En cumprimento do previsto no artigo 248 do Regulamento do dominio público hidráulico, aprobado polo Real decreto 849/1986, do 11 de abril, faise público que se está a tramitar a seguinte solicitude de autorización de vertedura:

Solicitante: Dragados, S.A. y Electronic Trafic, S.A. UTE.

NIF: U72822745.

Expediente: DH.V36.103149.

Lugar: Candeán de Arriba.

Parroquia: Candeán.

Concello: Vigo.

Tipo de vertedura: augas residuais industriais depuradas.

Caudal máximo diario: 20 m3/día.

Punto de vertedura: X=527.694; Y=4.676.426.

Medio receptor: leito innominado (cunca da ría de Vigo).

Tratamento/evacuación:

As augas residuais industriais xeradas na escavación das galerías de evacuación do túnel de Candeán da autoestrada AP-9 son tratadas nun sistema de depuración de tipo físico-químico localizado na boca leste do túnel. As augas residuais industriais depuradas conéctanse á infraestrutura de drenaxe da calzada, que verten posteriormente a un leito innominado de carácter intermitente que finalmente se incorpora ao río Figueiras.

O proxecto pode consultarse na sección de participación pública do portal da internet de Augas de Galicia (https://augasdegalicia.xunta.gal) e nas oficinas de Augas de Galicia situadas na praza de Camilo Díaz Baliño, 7-9, Santiago de Compostela. Para isto, se o desexa, poderá concertar cita previa no correo electrónico tramitaciondph.augas@xunta.gal ou nos teléfonos 981 54 41 41 e 981 54 50 87.

Os interesados poderán presentar alegacións durante o prazo de trinta (30) días hábiles, contados a partir do seguinte ao da publicación deste anuncio no Diario Oficial de Galicia, en calquera dos rexistros previstos no artigo 16.4 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 4 de febreiro de 2025

Leticia Valladares López
Xefa da Área de Verteduras