Para dar cumprimento ao disposto no artigo 44 da Lei 39/2015, do 1 de outubro, do procedemento administrativo común das administracións públicas, segundo o cal a publicación no Boletín Oficial del Estado resulta preceptiva «cando os interesados nun procedemento sexan descoñecidos, se ignore o lugar da notificación ou ben, intentada esta, non se puidese efectuar...», mediante o presente anuncio infórmanse as persoas afectadas pola expropiación da consignación do depósito previo á ocupación e da data de ocupación dos bens e dereitos afectados pola instalación eléctrica denominada Instalación de apoios C-1000/14 na LMTA SAL804 O Pazo, no concello das Neves, que figuran no anexo.

As persoas interesadas poderán solicitar o levantamento do depósito ante o Servizo de Coordinación Industrial da Dirección Territorial da Consellería de Economía e Industria en Vigo. Na solicitude deberán achegar unha copia do seu DNI e un certificado da conta bancaria que acredite que figura como titular da conta en que se ingresará o depósito.

Vigo, 18 de marzo de 2025

Beatriz López del Olmo
Directora territorial de Vigo

ANEXO

Expediente: IN407A 2024/119-4.

Entidade beneficiaria: UFD Distribución Electricidad, S.A.

Denominación da instalación: Instalación de apoios C-1000/14 na LMTA SAL804 O Pazo.

Concello: As Neves.

Predio	Referencia catastral	Persoa titular	Data da ocupación	Depósito previo
1	36034A024001890000HI	Descoñecida	17 de abril de 2025	2025/54/122