En cumprimento do establecido no artigo 19 do Decreto 274/2003, do 4 de xuño, polo que se regula o procedemento de obtención do permiso e concesión de actividade para os establecementos de acuicultura e auxiliares de acuicultura na zona terrestre, faise público que, mediante a Resolución do 6 de febreiro de 2025, se autoriza a modificación substancial do establecemento de acuicultura na zona terrestre que se describe:

Titular: Stolt Sea Farm, S.A. (A28682987).

Tipo de establecemento: criadeiro e granxa mariña.

Especies autorizadas: rodaballo (Scophtalmus maximus) e linguados (Solea solea e Solea senegalensis).

Localización: polígono industrial de Cuíña, San Cibrao, Cervo, Lugo.

Proxecto: nova condución de desaugadoiro e xeración de enerxía renovable nas instalacións de acuicultura en Cervo, Lugo.

O informe de impacto ambiental do proxecto fíxose público mediante o Anuncio do 9 de xuño de 2023, da Dirección Xeral de Calidade Ambiental e Cambio Climático, publicado no Diario Oficial de Galicia núm. 119, do 23 de xuño.

Santiago de Compostela, 7 de febreiro de 2025

Patricia García Sánchez
Directora xeral de Pesca, Acuicultura e Innovación Tecnolóxica