Visto o expediente para outorgamento da autorización administrativa previa e de construción para a instalación eléctrica que a seguir se describe:

Peticionaria: UFD Distribución Electricidad, S.A.

Domicilio social: avenida de América, 38, 28028 Madrid.

Denominación: Regulamentación LMTA PAL803 en tramo entre apoios núm. 184-B-34 e núm. 184-B-37 (Portomarín).

Situación: concello de Portomarín.

Características técnicas principais:

– Liña de media tensión soterrada a 20 kV PAL803 (expedientes 1851 AT e 3957 AT) con orixe nun PAS situado no apoio proxectado nº 184-B-34 tipo C-2000-16 en substitución do apoio actual, entra e sae no CT proxectado e remata noutro PAS situado no apoio proxectado nº 184-B-37 tipo C-2000-14 en substitución do apoio actual, cunha lonxitude de 327 metros en condutor tipo RHZ1-240 mm.

– Substitución do CT 27CQ87 Narón (expediente 6373 AT) de tipo prefabricado rural pé de poste cunha potencia de 250 kVA por un CT prefabricado compacto de manobra exterior no cal se instan dúas celas de liña e unha de protección cunha potencia instalada de 250 kVA, relación de transformación 20.000/400-230 V.

– Desmontaxe de 263 metros de condutor tipo LA-30 e LA-15 e de 5 apoios.

Finalidade da instalación: mellora da instalación.

Orzamento: 87.421,56 €.

Documentación que se xunta:

– Separata para o Concello de Portomarín.

– Separata para a Confederación Hidrográfica Miño-Sil.

– Separata para o Ministerio de Transportes.

– Separata para a Consellería de Cultura.

Este departamento territorial, de acordo coas competencias que resultan do Decreto 140/2024, do 20 de maio, polo que se establece a estrutura orgánica da Consellería de Economía e Industria, e tendo en conta o Decreto 9/2017, do 12 de xaneiro, sobre órganos competentes para autorización de instalacións eléctricas na Comunidade Autónoma de Galicia,

RESOLVE:

En relación coa instalación de alta tensión, conceder a autorización administrativa previa e de construción ás ditas instalacións, sen prexuízo de terceiros e con independencia das autorizacións que sexan necesarias para a execución da obra por parte doutros órganos da Administración, condicionada ao cumprimento das seguintes condicións:

Primeira. As instalacións deberán axustarse na súa execución ao disposto no citado proxecto de execución, e a dirección de obra deberá levala a cabo un técnico competente.

Segunda. A peticionaria asegurará o mantemento e a vixilancia correcta das instalacións durante a construción e despois da súa posta en servizo, co fin de garantir que en todo momento se manterán as condicións regulamentarias de seguridade.

Terceira. En todo momento deberán cumprirse as normativas e directrices vixentes que sexan de aplicación, en particular canto establecen a Lei 24/2013, do 26 de decembro, do sector eléctrico, o Real decreto 223/2008, do 15 de febreiro, polo que se aproban o Regulamento sobre condicións técnicas e garantías de seguridade en liñas eléctricas de alta tensión e as súas instrucións técnicas complementarias, e o Real decreto 337/2014, do 9 de maio, polo que se aproban o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias.

O prazo de posta en marcha das instalacións que se autorizan será de doce meses, contados a partir da data da última autorización administrativa necesaria para a súa execución.

Contra esta resolución poderase interpor recurso de alzada ante a conselleira de Economía e Industria no prazo dun mes, a partir do día seguinte ao da notificación ou publicación desta resolución; tamén se poderá interpor calquera outro recurso que se considere pertinente en dereito.

Lugo, 17 de febreiro de 2025

Gustavo José Casasola de Cabo
Director territorial de Lugo