025, no cal consta a seguinte documentación:

– Revisión do esbozo do monte veciñal en man común de Chan de Novelos, Pena Aguda e Requiáns, parroquia de San Xurxo de Vilar, concello de Crecente. Foi asinado o 1.5.2024 pola enxeñeira técnica forestal colexiada número 908 do Colexio Oficial de Enxeñaría Técnica Forestal de Galicia (COETFG).

– Certificado do secretario coa conformidade do presidente da CMVMC de Vilar, do 16.5.2024, da aprobación na asemblea xeral do 27.11.2022.

– Cartografía en formato dixital ETRS 89 UTM zone 29N.

Unha vez revisada a proposta de revisión total, despréndese:

– No traballo de gabinete utilizouse a superposición sobre o voo americano de 1956 e levouse a cabo un levantamento topográfico con GPS de precisión centimétrica no cal se percorreu o perímetro do monte veciñal con varios membros da Xunta Reitora da comunidade de montes. Durante ese percorrido identificáronse os marcos; a maior parte do perímetro está delimitado por muros que separan o monte veciñal das propiedades particulares.

– A proposta de esbozo do monte Novelos, Pena Aguda e Requiáns consta de 3 coutos redondos: Chan de Novelos, Pena Aguda e Requiáns.

– O linde coa CMVMC de Albeos resolveuse por sentencia xudicial descontándose unha superficie de 25.428 m2 do monte veciñal de Vilar.

– O linde co MVMC da CMVMC de Crecente non se modifica.

– Admítese o linde proposto coa CMVMC de Noceifas por non afectar o seu esbozo orixinal.

– O linde proposto coa CMVMC de Xunqueira axústase de oficio ao acto de conciliación número 02C/2017 do Xulgado de Paz de Crecente, do 8.5.2017, aprobado na asemblea xeral da CMVMC de Vilar, do 16.4.2017 (expediente PO-05-DESC/17).

– O linde proposto coa CMVMC de Valeixe axústase de oficio ao acto de conciliación número 03C/2017 do Xulgado de Paz de Crecente, do 8.5.2017, aprobado na asemblea xeral da CMVMC de Vilar do 16.4.2017 (PO-04-DESC/17).

Segundo. O MVMC de Novelos, Pena Aguda e Requiáns foi clasificado polo Xurado de MVMC de Pontevedra o 7.5.1979 e cunha superficie inicial de 158 ha. Segundo os datos do sistema rexistral forestal, regulado no artigo 126 da Lei 7/2012, de montes de Galicia:

– Non consta contrato de xestión coa Consellería do Medio Rural.

– A CMVMC de Vilar non dispón dun documento de ordenación forestal inscrito no Rexistro de Montes Ordenados de Galicia.

– Constan os expedientes de deslindamento coa CMVMC de Xunqueira (PO-05-DESC/17) e coa CMVMC de Valeixe (PO-04-DESC/17), ambos expedientes arquivados por falta de documentación.

– Constan as permutas autorizadas: PO-41-PER/04, con José Benito Domínguez Gómez, e PO-01-PER/21, con María del Pilar Padrón Alvarez.

Terceiro. A superficie e perímetro da revisión do esbozo proposto total do monte Novelos, Pena Aguda e Requiáns (ID2625) é de 137,21 ha (superficie sen proxección) e de 17,10 km revisados, respectivamente. Non se modifican os lindes establecidos na Resolución do Xurado de MVMC de Pontevedra do 7.5.1979.

Cuarto. O 30.11.2022, o Xurado Provincial de MVMC de Pontevedra acorda solicitarlle ao Servizo de Montes unha proposta coa revisión e elaboración da cartografía actualizada do monte veciñal clasificado a favor da CMVMC de Vilar (Crecente), expediente RE22025, coa finalidade de dar cumprimento ao establecido na disposición transitoria décimo terceira da Lei 7/2012, do 28 de xuño, de montes de Galicia.

Consideracións legais e técnicas:

Primeira. A Lei 7/2012, do 28 de xuño, de montes de Galicia (en adiante, LMG), na súa disposición transitoria décimo terceira, establece o procedemento de revisión de esbozos de montes veciñais en man común.

Segunda. A revisión do esbozo do MVMC Novelos, Pena Aguda e Requiáns, da CMVMC de Vilar, proposta polo Servizo de Montes é a presentada pola comunidade e queda definida consonte os datos reflectidos no feito terceiro e a memoria técnica indicada no feito primeiro (excepto na adaptación aos deslindamentos do ano 2017 coa CMVMC de Xunqueira e coa CMVMC de Valeixe).

Unha vez vista a proposta de revisión presentada polo Servizo de Montes sobre a adaptación do esbozo do monte veciñal Novelos, Pena Aguda e Requiáns e de conformidade co previsto na disposición transitoria décimo terceira da Lei 7/2012, do 28 de xuño, de montes de Galicia, este xurado, por unanimidade dos seus membros,

ACORDA:

Aprobar a revisión do esbozo do monte veciñal denominado Monte Novelos, Pena Aguda e Requiáns, clasificado a prol da CMVMC de Vilar (Crecente), segundo a proposta do Servizo de Montes e a planimetría elaborada por el.

Pontevedra, 24 de xaneiro de 2025

Antonio Crespo Iglesias
Presidente do Xurado Provincial de Clasificación
de Montes Veciñais en Man Común de Pontevedra