De conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, ante a imposibilidade de notificación, por causas non imputables a esta Administración, e de acordo co establecido no punto 8 da Instrución 1/2018, do 26 de abril, relativa ás actuacións administrativas en materia de cumprimento das obrigas de xestión da biomasa vexetal e retirada de especies arbóreas, impostas pola Lei 3/2017, do 9 de abril, de prevención e defensa contra os incendios forestais, faise pública a Resolución de comunicación e requirimento definitivo para o cumprimento do deber de xestionar a biomasa na relación de parcelas con referencia catastral que se detallan, que na súa parte dispositiva establece:

Primeiro. Efectuar comunicación para lembrarlle á persoa responsable o cumprimento das obrigas incumpridas en relación coa xestión da biomasa no inmoble correspondente ao transcurso dunha faixa de protección para a xestión da biomasa e retirada de especies arbóreas prohibidas dos seguintes inmobles desta localidade:

Número de expediente	Referencia catastral	Situación	Titular catastral
604/2024	36002A231003140000AR	Lgar. de Couso-Curro (Barro, Pontevedra)	Herdeiros de Celestino Salgado González
604/2024	36002A231003110000AM	Lgar. de Couso-Curro (Barro, Pontevedra)	Herdeiros de Celestino Salgado González
604/2024	36002A231003120000AO	Lgar. de Couso-Curro (Barro, Pontevedra)	Herdeiros de Celestino Salgado González
604/2024	36002A231003140000AR	Lgar. de Couso-Curro (Barro, Pontevedra)	Herdeiros de Celestino Salgado González

Segundo. Identificar os herdeiros de Celestino Salgado González, como responsable da execución da xestión da biomasa e retirada de especies arbóreas prohibidas, por figurar como titular dos terreos no Catastro inmobiliario.

Terceiro. De acordo co Informe técnico municipal emitido o 21 de xaneiro de 2025, apreciáronse as seguintes deficiencias:

Ruinoso e con alta vexetación.

Estas deficiencias dan lugar ás seguintes obrigas incumpridas:

Obriga incumprida	Fundamento legal
Xestión da biomasa	Lei 3/2007, do 9 de abril, das distancias na xestión da biomasa

Cuarto. Fixar o prazo dun máximo de quince días naturais para que o/a responsable realice as actuacións arriba indicadas, en cumprimento do previsto no artigo 22.1 da Lei 3/2007, do 9 de abril, de prevención e defensa contra os incendios forestais de Galicia.

Quinto. Transcorrido o devandito prazo, que os servizos técnicos municipais realicen a visita de comprobación e emitan informe respecto diso para verificar a execución das actuacións materiais descritas por parte do/a interesado/a.

Sexto. Apercibir o/a responsable da execución da xestión da biomasa e retirada de especies arbóreas prohibidas de que, se non realiza as actuacións indicadas voluntariamente no prazo conferido para o efecto, o Concello efectuará, sen máis trámites, a súa execución subsidiaria.

Lembrarlle ao responsable a obriga que ten de facilitar o acceso ao suxeito que realice os traballos de execución subsidiaria, sen que sexa necesario contar co seu consentimento.

Sétimo. Determinar que, segundo a valoración técnica, a liquidación provisional dos custos a que previsiblemente dará lugar a execución subsidiaria ascende a:

Actuacións materiais	Valoración
Limpeza e roza da parcela	1.500 € + IVE

Total

1.500 € + IVE

Advírteselle que, no caso de persistir no incumprimento, tras o transcurso do prazo de quince días concedido, efectuarase a exacción do importe a que ascende a liquidación provisional.

Todo iso sen prexuízo da liquidación definitiva que proceda unha vez finalizados, de ser o caso, os traballos de execución subsidiaria.

Oitavo. Advírtese que, no caso de persistencia no incumprimento despois do transcurso do prazo de quince días outorgado, se iniciará tamén o correspondente procedemento sancionador.

Noveno. O texto íntegro da comunicación estará á disposición das persoas destinatarias da sede electrónica do Concello de Barro.

En virtude do que antecede, comunícaselle que nas referidas parcelas se incumpre o establecido no artigo 21 da Lei 3/2007. Polo tanto, dispón dun prazo máximo de 15 días naturais para o cumprimento voluntario para xestionar a biomasa na parcela citada, que se iniciará o día seguinte ao da recepción desta notificación.

Publícase o presente anuncio no Diario Oficial de Galicia (DOG) para que lle sirva de notificación á persoa interesada, para cuxo fin se lle comunica que tanto a notificación como o expediente están á súa disposición no Concello de Barro. Igualmente, poderá acceder a través da sede electrónica desta entidade.

Considerando que o artigo 22.3 da Lei 3/2007, do 9 de abril, de prevención e defensa contra os incendios forestais de Galicia, establece que, cando non se poida determinar a identidade da persoa responsable da xestión da biomasa vexetal e retirada de especies arbóreas prohibidas ou resulte infrutuosa a notificación da comunicación, se efectuará mediante un anuncio no Boletín Oficial del Estado e no Diario Oficial de Galicia dos datos catastrais da parcela.

Considerando que o artigo 22.4 da Lei 3/2007, do 9 de abril, de prevención e defensa contra os incendios forestais de Galicia, posibilítalle a este concello a execución subsidiaria no caso de incumprimento dos traballos de xestión de biomasa e para repercutirlles os custos ás persoas responsables.

Considerando que o artigo 22.6 da Lei 3/2007, do 9 de abril, de prevención e defensa contra os incendios forestais de Galicia, establece a obriga das persoas responsables de facilitarlles os accesos necesarios ás entidades responsables dos traballos de xestión da biomasa, que non requirirán de ningunha autorización para a execución subsidiaria da xestión da biomasa nas redes de faixas de xestión.

En todo caso, o cómputo dos prazos comezará a contar a partir do día seguinte ao da correspondente notificación, que neste caso coincidirá coa publicación no Boletín Oficial del Estado.

Barro, 4 de marzo de 2025

Xosé Manuel Fernández Abraldes
Alcalde