De conformidade co sinalado no punto V.2. das bases aprobadas mediante a Resolución do 6 de febreiro de 2023, da Fundación Cidade da Cultura de Galicia, pola que se modifica a Resolución do 28 de decembro de 2022, sobre convocatoria do proceso selectivo extraordinario de estabilización derivado da Lei 20/2021, do 28 de decembro, pola quenda de acceso libre e mediante o sistema de concurso, para o ingreso nas prazas de persoal laboral referenciadas no anexo do Decreto 79/2022, do 25 de maio, da Consellería de Facenda e Administración Pública, polo que se aproba a oferta de emprego público extraordinaria das prazas de persoal funcionario e laboral da Administración xeral e das entidades instrumentais do sector público autonómico da Comunidade Autónoma de Galicia:

«Unha vez rematado o proceso selectivo, o tribunal ou comisión de selección publicará no DOG a relación de persoas aspirantes que o superaron, por orde de puntuacións acadadas, con indicación do seu documento nacional de identidade ou equivalente. Na mesma resolución proporá o seu nomeamento como persoal laboral fixo».

O 15 de setembro de 2023, o tribunal de selección aprobou resolución relativa á relación de persoas aspirantes que superaron o proceso selectivo, por orde de puntuación, e propón á directora xerente o nomeamento das persoas que figuran no anexo I como persoal laboral fixo da Fundación Cidade da Cultura de Galicia.

En relación co posto 2 de «Técnico especialista en servizos educativos e mediación», numeración que figura na Resolución do 12 de decembro de 2024 (publicada no Diario Oficial de Galicia núm. 4, do 8 de xaneiro de 2025), o aspirante seleccionado para ese posto, dentro do prazo sinalado (un mes desde a o día seguinte ao da publicación), non presentou, tal e como sinalaba a base III.4 da convocatoria, a documentación acreditativa prevista, nin formalizou o contrato laboral coa Fundación, sen que existan causas de forza maior xustificadas polo candidato.

De acordo coa amentada base III.4 «para asegurar a cobertura das vacantes, se se producisen renuncias das persoas seleccionadas antes do seu nomeamento ou toma de posesión, o órgano convocante poderá requirir unha relación complementaria das persoas que sigan por puntuación ás propostas. Para estes efectos, terán a mesma consideración que as renuncias os supostos das persoas aspirantes que, dentro do prazo fixado, agás os casos de forza maior, non presenten a documentación acreditativa do cumprimento dos requisitos ou do seu exame se deducise que carecen dalgún deles e que, en consecuencia, non poidan ser nomeadas persoal laboral fixo».

A orde de puntuación das persoas candidatas ao posto «Técnico especialista en servizos educativos e mediación» figura na resolución da Comisión de Valoración do 24 de xullo de 2023 pola que se aproba e se fai pública, a través da páxina web da Fundación Cidade da Cultura de Galicia, na ligazón: https://www.cidadedacultura.gal/gl/info/persoal, a baremación definitiva da fase do concurso de méritos.

Polo anteriormente exposto, a directora xerente, no uso das facultades sinaladas nas bases, considerando a proposta realizada polo tribunal de valoración, e que o número non supera o de prazas convocadas, acorda:

Primeiro. Nomear persoal laboral fixo da Fundación Cidade da Cultura de Galicia a persoa que, por orde de puntuación para o posto «Técnico especialista en servizos educativos e mediación», atendendo á resolución da Comisión de Valoración do 24 de xullo de 2023, figura no anexo I da presente resolución.

Segundo. A persoa nomeada como persoal laboral fixo disporá dun prazo dun mes para a formalización do contrato laboral. O prazo comezará a partir do día seguinte ao da publicación desta resolución no Diario Oficial de Galicia.

Terceiro. Para asegurar a cobertura das vacantes, de producirse renuncia por parte da persoa seleccionada, o órgano convocante poderá requirir, por orde de puntuación, as persoas seguintes para a formalización dos contratos laborais.

Contra esta resolución poderá interpoñerse, no prazo dun mes contado desde o día seguinte ao da súa publicación no Diario Oficial de Galicia, recurso potestativo de reposición, ante o propio órgano convocante, de conformidade co establecido na Lei 39/2015, do 1 de outubro, ou impugnala directamente ante a Sala do Contencioso-Administrativo do Tribunal Superior de Xustiza de Galicia, no prazo de dous meses, contados desde a mesma data, de conformidade co disposto na Lei 39/1998, do 13 de xullo, reguladora da xurisdición contencioso-administrativa.

Santiago de Compostela, 20 de febreiro de 2025

Ana Isabel Vázquez Reboredo
Directora xerente da Fundación Cidade da Cultura de Galicia

ANEXO I

Nomeamento como persoal laboral fixo. Proceso selectivo extraordinario de estabilización derivado da Lei 20/2021. Fundación Cidade da Cultura de Galicia

– Posto de técnico/a especialista en servizos educativos e mediación.

Número	NIF	Apelidos e nome
2	***4566**	Fernando Ocampo González