A Lei orgánica 3/2020, do 29 de decembro, pola que se modifica a Lei orgánica 2/2006, do 3 de maio, de educación, modifica os artigos 134 e 135 da Lei orgánica 2/2006, do 3 de maio, de educación, relativos á selección da dirección dos centros docentes públicos que imparten as ensinanzas reguladas nesta lei, os requisitos para ser persoas candidatas á dirección e o procedemento de selección. No artigo 134.1.c) establécese que as administracións educativas poderán considerar como requisito a formación a que se refire o número 6 do artigo 135, opción que se recolle nesta orde.

No artigo 133 establécese que a selección e nomeamento das direccións nos centros públicos se efectuará mediante concurso de méritos entre o persoal docente de carreira que imparta algunha das ensinanzas encomendadas ao centro, e que se realizará de conformidade cos principios de igualdade, publicidade, mérito e capacidade.

A selección, nomeamento e cesamento dos directores e directoras dos centros docentes públicos que imparten as ensinanzas reguladas na Lei orgánica 2/2006, do 3 de maio, de educación, establécese no Decreto 222/2022, do 7 de decembro (DOG número 7, do 11 de xaneiro de 2023), que derroga o Decreto 29/2007.

Procede convocar concurso de méritos para seleccionar as direccións dos centros que rematan o seu mandato no actual curso académico 2024/25 e non solicitaron a correspondente prórroga e aquelas direccións que rematan o seu mandato de carácter extraordinario ou accidental.

Na súa virtude, a Consellería de Educación, Ciencia, Universidades e Formación Profesional,

ACORDA:

Artigo 1. Convocatoria

Convócase concurso de méritos para seleccionar e nomear as direccións dos centros docentes públicos onde se imparten ensinanzas reguladas na Lei orgánica 2/2006, do 3 de maio, de educación, que se relacionan no anexo I desta orde.

A selección realizarase de conformidade cos principios de igualdade, publicidade, mérito e capacidade.

Artigo 2. Requisitos para ser persoa candidata á dirección

2.1. Para participar neste concurso de méritos para ser nomeada directora ou director dun centro docente público dependente da Consellería de Educación, Ciencia, Universidades e Formación Profesional deberán reunirse os seguintes requisitos:

a) Ser persoal funcionario de carreira dun corpo docente a que se refire a Lei orgánica 2/2006, do 3 de maio, de educación, incluído o corpo para extinguir de profesores técnicos de formación profesional.

b) Ter unha antigüidade de polo menos cinco anos como persoal funcionario na función pública docente con nomeamento nun dos corpos a que se fai referencia no parágrafo anterior.

c) Ter exercido funcións docentes como persoal funcionario, durante un período de polo menos cinco anos, nalgunha das ensinanzas que ofrece o centro a que se opta. Para estes efectos, considéranse as mesmas ensinanzas a educación infantil e a educación primaria.

d) Estar prestando servizos nun centro educativo dependente da Consellería de Educación, Ciencia, Universidades e Formación Profesional e depender organicamente desta. Tamén poderán presentarse aquelas persoas en situación de servizos especiais, excedencia por coidado de familiares ou en excedencia voluntaria, sempre que se estivese nunha destas situacións por resolución da Consellería de Educación, Ciencia, Universidades e Formación Profesional e en 1 de xullo de 2025 se reúnan os requisitos para reingresar no servizo activo.

e) Posuír unha certificación acreditativa de ter superado un curso de formación sobre competencias para o desenvolvemento da función directiva impartido pola Consellería de Educación, Ciencia, Universidades e Formación Profesional, polo Ministerio de Educación, Formación Profesional e Deportes ou polas administracións educativas das restantes comunidades autónomas con validez en todo o territorio nacional.

Será, así mesmo, válida a superación dos cursos organizados por persoas físicas ou xurídicas determinadas por unha Administración educativa, sempre que conste expresamente que foron autorizados para os efectos establecidos no artigo 135.6 da Lei orgánica 2/2006, do 3 de maio, de educación.

Estarán exentas de acreditar a superación deste programa de formación sobre o desenvolvemento da función directiva as persoas que acrediten unha experiencia de polo menos catro anos no exercicio da dirección de centros docentes públicos con avaliación positiva do seu traballo.

f) Presentar un proxecto de dirección nos termos previstos no artigo seguinte.

2.2. Para participar no concurso de méritos para ser nomeada/o directora ou director dun centro público específico de educación infantil, dun centro incompleto de educación primaria, nos centros de educación secundaria con menos de oito unidades, nos centros en que se imparten ensinanzas artísticas profesionais, deportivas, de idiomas ou nos centros específicos de adultos con menos de oito profesores, non se exixirán os requisitos establecidos nas letras b), c) e e) da epígrafe 2.1 deste artigo.

2.3. Todos os requisitos enumerados anteriormente deberán posuírse e ser acreditados na data en que remate o prazo de presentación de solicitudes.

2.4. O persoal funcionario de carreira do corpo de mestres que preste servizo nos centros que imparten ensino secundario obrigatorio poderá optar á dirección dos centros docentes en que se imparte o dito nivel educativo, sempre que cumpra os requisitos sinalados nas epígrafes anteriores.

Así mesmo, de conformidade co establecido no número 2 da disposición adicional cuarta do Real decreto 1594/2011, do 4 de novembro, poderá presentarse o persoal docente do corpo de mestres das especialidades de pedagoxía terapéutica e audición e linguaxe que desempeñase funcións de atención á diversidade na educación secundaria durante, polo menos, cinco anos e reúna os restantes requisitos sinalados nas epígrafes anteriores.

Artigo 3. Solicitudes e documentación

3.1. A solicitude de participación no concurso de méritos dirixirase ao departamento territorial da Consellería de Educación, Ciencia, Universidades e Formación Profesional da provincia correspondente, e poderase descargar unha vez formalizados os datos de participación no concurso a través do enderezo web https://www.edu.xunta.gal/cxt (anexo III).

Xunto coa solicitude achegarase, ademais:

a) Documentación acreditativa dos méritos académicos e profesionais alegados en relación co baremo que se publica como anexo II desta orde, agás aqueles que xa consten na base de datos de persoal.

b) Documentación acreditativa de ter superado o curso de formación, ou o curso de actualización, sobre o desenvolvemento da función directiva, agás que xa conste na base de datos de persoal.

c) O proxecto de dirección que inclúa, polo menos, unha presentación e fundamentación do proxecto, os obxectivos, os plans e as liñas de actuación e a avaliación deste. O proxecto de dirección deberá estar orientado a lograr o éxito escolar de todo o alumnado e deberá incluír, entre outros, contidos en materia de igualdade entre mulleres e homes, non discriminación e prevención da violencia de xénero. De solicitarse máis dun centro deberá presentarse un proxecto específico de dirección para cada centro.

O proxecto de dirección non excederá de 30 páxinas DIN A4, sen contar portada e contraportada, nun tipo de letra Arial ou Xunta Sans, tamaño de letra 12, espazo entre liñas 1,5.

3.2. Efectuarase unha solicitude por cada centro que se demande, ata un máximo de dúas.

3.3. Así mesmo, o persoal participante no concurso de méritos remitiralle ao centro ou centros docentes que solicite unha copia do seu proxecto de dirección. Este proxecto estará á disposición das persoas membros do Claustro de Profesores e do Consello Escolar na Secretaría do centro durante un período mínimo de 10 días lectivos, no horario que estableza a Dirección do centro.

No taboleiro de anuncios do centro exporase unha relación das candidaturas presentadas, así como o prazo e o horario en que poderán verse os proxectos de dirección na Secretaría.

3.4. A solicitude de participación xerada previamente na páxina web https://www.edu.xunta.gal/cxt, xunto coa documentación a que se alude na epígrafe 3.1, presentarase obrigatoriamente por medios electrónicos na sede electrónica da Xunta de Galicia, https://sede.xunta.gal, mediante a solicitude xenérica dispoñible na sede electrónica (código de procedemento PR004A) e dirixirase ao departamento territorial da Consellería de Educación, Ciencia, Universidades e Formación Profesional da provincia correspondente. Cómpre sinalar que para acceder a este servizo é preciso dispor dun certificado electrónico ou Chave365.

No suposto de participar no concurso a dous centros, presentarase unha solicitude por cada un deles.

De conformidade co artigo 68.4 da Lei 39/2015, do 1 de outubro, do procedemento administrativo común das administracións públicas, se algunha das persoas interesadas presenta a súa solicitude de xeito presencial, será requirida para que a emende a través da súa presentación electrónica. Para estes efectos, considerarase como data de presentación da solicitude aquela en que sexa realizada a emenda.

Para a presentación electrónica poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuario e clave Chave 365 (https://sede.xunta.gal/chave365).

3.5. As persoas aspirantes serán responsables da veracidade da documentación achegada e, conforme se indica no formulario da solicitude, declararán que esa documentación é copia fiel dos orixinais que figuran no seu poder, sen prexuízo da posibilidade por parte da Administración de requirirlles en calquera momento a documentación orixinal. No caso de inexactitude, falsidade ou omisión en calquera dato ou documento achegado, isto comportará a perda do dereito á participación neste proceso, con independencia das responsabilidades que procedan, conforme dispón o artigo 69.4 da Lei 39/2015, do 1 de outubro.

3.6. Unicamente se terán en conta aqueles méritos debidamente xustificados dentro do prazo de presentación de solicitudes, sen prexuízo do establecido no artigo 4.2 desta orde.

Os méritos achegados para a súa valoración deberán posuírse na data en que remate o prazo de presentación de solicitudes.

Artigo 4. Prazo de presentación de solicitudes e emenda

4.1. O prazo de presentación de solicitudes e documentación será de quince (15) días hábiles, contados a partir do día seguinte ao da publicación desta orde no Diario Oficial de Galicia.

4.2. Agás a presentación do proxecto de dirección, se a restante documentación achegada non reúne os requisitos exixidos na presente orde, a Comisión de Selección requirirá a persoa interesada para que emende a falta ou achegue os documentos preceptivos no prazo de dez (10) días hábiles desde a súa notificación, e coa indicación de que, se así non o fixer, non serán tidos en conta ou, de ser o caso, realizarase a declaración de desistencia.

Artigo 5. Comisión de Selección

5.1. En cada centro educativo constituirase unha comisión de selección, nomeada pola persoa titular do departamento territorial da Consellería de Educación, Ciencia, Universidades e Formación Profesional, que terá como sede a localidade e local que decida a súa Presidencia e que terá a seguinte composición:

a) Dúas persoas pertencentes ao corpo de Inspección Educativa, designadas pola persoa titular do departamento territorial da Consellería de Educación, Ciencia, Universidades e Formación Profesional, unha das cales exercerá a presidencia da Comisión.

b) Un director ou directora en activo en centros que impartan as mesmas ensinanzas que aquel no cal se desenvolve o procedemento de selección, cun ou máis períodos de exercicio con avaliación positiva do traballo desenvolvido, designado/a pola persoa titular do departamento territorial da Consellería de Educación, Ciencia, Universidades e Formación Profesional.

c) Tres profesores do centro elixidos polo Claustro de Profesores, de entre os cales se designará o secretario da Comisión. No caso de producirse empate no número de votos, repetirase unha vez a votación e, de persistir o empate, dirimirase por sorteo.

d) Tres membros non docentes do Consello Escolar elixidos polo propio Consello Escolar. No caso de producirse empate no número de votos, repetirase unha vez a votación e, de persistir o empate, dirimirase por sorteo.

5.2. Os alumnos e alumnas que, se é o caso, sexan nomeados como representantes do Consello Escolar terán que estar matriculados nun curso non inferior a terceiro de educación secundaria obrigatoria.

5.3. En ningún caso as persoas candidatas á dirección poderán formar parte da Comisión de Selección.

5.4. Designarase unha persoa suplente de cada persoa integrante da Comisión de Selección en cada un dos ámbitos de representación, que actuará en substitución da persoa titular cando exista causa xustificada que impida a actuación desta.

5.5. Ás persoas integrantes da Comisión de Selección seranlles de aplicación as normas sobre abstención e recusación previstas nos artigos 23 e 24 da Lei 40/2015, do 1 de outubro, de réxime xurídico do sector público.

5.6. A Dirección do centro comunicará para o seu nomeamento as persoas representantes do Claustro de Profesores e do Consello Escolar na Comisión de Selección ao departamento territorial da Consellería de Educación, Ciencia, Universidades e Formación Profesional, no prazo dos cinco (5) días hábiles seguintes ao de remate do prazo de presentación de solicitudes establecido no artigo 4 desta orde, sen que se teñan en consideración posibles ampliacións deste.

5.7. A non elección das persoas representantes do Claustro de Profesores e do Consello Escolar non impedirá a constitución e o normal funcionamento da Comisión de Selección.

5.8. A composición da Comisión de Selección publicarase no taboleiro de anuncios do centro.

Artigo 6. Composición da Comisión de Selección en determinados supostos

1. Cando o número de profesorado do centro sexa inferior a catro ou o número de candidaturas á dirección non lle permita ao Claustro de Profesores elixir tres persoas de entre o profesorado, a composición da Comisión de Selección será a seguinte:

a) Unha persoa pertencente ao corpo de Inspección Educativa designada pola persoa titular do departamento territorial da Consellería de Educación, Ciencia, Universidades e Formación Profesional, que exercerá a presidencia.

b) Un director ou directora en activo en centros que impartan as mesmas ensinanzas que aquel en que se desenvolve o procedemento de selección, cun ou máis períodos de exercicio con avaliación positiva do traballo desenvolvido, designado pola persoa titular do departamento territorial da consellería competente en materia de educación.

c) Dous profesores do centro elixidos polo Claustro de Profesores, de entre os cales se designará o secretario da Comisión.

d) Dous membros non docentes do Consello Escolar elixidos polo propio Consello Escolar.

2. Composición excepcional da Comisión de Selección.

De xeito excepcional, cando non sexa posible nomear a Comisión de Selección de acordo co establecido no punto primeiro deste artigo, por non poder nomear dúas persoas integrantes do profesorado do centro por mor das candidaturas presentadas, a composición será a seguinte:

a) Unha persoa pertencente ao corpo de inspección educativa designada pola persoa titular do departamento territorial da consellería competente en materia de educación, que exercerá a presidencia.

b) Un profesor do centro elixido polo Claustro de Profesores, que será o secretario da Comisión.

c) Un membro non docente do Consello Escolar elixido polo propio Consello Escolar.

Artigo 7. Funcións da Comisión de Selección e procedemento de funcionamento

7.1. Recibidas as solicitudes dirixidas ao departamento territorial, a Comisión de Selección comprobará que o persoal aspirante reúne os requisitos establecidos nesta orde e notificaralle ao persoal aspirante a admisión ou exclusión da súa petición.

7.2. Contra a exclusión da solicitude, o persoal aspirante poderá presentar reclamación perante a propia comisión seleccionadora no prazo de cinco (5) días hábiles, contados desde o día seguinte ao da notificación do rexeitamento da solicitude.

7.3. A Comisión de Selección valorará os méritos académicos e profesionais de cada persoa aspirante con destino no centro e, se for o caso, das persoas candidatas que non o teñen, de acordo co baremo que se publica como anexo II desta orde.

7.4. A Comisión de Selección valorará, así mesmo, os proxectos de dirección, de acordo co establecido no baremo que se publica no anexo II desta orde, e poderá ter unha entrevista co profesorado que presentou candidatura, se considera necesario clarificar algúns aspectos do proxecto de dirección. Cando a Comisión de Selección decida a realización desta entrevista, deberá efectuárllela a todas e cada unha das persoas candidatas.

7.5. A cualificación do proxecto de dirección será a media aritmética das cualificacións de todas as persoas membros presentes da Comisión, que deberán deixar constancia por escrito da cualificación outorgada. Cando entre as puntuacións outorgadas polas persoas membros da Comisión exista unha diferenza de tres ou máis enteiros, serán automaticamente excluídas as cualificacións máxima e mínima, e calcularase a puntuación media entre as cualificacións restantes. No caso de empate entre cualificacións máximas ou mínimas, unicamente será excluída unha delas.

7.6. A Comisión de Selección publicará no taboleiro de anuncios do centro educativo a puntuación provisional das persoas candidatas á dirección. Contra esta puntuación poderá presentarse reclamación ante a propia Comisión no prazo de cinco (5) días hábiles, computados a partir do día seguinte ao da súa publicación.

7.7. Cada persoa membro da Comisión elaborará un sucinto informe xustificativo da súa cualificación do proxecto de dirección.

Artigo 8. Selección do director ou directora

8.1. Unha vez transcorrido o prazo de reclamacións e, se é o caso, resoltas estas, a Comisión de Selección establecerá a puntuación final obtida polo persoal aspirante e seleccionará a persoa candidata que proporá como director ou directora do centro, para o seu nomeamento polo Departamento Territorial da Consellería de Educación, Ciencia, Universidades e Formación Profesional.

8.2. Para poder ser seleccionada e nomeada para a dirección é necesario obter polo menos seis puntos no proxecto de dirección.

8.3. A selección realizarase considerando primeiro as candidaturas do profesorado do centro, que terán preferencia. En ausencia de candidaturas do centro ou cando estas non superen a puntuación mínima no proxecto de dirección, a Comisión valorará as candidaturas do profesorado doutros centros.

8.4. No caso de se produciren empates na puntuación total das persoas aspirantes, estes dirimiranse atendendo sucesivamente aos seguintes criterios:

a) Maior puntuación no proxecto de dirección.

b) Maior puntuación na epígrafe 2 do baremo.

c) Maior puntuación na epígrafe 1 do baremo.

8.5. Se unha persoa candidata resulta seleccionada para dous centros, nomearase no centro en que teña destino definitivo. De non ter destino definitivo en ningún dos centros, será nomeada no centro polo cal opte, e seleccionarase e nomearase no centro non elixido outra persoa aspirante que reúna os requisitos con maior puntuación.

Artigo 9. Recursos

Contra a decisión da Comisión de Selección, que resolve definitivamente o concurso de méritos de selección da dirección do centro, poderase interpor recurso de alzada no prazo dun (1) mes, ante o departamento territorial da Consellería de Educación, Ciencia, Universidades e Formación Profesional.

Artigo 10. Nomeamento

10.1. A persoa titular do departamento territorial da Consellería de Educación, Ciencia, Universidades e Formación Profesional nomeará director ou directora do centro a persoa proposta pola Comisión de Selección.

10.2. Os nomeamentos dos directores ou das directoras terán efectos do 1 de xullo de 2025 e por unha duración de catro anos, prorrogables por períodos de igual duración, ata un máximo de tres mandatos, logo de avaliación positiva do traballo desenvolvido ao final destes, oído o Consello Escolar.

10.3. Cando o nomeamento recaia nun funcionario ou funcionaria que non teña destino definitivo no centro, o nomeamento implicará a concesión dunha comisión de servizos.

Artigo 11. Nomeamento con carácter extraordinario

Nos supostos de ausencia de persoas candidatas, ou cando a comisión correspondente non seleccione ningunha persoa candidata, ou nos centros de nova creación, a dirección será nomeada pola persoa titular do departamento territorial da Consellería de Educación, Ciencia, Universidades e Formación Profesional, oído o Consello Escolar, por un período de dous anos, entre o profesorado que reúna os requisitos establecidos no artigo 2 desta orde, agás as letras e) e f).

A persoa nomeada deberá realizar a formación para o desenvolvemento da función directiva prevista no artigo 2.1.e) desta orde, agás que xa a posúa ou estivese exenta da súa realización.

Disposición adicional primeira. Impugnación da orde

Esta orde poderá ser impugnada mediante recurso potestativo de reposición ante a persoa titular da Consellería de Educación, Ciencia, Universidades e Formación Profesional no prazo dun (1) mes, contado a partir do día seguinte ao da súa publicación no Diario Oficial de Galicia, segundo o disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, ou ben directamente mediante un recurso contencioso-administrativo ante o xulgado do contencioso-administrativo que resulte competente, no prazo de dous (2) meses, de acordo co establecido no artigo 46 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 12 de marzo de 2025

Román Rodríguez González
Conselleiro de Educación, Ciencia, Universidades e Formación Profesional

ANEXO I

Centros con praza vacante de dirección para o curso 2025/26

Código	Centro	Concello	Provincia
15020969	CEIP Plurilingüe Mosteiro de Caaveiro	A Capela	A Coruña
15021627	CEIP Emilia Pardo Bazán	A Coruña	A Coruña
15021548	CEIP Sal Lence	A Coruña	A Coruña
15026421	IES Plurilingüe Rafael Dieste	A Coruña	A Coruña
15005257	IES Ramón Menéndez Pidal	A Coruña	A Coruña
15005211	IES Salvador de Madariaga	A Coruña	A Coruña
15005269	IES Urbano Lugrís	A Coruña	A Coruña
15013199	CEP Plurilingüe Salustiano Rey Eiras	A Pobra do Caramiñal	A Coruña
15032807	IES do Milladoiro	Ames	A Coruña
15000338	CPI As Mirandas	Ares	A Coruña
15032716	CEIP de Arteixo	Arteixo	A Coruña
15023314	IES de Sabón	Arteixo	A Coruña
15026194	CEIP Plurilingüe A Fraga	As Pontes de García Rodríguez	A Coruña
15013643	CEIP Plurilingüe A Magdalena	As Pontes de García Rodríguez	A Coruña
15013591	CEIP Plurilingüe Santa María	As Pontes de García Rodríguez	A Coruña
15025694	IES Moncho Valcarce	As Pontes de García Rodríguez	A Coruña
15032561	CRA de Bergondo	Bergondo	A Coruña
15001124	CEIP Francisco Vales Villamarín	Betanzos	A Coruña
15001239	CPI Armando Cotarelo Valledor	Boimorto	A Coruña
15001471	CEIP Plurilingüe Praia Xardín	Boiro	A Coruña
15021500	CEIP Santa Baia	Boiro	A Coruña
15026698	IES Espiñeira	Boiro	A Coruña
15001847	CEIP Plurilingüe de Pedrouzos	Brión	A Coruña
15026352	IES Brión	Brión	A Coruña
15001926	CPI As Revoltas	Cabana de Bergantiños	A Coruña
15002025	CEIP Plurilingüe Eladia Mariño	Cabanas	A Coruña
15002050	CEIP O Areal	Camariñas	A Coruña
15002086	CEIP Plurilingüe de Ponte do Porto	Camariñas	A Coruña
15023065	CEIP Gonzalo Torrente Ballester	Cambre	A Coruña
15032426	CEIP Plurilingüe Graxal	Cambre	A Coruña
15002165	CEIP Plurilingüe Wenceslao Fernández Flórez	Cambre	A Coruña
15023053	CEIP Portofaro	Cambre	A Coruña
15027873	IES Afonso X O Sabio	Cambre	A Coruña
15021524	CEIP Plurilingüe A Cristina	Carballo	A Coruña
15024896	CEIP Plurilingüe de Nétoma-Razo	Carballo	A Coruña
15002591	IES Monte Neme	Carballo	A Coruña
15011661	CEIP Manuel Fraga Iribarne	Cariño	A Coruña
15002761	CEIP Plurilingüe de Carnota	Carnota	A Coruña
15032959	CEIP Plurilingüe Vicente Otero Valcárcel	Carral	A Coruña
15003054	CEIP Nicolás del Río	Cedeira	A Coruña
15003248	CEIP Plurilingüe Vila de Cee	Cee	A Coruña
15003212	IES Agra de Raíces	Cee	A Coruña
15003224	IES Fernando Blanco	Cee	A Coruña
15003376	CPI Plurilingüe O Cruce	Cerceda	A Coruña
15003789	CEIP Praia de Quenxe	Corcubión	A Coruña
15002670	CEIP Canosa-Rus	Coristanco	A Coruña
15003881	CPI Alcalde Xosé Pichel	Coristanco	A Coruña
15033198	CRA A Tarandeira	Coristanco	A Coruña
15027253	CEIP Isaac Díaz Pardo	Culleredo	A Coruña
15033149	CEIP Plurilingüe Vila de Rutis	Culleredo	A Coruña
15005932	CEIP de Curtis	Curtis	A Coruña
15032492	CRA de Dodro-Padrón	Dodro	A Coruña
15021810	CEIP Plurilingüe Santa Eulalia de Dumbría	Dumbría	A Coruña
15022981	CEIP Plurilingüe de Centieiras	Fene	A Coruña
15020982	CEIP Plurilingüe O Ramo	Fene	A Coruña
15032081	IES de Fene	Fene	A Coruña
15006729	CEE Terra de Ferrol	Ferrol	A Coruña
15024938	CEIP de Esteiro	Ferrol	A Coruña
15024227	CEIP de Pazos-Mestre García Niebla	Ferrol	A Coruña
15021834	CEIP Ledicia	Ferrol	A Coruña
15006699	CEIP Plurilingüe Ángela Ruiz Robles	Ferrol	A Coruña
15026960	CEIP Plurilingüe de Ponzos	Ferrol	A Coruña
15021846	CEIP Plurilingüe San Xoán de Filgueira	Ferrol	A Coruña
15025751	EPAPU Sta. María de Caranza	Ferrol	A Coruña
15021470	IES Canido	Ferrol	A Coruña
15006687	IES de Catabois	Ferrol	A Coruña
15026765	CEIP Milladoiro	Malpica de Bergantiños	A Coruña
15008817	IES de Melide	Melide	A Coruña
15009081	CEIP de San Ramón	Moeche	A Coruña
15009391	CEIP Santiago Apóstolo	Mugardos	A Coruña
15025657	IES de Mugardos	Mugardos	A Coruña
15009810	CEIP Plurilingüe Ricardo Tobío	Muros	A Coruña
15027940	IES As Insuas	Muros	A Coruña
15026388	IES Plurilingüe Fontexería	Muros	A Coruña
15009597	CEIP de Vilarmide-Eduardo Noya	Muxía	A Coruña
15027927	IES Ramón Caamaño	Muxía	A Coruña
15010162	CEIP Plurilingüe Ponte de Xubia	Narón	A Coruña
15026111	CRA de Narón	Narón	A Coruña
15025268	IES As Telleiras	Narón	A Coruña
15027216	IES Fernando Esquío	Neda	A Coruña
15010575	CEIP Plurilingüe O Coto	Negreira	A Coruña
15010681	CEIP Plurilingüe Alexandre Rodríguez Cadarso	Noia	A Coruña
15026731	IES Campo de San Alberto	Noia	A Coruña
15010812	IES Virxe do Mar	Noia	A Coruña
15023089	CEIP Luís Seoane	Oleiros	A Coruña
15011026	CEIP Plurilingüe da Rabadeira	Oleiros	A Coruña
15025050	CEIP Ramón María del Valle-Inclán	Oleiros	A Coruña
15027976	IES Poeta Añón	Outes	A Coruña
15012730	IES Camilo José Cela	Padrón	A Coruña
15013230	CEIP As Forcadas	Ponteceso	A Coruña
15013291	CEIP Eduardo Pondal	Ponteceso	A Coruña
15027848	CRA Nosa Señora do Faro	Ponteceso	A Coruña
15024963	CEIP Plurilingüe de Andrade	Pontedeume	A Coruña
15013928	CEIP Plurilingüe de Sobrado-Nebra	Porto do Son	A Coruña
15023430	CEP Xosé María Brea Segade	Rianxo	A Coruña
15027551	CRA de Rianxo	Rianxo	A Coruña
15026807	IES Félix Muriel	Rianxo	A Coruña
15027711	IES Leliadoura	Ribeira	A Coruña
15014568	IES Número 1	Ribeira	A Coruña
15026777	CEIP Plurilingüe Pepe de Xan Baña	Santa Comba	A Coruña
15026030	IES Terra de Xallas	Santa Comba	A Coruña
15016085	CEIP Arquitecto Casas Novoa	Santiago de Compostela	A Coruña
15016292	CEIP Plurilingüe Mestre Rodríguez Xixirei	Santiago de Compostela	A Coruña
15015688	CEIP Raíña Fabiola	Santiago de Compostela	A Coruña
15027058	IES As Fontiñas	Santiago de Compostela	A Coruña
15027319	IES de Sar	Santiago de Compostela	A Coruña
15023466	IES Lamas de Abade	Santiago de Compostela	A Coruña
15015755	IES Plurilingüe Rosalía de Castro	Santiago de Compostela	A Coruña
15016784	CEIP Plurilingüe Virxe do Portal	Sobrado	A Coruña
15017107	CEIP Plurilingüe da Ramallosa	Teo	A Coruña
15026169	CRA de Teo	Teo	A Coruña
15017314	CEIP Plurilingüe de Toques	Toques	A Coruña
15020994	CPI de Viaño Pequeno	Trazo	A Coruña
15018203	CPI de Bembibre	Val do Dubra	A Coruña
15026509	CRA de Valdoviño	Valdoviño	A Coruña
15019372	CEIP Plurilingüe San Vicenzo	Vimianzo	A Coruña
15019086	CEIP Labarta Pose	Zas	A Coruña
15019281	CPI de Zas	Zas	A Coruña
15027368	IES Maximino Romero de Lema	Zas	A Coruña
27014811	IES Plur. Fontem Albei	A Fonsagrada	Lugo
27009608	CEIP O Salvador	A Pastoriza	Lugo
27002584	CEIP Plur. Virxe do Carme	Burela	Lugo
27001609	CEIP Ramón Falcón	Castro de Rei	Lugo
27015301	CEIP de Cervo	Cervo	Lugo
27020859	CEIP Península da Paz	Cervo	Lugo
27020562	IES de Foz	Foz	Lugo
27005020	CEIP Plur. Lagostelle	Guitiriz	Lugo
27006000	CEIP Juan Rey	Lourenzá	Lugo
27006164	CEIP Albeiros	Lugo	Lugo
27016467	CEIP Menéndez Pelayo	Lugo	Lugo
27014793	CEIP Paradai	Lugo	Lugo
27015761	IES Ánxel Fole	Lugo	Lugo
27015360	CEE Infanta Elena	Monforte de Lemos	Lugo
27014860	CEIP Plur. A Gándara	Monforte de Lemos	Lugo
27016421	EOI de Monforte de Lemos	Monforte de Lemos	Lugo
27016248	IES de Monterroso	Monterroso	Lugo
27012826	CEIP Plur. Santa Mª do Valadouro	O Valadouro	Lugo
27012887	CEIP do Vicedo	O Vicedo	Lugo
27015189	IES de Quiroga	Quiroga	Lugo
27011639	CEIP Otero Pedrayo	Rábade	Lugo
27010891	CEIP Plur. Gregorio Sanz	Ribadeo	Lugo
27020902	IES de Ribadeo Dionisio Gamallo	Ribadeo	Lugo
27012036	IES Gregorio Fernández	Sarria	Lugo
27012048	IES Xograr Afonso Gómez	Sarria	Lugo
27016406	CEIP Plur. de Covas	Viveiro	Lugo
27016674	CEP Luís Tobío	Viveiro	Lugo
27014100	EEI San Roque	Viveiro	Lugo
27013648	IES Vilar Ponte	Viveiro	Lugo
27005691	CEIP Plur. Pedro Caselles Rollán	Xove	Lugo
32001658	CEIP Plurilingüe Julio Gurriarán Canalejas	Barco de Valdeorras (O)	Ourense
32001671	CEIP Ramón Otero Pedrayo	Barco de Valdeorras (O)	Ourense
32001683	IES Martaguisela	Barco de Valdeorras (O)	Ourense
32002122	CEIP Nosa Señora de Xuvencos	Boborás	Ourense
32003503	CEIP de Castrelo de Miño	Castrelo de Miño	Ourense
32003643	CPI Virxe dos Remedios	Castro Caldelas	Ourense
32016625	IES Celanova Celso Emilio Ferreiro	Celanova	Ourense
32005408	CEIP Virxe da Pena da Sela	Irixo (O)	Ourense
32006358	CEIP Plurilingüe do Xurés	Lobios	Ourense
32007272	CEIP Augusto Assía	Mezquita (A)	Ourense
32016327	CEIP A Ponte	Ourense	Ourense
32009165	CEIP Plurilingüe As Mercedes	Ourense	Ourense
32016443	CMUS Profesional de Ourense	Ourense	Ourense
32016455	IES Julio Prieto Nespereira	Ourense	Ourense
32015207	IES O Couto	Ourense	Ourense
32016273	IES Xesús Ferro Couselo	Ourense	Ourense
32016029	CEIP Plurilingüe Ben-Cho-Shey	Pereiro de Aguiar (O)	Ourense
32015475	IES O Ribeiro	Ribadavia	Ourense
32016637	IES Cosme López Rodríguez	Rúa (A)	Ourense
32015921	CEIP Plurilingüe Lanbriscae	San Amaro	Ourense
32016777	IES Carlos Casares	Viana do Bolo	Ourense
32005691	CEIP Padre Crespo	Xunqueira de Ambía	Ourense
36014945	CEIP de Valeixe	A Cañiza	Pontevedra
36001148	CPI da Cañiza	A Cañiza	Pontevedra
36015101	IES da Cañiza	A Cañiza	Pontevedra
36002220	CEIP Cabada Vázquez	A Estrada	Pontevedra
36002773	CEIP do Foxo	A Estrada	Pontevedra
36020258	IES Avelina Valladares	A Estrada	Pontevedra
36020283	IES da Illa de Arousa	A Illa de Arousa	Pontevedra
36003480	CEIP Plurilingüe de Agolada	Agolada	Pontevedra
36019402	IES Pazo da Mercé	As Neves	Pontevedra
36019657	IES Primeiro de Marzo	Baiona	Pontevedra
36000181	CEIP Amor Ruibal	Barro	Pontevedra
36000341	CEIP Plurilingüe A Pedra	Bueu	Pontevedra
36000375	CEIP Plurilingüe da Torre-Cela	Bueu	Pontevedra
36020246	IES Illa de Ons	Bueu	Pontevedra
36019463	IES Johan Carballeira	Bueu	Pontevedra
36000405	CPI Plurilingüe Alfonso VII	Caldas de Reis	Pontevedra
36000508	CEIP Plurilingüe de Castrelo	Cambados	Pontevedra
36000648	CEIP Plurilingüe Enrique Barreiro Piñeiro	Cambados	Pontevedra
36019773	EEI da Pastora	Cambados	Pontevedra
36019396	IES Francisco Asorey	Cambados	Pontevedra
36000481	IES Ramón Cabanillas	Cambados	Pontevedra
36001057	CEIP do Hío	Cangas	Pontevedra
36000879	CEIP Nazaret	Cangas	Pontevedra
36000922	IES María Soliño	Cangas	Pontevedra
36018501	IES Monte Carrasco	Cangas	Pontevedra
36024197	IES de Cotobade	Cerdedo-Cotobade	Pontevedra
36001975	CEIP Plurilingüe Pío Cabanillas Gallas	Dozón	Pontevedra
36019323	IES Chano Piñeiro	Forcarei	Pontevedra
36003388	CEIP Doutor Suárez	Fornelos de Montes	Pontevedra
36017703	CEIP Plurilingüe Souto-Donas	Gondomar	Pontevedra
36014672	CEIP Serra-Vincios	Gondomar	Pontevedra
36018631	CEP Xosé Neira Vilas	Gondomar	Pontevedra
36019220	IES Auga da Laxe	Gondomar	Pontevedra
36004460	CEIP de Ardán	Marín	Pontevedra
36004681	CEIP de Seixo	Marín	Pontevedra
36004484	CEIP Plurilingüe da Laxe	Marín	Pontevedra
36004551	IES Illa de Tambo	Marín	Pontevedra
36020295	IES Mestre Landín	Marín	Pontevedra
36004691	CEIP de Coirón-Dena	Meaño	Pontevedra
36004708	CPI de Mosteiro-Meis	Meis	Pontevedra
36016607	CEIP de Quintela	Moaña	Pontevedra
36013552	CEIP de Seara	Moaña	Pontevedra
36004733	CEIP Plurilingüe de Reibón	Moaña	Pontevedra
36016814	EEI do Con	Moaña	Pontevedra
36018999	IES As Barxas	Moaña	Pontevedra
36013564	CEIP Plurilingüe Pena de Francia	Mos	Pontevedra
36005774	CEIP Plurilingüe Humberto Juanes	Nigrán	Pontevedra
36015160	EEI As Dunas Panxón	Nigrán	Pontevedra
36014428	IES Val Miñor	Nigrán	Pontevedra
36018100	CEIP As Bizocas	O Grove	Pontevedra
36014878	CEIP Plurilingüe de Conmeniño	O Grove	Pontevedra
36003807	CEIP Rosalía de Castro	O Grove	Pontevedra
36003832	CEIP Valle-Inclán	O Grove	Pontevedra
36024173	CRA María Zambrano	O Rosal	Pontevedra
36016735	CEIP de Refoxos	Oia	Pontevedra
36006067	CEIP Mestre Manuel García	Oia	Pontevedra
36007199	CEIP Plurilingüe Isidora Riestra	Poio	Pontevedra
36020143	IES de Poio	Poio	Pontevedra
36007591	CEIP Manuel Cordo Boullosa	Ponte Caldelas	Pontevedra
36020313	IES de Ponte Caldelas	Ponte Caldelas	Pontevedra
36007539	CEIP Fermín Bouza Brey	Ponteareas	Pontevedra
36017201	CEE Pontevedra	Pontevedra	Pontevedra
36006195	CEIP A Carballeira	Pontevedra	Pontevedra
36006122	CEIP A Xunqueira Número 1	Pontevedra	Pontevedra
36015172	CEIP A Xunqueira Número 2	Pontevedra	Pontevedra
36006316	CEIP Daría González García	Pontevedra	Pontevedra
36018690	CEIP de Cabanas	Pontevedra	Pontevedra
36006353	CEIP de Vilaverde-Mourente	Pontevedra	Pontevedra
36006833	CEIP San Martiño	Pontevedra	Pontevedra
36006420	CEP Campolongo	Pontevedra	Pontevedra
36019611	CEP Marcos da Portela	Pontevedra	Pontevedra
36013837	EEI Fina Caslderey	Pontevedra	Pontevedra
36018689	EOI de Pontevedra	Pontevedra	Pontevedra
36018872	EPAPU Río Lérez	Pontevedra	Pontevedra
36019621	ES de Conservación e Restauración de Bens Culturais de Galicia	Pontevedra	Pontevedra
36019268	IES Gonzalo Torrente Ballester	Pontevedra	Pontevedra
36006717	IES Sánchez Cantón	Pontevedra	Pontevedra
36007631	CEIP Plurilingüe de Porto Cabeiro	Redondela	Pontevedra
36014726	EEI A Marisma	Redondela	Pontevedra
36020325	IES Illa de San Simón	Redondela	Pontevedra
36016656	IES Pedro Floriani	Redondela	Pontevedra
36024616	CRA de Ribadumia	Ribadumia	Pontevedra
36024628	IES Pedras Rubias	Salceda de Caselas	Pontevedra
36016966	CEP Carlos Casares	Salvaterra de Miño	Pontevedra
36008878	CEIP Plurilingüe Cruceiro	Sanxenxo	Pontevedra
36019104	CEIP Plurilingüe Nantes	Sanxenxo	Pontevedra
36019256	IES de Vilalonga	Sanxenxo	Pontevedra
36009135	CEIP Plurilingüe de Silleda	Silleda	Pontevedra
36009032	CEIP Ramón de Valenzuela	Silleda	Pontevedra
36025013	CEIP Manuel Padín Truiteiro	Soutomaior	Pontevedra
36024987	IES de Soutomaior	Soutomaior	Pontevedra
36015238	CEIP de Sobrada	Tomiño	Pontevedra
36018471	CEIP de Rebordáns	Tui	Pontevedra
36016668	CEIP Plurilingüe de Caldelas	Tui	Pontevedra
36009895	CEIP Plurilingüe Número 2	Tui	Pontevedra
36024112	CRA Mestra Clara Torres	Tui	Pontevedra
36009901	IES San Paio	Tui	Pontevedra
36018161	CEP Plurilingüe Xesús Ferro Couselo	Valga	Pontevedra
36024161	CRA de Valga	Valga	Pontevedra
36020362	IES Plurilingüe de Valga	Valga	Pontevedra
36010733	CEE Saladino Cortizo	Vigo	Pontevedra
36010162	CEIP A Canicouva	Vigo	Pontevedra
36010228	CEIP A Paz	Vigo	Pontevedra
36010460	CEIP Alfonso D. Rodríguez Castelao	Vigo	Pontevedra
36015834	CEIP Altamar	Vigo	Pontevedra
36015068	CEIP Balaídos	Vigo	Pontevedra
36009974	CEIP de Coutada-Beade	Vigo	Pontevedra
36010125	CEIP de Fonte Escura	Vigo	Pontevedra
36010484	CEIP Eduardo Pondal	Vigo	Pontevedra
36010708	CEIP Emilia Pardo Bazán	Vigo	Pontevedra
36017697	CEIP Escultor Acuña	Vigo	Pontevedra
36010241	CEIP Illas Cíes	Vigo	Pontevedra
36010150	CEIP Mestres Goldar	Vigo	Pontevedra
36016061	CEIP Plurilingüe A Doblada	Vigo	Pontevedra
36010083	CEIP Plurilingüe Carballal-Cabral	Vigo	Pontevedra
36015354	CEIP Plurilingüe da Carrasqueira	Vigo	Pontevedra
36015366	CEIP Plurilingüe O Pombal	Vigo	Pontevedra
36010678	CEIP Plurilingüe Paraixal	Vigo	Pontevedra
36010721	CEIP Plurilingüe Ramón y Cajal	Vigo	Pontevedra
36010472	CEIP Plurilingüe Ría de Vigo	Vigo	Pontevedra
36010071	CEIP Plurilingüe Santa Mariña	Vigo	Pontevedra
36015241	CEP Celso Emilio Ferreiro	Vigo	Pontevedra
36010711	CEP Dr. Fleming	Vigo	Pontevedra
36024586	ESAD Escola Superior de Arte Dramática de Galicia	Vigo	Pontevedra
36011798	IES Alexandre Bóveda	Vigo	Pontevedra
36014601	IES Álvaro Cunqueiro	Vigo	Pontevedra
36011567	IES Castelao	Vigo	Pontevedra
36019050	IES de Beade	Vigo	Pontevedra
36018461	IES República Oriental do Uruguai	Vigo	Pontevedra
36017430	IES Ricardo Mella	Vigo	Pontevedra
36019062	IES Rosais 2	Vigo	Pontevedra
36012183	CEIP Plurilingüe Nosa Señora da Piedade	Vila de Cruces	Pontevedra
36020386	IES Marco do Camballón	Vila de Cruces	Pontevedra
36016772	CEE de Vilagarcía de Arousa	Vilagarcía de Arousa	Pontevedra
36012407	CEIP A Lomba	Vilagarcía de Arousa	Pontevedra
36015652	CEIP O Piñeiriño	Vilagarcía de Arousa	Pontevedra
36012419	CEIP Plurilingüe Arealonga	Vilagarcía de Arousa	Pontevedra
36015263	CEIP Plurilingüe de Rubiáns	Vilagarcía de Arousa	Pontevedra
36012742	CEIP Plurilingüe de Vilaxoán	Vilagarcía de Arousa	Pontevedra
36012584	CEIP Plurilingüe Rosalía de Castro	Vilagarcía de Arousa	Pontevedra
36012471	IES Castro Alobre	Vilagarcía de Arousa	Pontevedra
36012985	CEIP Plurilingüe de Sestelo-Baión	Vilanova de Arousa	Pontevedra
36024203	IES Faro das Lúas	Vilanova de Arousa	Pontevedra

ANEXO II

Méritos	Puntos	Documentación xustificativa
1. Antigüidade: máximo 5,000 puntos. Baremación de oficio desta epígrafe, agás no caso de non ter actualizado o seu expediente persoal, caso en que deberá achegar a documentación xustificativa que se indica.
1.1. Por cada ano de servizos como persoal funcionario que supere os cinco exixidos como requisito: a fracción de mes computarase por 0,041 puntos.	0,500	Certificación ou folla de servizos expedida polo departamento territorial correspondente ou copia simple do título administrativo coas dilixencias das distintas tomas de posesión e cesamentos que tivese desde o seu nomeamento como persoal funcionario ou, se é o caso, dos correspondentes documentos de inscrición nos rexistros de persoal.
1.2. Por cada ano de servizos como persoal funcionario noutros corpos ou escalas docentes que impartan algunha das ensinanzas reguladas na Lei orgánica 2/2006, do 3 de maio, de educación: A fracción de mes computarase por 0,020 puntos.	0,250
2. Desempeño da dirección de centros públicos e outros cargos directivos e de postos na Administración educativa: máximo 5,000 puntos. Baremación de oficio desta epígrafe, agás no caso de non ter actualizado o seu expediente persoal, caso en que deberá achegar a documentación xustificativa que se indica.
2.1. Por cada ano como persoa titular da dirección dun centro que impartise algunha das ensinanzas do centro a que se opta: a fracción de mes computarase por 0,083 puntos.	1,000	Copia simple do nomeamento, coas dilixencias da toma de posesión e cesamento.
2.2. Por cada ano como persoa titular da dirección dun centro que non impartise algunha das ensinanzas do centro a que se opta: a fracción de mes computarase por 0,041 puntos.	0,500
2.3. Por cada ano como persoa titular dunha subdirección ou xefatura de servizo en postos da Administración educativa: a fracción de mes computarase por 0,041 puntos.	0,500
2.4. Por cada ano como persoa titular dunha vicedirección, subdirección, secretaría ou xefatura de estudos dun centro que impartise algunha das ensinanzas do centro a que se opta: a fracción de mes computarase por 0,041 puntos.	0,500
2.5. Por cada ano como persoa titular dunha vicedirección, subdirección, secretaría ou xefatura de estudos dun centro que non impartise algunha das ensinanzas do centro a que se opta: a fracción de mes computarase por 0,020 puntos.	0,250
2.6. Por cada ano como persoa titular da xefatura de departamento, coordinación dos equipos de normalización lingüística, coordinación de ciclo, coordinación do proxecto Abalar, asesor/a Amtega, asesor/a CIEDix, asesor/a CGIFP, coordinación de centro plurilingüe, coordinación de sección bilingüe, coordinación de auxiliares de conversa, responsable/coordinación do equipo de actividades complementarias e extraescolares, responsable/coordinación da dinamización das TIC, responsable/coordinación de biblioteca, responsable/coordinación da convivencia escolar, responsable da mellora da calidade educativa e de programas internacionais, coordinación do equipo de dinamización da lingua galega, coordinación de formación en centros de traballo, coordinación do bacharelato internacional, coordinación de emprendemento, coordinación de programas internacionais, coordinación de innovación e formación do profesorado, coordinación de biblioteca de centro integrado, coordinación de residencia, xefatura de seminario, departamento ou división de centros públicos docentes, asesoría de formación permanente, asesoría Abalar, asesoría Siega, dun centro que impartise algunha das ensinanzas do centro a que se opta: a fracción de mes computarase por 0,012 puntos.	0,150
3. Méritos académicos: máximo 1,000 punto. Baremación de oficio desta epígrafe, agás no caso de non ter actualizado o seu expediente persoal, caso en que deberá achegar a documentación xustificativa que se indica.
3.1. Por cada título de doutorado:	0,500	Copia simple do título ou certificación do pagamento dos dereitos de expedición, de acordo co previsto no Real decreto 1002/2010, do 5 de agosto (BOE do 6 de agosto).
3.2. Por cada título de licenciatura, enxeñaría ou arquitectura distinto do alegado para o ingreso no corpo, ou polo certificado-diploma de estudos avanzados:	0,300
3.3. Por cada título de grao distinto do alegado para o ingreso no corpo.	0,250
3.4. Por cada título de diplomatura universitaria ou equivalente distinto do alegado para o ingreso no corpo:	0,150
4. Cursos de formación: máximo 3,000 puntos. Baremación de oficio desta epígrafe, agás no caso de non ter actualizado o seu expediente persoal, caso en que deberá achegar a documentación xustificativa que se indica. Por cursos de formación relacionados coa función directiva organizados polas administracións educativas que estean en pleno exercicio das súas competencias en materia educativa, por institucións sen ánimo de lucro que fosen homologados ou recoñecidos polas administracións citadas con anterioridade, así como os organizados polas universidades: 0,050 puntos por cada 10 horas.
4.1. Por actividades e cursos recibidos:	Ata 2,000	Certificado dos cursos en que conste de modo expreso o número de horas de duración deles. No caso dos organizados polas institucións sen ánimo de lucro, deberá acreditarse de forma que faga fe o recoñecemento ou homologación.
4.2. Por cursos impartidos:	Ata 1,000
5. Corpo de catedráticos. Baremación de oficio desta epígrafe.
Por pertencer a un dos corpos de catedráticos regulados na Lei orgánica 2/2006, do 3 de maio, de educación:	0,500	Baremación de oficio deste mérito.
6. Proxecto de dirección.
Polo proxecto de dirección:	Ata 12,000	O orixinal deste.

Disposición complementaria única

Na valoración do proxecto de dirección aplicaranse os criterios establecidos no anexo IV.