En cumprimento do previsto no artigo 152.8.b) do Regulamento xeral de costas, aprobado polo Real decreto 876/2014, do 10 de outubro, faise público que se está a tramitar a seguinte solicitude de autorización de vertedura:
Solicitante: Maderas Romero Cambeiro, S.L.
NIF: B-15160377.
Expediente: DH.V15.99578.
Lugar: Espiñeiro.
Parroquia: Tarás.
Concello: Outes.
Tipo de vertedura 1: augas residuais industriais de escorrega depuradas.
Caudal máximo anual 1: 2.156 m3/ano.
Punto de vertedura 1: X= 507.967; Y= 4.742.235.
Medio receptor 1: ría de Muros e Noia.
Tratamento/evacuación 1:
As augas residuais industriais de escorrega xeradas no parque de madeira, logo do seu tratamento nun separador de hidrocarburos seguido dun sistema de ozonización, condúcense a unha arqueta de bombeo e elevación desde a cal se verten á ría de Muros e Noia.
Tipo de vertedura 2: augas residuais fecais depuradas.
Caudal máximo anual 2: 110 m3/ano.
Punto de vertedura 2: X= 507.988; Y= 4.742.230.
Medio receptor 2: infiltración no terreo (bacía da ría de Muros e Noia).
Tratamento/evacuación 2:
As augas residuais fecais xeradas nos aseos e vestiarios son tratadas nunha fosa séptica de decantación-dixestión deseñada para 4 habitantes equivalentes antes da súa vertedura por infiltración no terreo mediante dúas gabias filtrantes.
O proxecto pode consultarse na sección Participación pública do portal da internet de Augas de Galicia (https://augasdegalicia.xunta.gal) e nas oficinas de Augas de Galicia, situadas na praza de Camilo Díaz Baliño, 7-9, Santiago de Compostela, solicitando cita previa no teléfono 981 54 50 87.
Os interesados poderán presentar alegacións durante o prazo de vinte días hábiles, contados a partir do seguinte ao da publicación deste anuncio no Diario Oficial de Galicia, en calquera dos rexistros previstos no artigo 16.4 da Lei 39/2015, do 1 de outubro, do procedemento administrativo común das administracións públicas.
Santiago de Compostela, 21 de xaneiro de 2025
Leticia Valladares López
Xefa da Área de Verteduras