De conformidade co establecido no artigo 49.9 dos Estatutos do Colexio Oficial de Protésicos Dentais de Galicia, aprobados mediante o Decreto 304/2008, do 9 de outubro, faise público o contido da acta de proclamación da candidatura electa, para a reelección dos cargos da Xunta de Goberno, formalizada o pasado 1 de marzo de 2025.

Os que subscriben, presidente, secretario e vogal da Xunta Electoral, das eleccións á Xunta de Goberno do Colexio Oficial de Protésicos Dentais de Galicia, en cumprimento do establecido no artigo 49.9 dos Estatutos,

CERTIFICAN:

Que, por acordo adoptado polo Pleno da Xunta de Goberno, con data do 18 de decembro de 2024, convocáronse eleccións e fixouse como día para a súa realización o 29 de marzo de 2025.

Que na convocatoria de eleccións se observaron todos os requisitos legais que a súa realización exixe, como son a publicidade destas, a elección dos membros da Xunta Electoral, a exposición do censo, os prazos de presentación de impugnacións, etc.

Finalizado o prazo de presentación de candidaturas con data do 28 de febreiro de 2025, tan só foi presentada unha única candidatura. Mediante acordo da Xunta Electoral do 1 de marzo de 2025, aprobouse a proclamación da única candidatura presentada e acordouse, así mesmo, a omisión da realización dos comicios fixados para o día 29 de marzo de 2025.

A teor do exposto e considerando que só foi presentada unha única candidatura e dado que esta cumpre as condicións requiridas, proclámase a única candidatura presentada como electa e a nova Xunta de Goberno do Colexio Oficial de Protésicos Dentais de Galicia queda constituída como segue:

Presidente: Avelino José Samartín Caamaño

Vicepresidente: José Caamaño Martínez

Secretario: José Ramón Rey Álvarez

Tesoureira: María Alicia Rodríguez Díaz

Relator de Cultura: Santiago García Ferrón

Vogal 1º: Belén Martínez Troncoso

Vogal 2º: Laura Casal Fernández

Vogal 3º: Martín García García

Vogal 4º: Isabel López Gómez

Suplente 1º: Aline Karina Canero Rego

Suplente 2º: Álvaro Ruibal Gamallo

Suplente 3º: Marta Almeida Bautista

Suplente 4º: Tania María González Quintela

Suplente 5º: Juan José Bugallo Gardón

Os membros da Xunta Electoral, transcorridos os prazos de impugnación, se os houbo, cesarán automaticamente nas súas funcións.

Segundo o disposto no artigo 49.9, publicarase o resultado das eleccións no Diario Oficial de Galicia (DOG) con carácter de urxencia.

E para que produza os efectos oportunos expídese esta certificación, asinada polos membros da Xunta Electoral, en Santiago de Compostela o 3 de marzo de 2025. Asinado. Presidenta: Sonia Maceda Rodríguez. Secretaria: María Luz Leyenda Rial. Vogal: Silvia Bande Fernández.

Santiago de Compostela, 3 de marzo de 2025

Sonia Maceda Rodríguez
Presidenta da Xunta Electoral