Expediente: 560/2022.

A Xunta de Goberno Local do Concello de Meaño, en sesión ordinaria do 10 de febreiro de 2025, adoptou, entre outros, o seguinte acordo:

«Primeiro. Aprobar inicialmente o Plan especial de infraestruturas e dotacións A Toxa-Meaño, de iniciativa pública municipal, que incorpora as previsións recollidas no informe ambiental estratéxico emitido polo órgano ambiental, nos termos que constan no expediente.

O referido Plan especial de infraestruturas e dotacións A Toxa-Meaño afecta dúas parcelas situadas no lugar da Toxa, na parroquia de Meaño, clasificadas como solo rústico apto para urbanizar no PXOM do Concello de Meaño e coas seguintes referencias catastrais: 36027A065000520000ME, 36027A065000970000MQ e 8194004NG1989S0000UL.

Segundo. Abrir un período de información pública durante o prazo de dous meses mediante a publicación de anuncio no Diario Oficial de Galicia e nun dos xornais de maior difusión da provincia de Pontevedra.

Durante o devandito período quedará o expediente á disposición de calquera que queira examinalo ou obter copias para que se presenten as alegacións que se consideren pertinentes e estará á disposición das persoas interesadas na sede electrónica deste concello https://concellodemeano.sedelectronica.gal/transparency

Terceiro. Suspender o outorgamento das licenzas de parcelación de terreos, edificación e demolición para áreas ou usos determinados na área afectada pola aprobación do Plan especial, e que afecta as parcelas catastrais: 36027A065000520000ME, 36027A065000970000MQ e parte da 8194004NG1989S0000UL.

Esta suspensión terá unha duración máxima de dous anos, contados desde a devandita aprobación inicial, e extinguirase, en calquera caso, coa aprobación definitiva do plan.

Esta suspensión publicarase conxuntamente coa aprobación inicial.

Cuarto. Notificar individualmente o trámite de información pública a todas as persoas titulares catastrais dos terreos afectados.

Quinto. Solicitar ás administracións afectadas pola súa competencia sectorial para que emitan o correspondente informe para os efectos regulados na lexislación sectorial. Os informes sectoriais autonómicos terán que ser emitidos no prazo máximo de tres meses, transcorrido o cal se entenderán emitidos con carácter favorable».

O que se fai público para que durante o prazo de dous meses, contados a partir do día seguinte ao da publicación deste anuncio, as persoas interesadas poidan consultar o expediente e formular as alegacións que xulguen oportunas. A documentación sometida á exposición pública estará á disposición das persoas interesadas na Secretaría-Intervención do Concello de Meaño e no seguinte enderezo web do Concello https://concellodemeano.sedelectronica.gal/transparency/

Meaño, 11 de febreiro de 2025

Carlos Viéitez Fernández
Alcalde