Para dar cumprimento ao disposto no artigo 44 da Lei 39/2015, do 1 de outubro, do procedemento administrativo común das administracións públicas, segundo o cal a publicación no Boletín Oficial del Estado resulta preceptiva «cando os interesados nun procedemento sexan descoñecidos, se ignore o lugar da notificación ou ben, intentada esta, non se puidese efectuar...», mediante este anuncio infórmase da data de ocupación e requirimento da folla de valoración, no procedemento expropiatorio sobre os bens e dereitos afectados pola instalación eléctrica denominada Substitución de apoyos 9KBD8NLS//54-A-27 e 9K9CDWOU//54-A-27-B-1 e instalación de RC na LMTA TA2808, no concello de Outes (expediente IN407A 2023/408-1), correspondentes aos predios e ás titularidades que se sinalan no cadro anexo que máis abaixo se detalla.

A copia da acta e do depósito previo están á disposición das persoas interesadas na sede do Departamento Territorial da Consellería de Economía e Industria da Coruña, situada no Edificio Administrativo Monelos, na rúa Vicente Ferrer, 2, 2º, 15008 A Coruña, na Sección de Expropiacións (solicitando cita previa no teléfono de contacto 981 18 49 11), das 9.00 ás 14.00 horas, de luns a venres. As ditas persoas interesadas disporán dun prazo de dez (10) días, a partir da publicación deste anuncio no Boletín Oficial del Estado, para solicitar a remisión dos devanditos documentos ao enderezo que sinalen.

Dispoñen de quince (15) días de prazo para chegar a un acordo amigable coa empresa beneficiaria, finalizado este trámite, terán vinte días para presentar a súa folla de valoración.

Transcorrido o prazo de dez (10) días indicado no parágrafo anterior sen efectuar a comparecencia, a notificación entenderase producida desde o día seguinte ao do vencemento do prazo sinalado para comparecer.

A Coruña, 26 de febreiro de 2025

Isidoro Martínez Arca
Director territorial da Coruña

ANEXO

Expediente: IN407A 2023/408-1.

Entidade beneficiaria: UFD Distribución Electricidad, S.A.

Denominación da instalación: Substitución de apoios 9KBD8NLS//54-A-27 e 9K9CDWOU//54-A-27-B-1 e instalación de RC na LMTA TA2808.

Concello: Outes.

Predio	Referencia catastral	Titularidade proposta	Data da ocupación
1	15063B507011360000WS	Descoñecido	17.3.2025