DOG 30 do 13/2/2025 - ANUNCIO do 24 de xaneiro de 2025, do Xurado Provincial de Clasificación de Montes Veciñais en Man Común de Pontevedra, polo que se publica a resolución do acordo da revisión do esbozo do monte veciñal denominado Monte da Palla, Do Sobreiro, Bouzón de Amorín, Rega de Fornadal, Sobral, Da Capela, Pozas Redondas, Torres e Regadas, da Comunidade de Montes Veciñais en Man Común de Amorín, no concello de Tomiño (expediente RE24001).

VI. Anuncios

a) Administración autonómica

Consellería do Medio Rural

ANUNCIO do 24 de xaneiro de 2025, do Xurado Provincial de Clasificación de Montes Veciñais en Man Común de Pontevedra, polo que se publica a resolución do acordo da revisión do esbozo do monte veciñal denominado Monte da Palla, Do Sobreiro, Bouzón de Amorín, Rega de Fornadal, Sobral, Da Capela, Pozas Redondas, Torres e Regadas, da Comunidade de Montes Veciñais en Man Común de Amorín, no concello de Tomiño (expediente RE24001).

Para os efectos previstos na disposición transitoria décimo terceira da Lei 7/2012, do 28 de xuño, de montes de Galicia, dáse publicidade do acordo acadado polo Xurado Provincial de Clasificación de Montes Veciñais en Man Común de Pontevedra, na sesión que tivo lugar o 27 de novembro de 2024, respecto á revisión do esbozo e elaboración da cartografía actualizada do monte veciñal denominado Monte da Palla, do Sobreiro, Bouzón de Amorín, Rega de Fornadal, Sobral, da Capela, Pozas Redondas, Torres e Regadas, da Comunidade de Montes Veciñais en Man Común de Amorín, no concello de Tomiño (expediente RE24001).

O 18.9.2024 o Servizo de Montes deste departamento territorial emitió o seguinte informe:

«Feitos:

Primeiro. O 23.1.2024 e con número de rexistro de entrada 2024/206626, a Comunidade de Montes Veciñais en Man Común (en diante, CMVMC) de Amorín, no concello de Tomiño, solicitou a revisión do esbozo dos seus montes con Id 3157.

A dita solicitude deu lugar á apertura do expediente RE24001. Consta no expediente a seguinte documentación:

– Certificado do secretario, coa conformidade do presidente da CMVMC de Amorín, do 24.1.2024 da aprobación na asemblea do 30.4.2023.

– Cartografía en formato dixital ETRS 89 DATUM29 EPSG:25829.

– Memoria técnica da revisión do esbozo do monte de Amorín de xaneiro, actualizada en marzo e xullo de 2024, asinada pola enxeñeira técnica forestal número 908 do Colexio Oficial de Enxeñaría Técnica Forestal de Galicia (COETFG).

– Documentación da permuta con Santiago Díaz Iglesias (PO-08-PER/06) xa integrada nesta revisión, e a cesión a Francisco J. Reboredo Vilas (PO-31-CES/08).

– Representación de Selga.

Segundo a memoria técnica, para determinar os límites do monte levouse a cabo un levantamento topográfico da parcela con GPS de precisión centimétrica en que se percorreu todo o perímetro; e identificáronse os marcos que delimitan todo o perímetro do monte realizado polo concello de Tomiño no ano 1965 como monte de libre disposición.

Segundo. A CMVMC de Amorín ten un deslindamento en tramitación: DC22005 coa CMVMC de Forcadela. Esta revisión de esbozo coincide cos seguintes puntos do deslindamento con Forcadela.

N	X	Y
1	523750,4227	4648298,3463
2	523752,2400	4648352,7350
3	523755,0931	4648382,5850

Terceiro. O obxecto da revisión do esbozo é o monte veciñal en man común (en diante, MVMC) da Palla, do Sobreiro, Bouzón de Amorín, Rega de Fornadal, Sobral, Da Capela, Pozas Redondas, Torres e Regadas (Id 3157), coa Resolución de clasificación do 20.11.79 e cunha superficie de 119 ha.

Segundo os datos do sistema rexistral forestal, a CMVMC de Amorín non ten ningún convenio coa Administración nin Instrumento de ordenación forestal.

Consta a permuta con número de expediente PO-08-PER/06, incluída nesta revisión.

Cuarto. A revisión do esbozo proposto ten unha superficie de 80,77 ha (fronte ás 11 ha clasificadas) e un perímetro de 23,41 km. A descrición da resolución de clasificación do 20.11.1979, do Xurado de MVMC de Pontevedra, modifícase cos nomes, cabidas e límites que a continuación se consignan:

– Monte: Pozas Redondas, Torres, O Fornadal, Da Capela, Sobral-Valiña, Outeiro da Pita, Rabadeira, Regadas, Bouzón de Amorín e Bouzón de Amorín-Fonte da Cal.

Superficie: 80,77 ha.

Perímetro: 23,41 km.

Monte	Sup. (ha)	Perímetro (km)
Pozas Redondas	35,54	5,29
Torres	1,62	0,92
O Fornadal	0,49	0,38
Da Capela	2,28	0,93
Sobral-Valiña-Outeiro da Pita	3,59	2,15
Rabadeira	0,52	0,30
Regadas	13,99	7,50
Bouzón de Amorín-Fonte da Cal	0,74	0,80
Bouzón de Amorín	22,01	5,14
Total	80,77	23,41

A descrición por monte é a seguinte:

Monte Pozas Redondas

Superficie: 35,54 ha.

Perímetro: 5,29 km.

Linde norte: estrada Tui-A Guarda e predios particulares.

Linde sur: predios particulares.

Linde leste: predios particulares.

Linde oeste: MVMC de Forcadela.

Monte Torres

Superficie: 1,62 ha.

Perímetro: 0,92 km.

Linde norte: predios particulares.

Linde sur: estrada Tui-A Guarda.

Linde leste: predios particulares.

Linde oeste: MVMC de Taborda.

Monte O Fornadal

Superficie: 0,49 ha.

Perímetro: 0,38 km.

Linde norte: camiño público.

Linde sur: predios particulares.

Linde leste: camiño público-predios particulares.

Linde oeste: camiño público.

Monte da Capela

Superficie: 2,28 ha.

Perímetro: 0,93 km.

Linde norte: camiño público.

Linde sur: predios particulares.

Linde leste: predios particulares.

Linde oeste: predios particulares.

Monte Sobral-Valiña, Outeiro da Pita

Superficie: 3,59 ha.

Perímetro: 2,15 km.

Linde norte: predios particulares.

Linde sur: predios particulares.

Linde leste: predios particulares.

Linde oeste: predios particulares.

Monte Rabadeira

Superficie: 0,52 ha.

Perímetro: 0,30 km.

Linde norte: predios particulares.

Linde sur: camiño público.

Linde leste: camiño público.

Linde oeste: MVMC de Taborda.

Monte Regadas

Superficie: 13,99 ha.

Perímetro: 7,50 km.

Linde norte: predios particulares.

Linde sur: predios particulares e estrada Tui-A Guarda.

Linde leste: predios particulares.

Linde oeste: predios particulares.

Monte Bouzón de Amorín-Fonte da Cal.

Superficie: 0,74 ha.

Perímetro: 0,80 km.

Linde norte: estrada Tui-A Guarda.

Linde sur: predios particulares.

Linde leste: predios particulares.

Linde oeste: predios particulares.

Monte Bouzón de Amorín

Superficie: 22,01 ha.

Perímetro: 5,14 km.

Linde norte: estrada Tui-A Guarda.

Linde sur: predios particulares e estrada Tui-A Guarda.

Linde leste: estrada Tui-A Guarda.

Linde oeste: predios particulares.

Quinto. O 26.6.2024 o Xurado Provincial de MVMC de Pontevedra acorda solicitarlle ao Servizo de Montes unha proposta coa revisión e elaboración da cartografía actualizada do monte veciñal clasificado a favor da CMVMC de Amorín (Tomiño), expediente RE24001, coa finalidade de dar cumprimento ao establecido na disposición transitoria décimo terceira da Lei 7/2012, do 28 de xuño, de montes de Galicia.

Consideracións legais e técnicas:

Primeira. A Lei 7/2012, do 28 de xuño, de montes de Galicia (en adiante, LMG), na súa disposición transitoria décimo terceira, establece o procedemento de revisión de esbozos de montes veciñais en man común.

Segunda. A revisión do esbozo do MVMC Amorín (ID 3157), da CMVMC de Amorín, proposta polo Servizo de Montes é a presentada pola comunidade e queda definida consonte os datos reflectidos no feito cuarto e a cartografía que o acompaña».

Vista a proposta de revisión presentada polo Servizo de Montes sobre a adaptación do esbozo do monte veciñal Amorín e de conformidade co previsto na disposición transitoria décimo terceira da Lei 7/2012, do 28 de xuño, de montes de Galicia, este xurado, por unanimidade dos seus membros,

ACORDA:

Aprobar a revisión do esbozo do monte veciñal denominado Monte Amorín (ID 3157), clasificado a prol da CMVMC de Amorín (Tomiño), segundo a proposta do Servizo de Montes e a planimetría elaborada por el.

Pontevedra, 24 de xaneiro de 2025

Antonio Crespo Iglesias
Presidente do Xurado Provincial de Clasificación
de Montes Veciñais en Man Común de Pontevedra