Na sesión que tuvo lugar polo Xurado Provincial o día 18.3.2025, figura o seguinte acordo:

Monte Sur Arroio Raposeiras, pertencente aos veciños do sur da parroquia de Augas Santas, no concello de Palas de Rei (expediente 74_76/2022_43).

O 4.8.2022 tivo entrada unha solicitude da dita comunidade para que se proceda á revisión do esbozo do seu monte veciñal. Durante a tramitación do procedemento presentou alegacións Rocío López López, en que expón, en síntese, que a parcela 27040A09900036 é da súa propiedade, para o que achega, entre outros documentos, nota simple do Rexistro da Propiedade de Chantada.

O 30.10.2024, o Xurado ditou a resolución pola que aprobou a revisión do esbozo do MVMC Sur Arroio Raposeiras, de acordo co informe elaborado polo Servizo de Montes do 22.10.2024, en que se recolle que a parcela catastral 27040A09900036 defire dos límites dispostos na certificación catastral, concretamente na parte leste. Este acordo foi publicado no Diario Oficial de Galicia o 12.12.2024.

O 26.12.2024 tivo entrada un recurso de reposición presentado por Rocío López López. En síntese, expón:

– O esbozo resultante do MVMC Sur Arroio Raposeiras inclúe terreos pertencentes á súa propiedade, como xa refería nas alegacións, e non se axusta ao procedemento descrito na disposición transitoria décimo terceira da Lei 7/2012, de montes de Galicia.

– Solicita a caducidade do procedemento sustentándose no artigo 21.3 da LPAC.

Examinado o recurso de reposición, o Xurado, por unanimidade, acorda desestimalo, de conformidade cos fundamentos que se recollen na correspondente resolución.

Contra esta resolución poderase interpor, no prazo de dous meses contados desde o día seguinte ao da súa notificación ou publicación no Diario Oficial de Galicia, recurso contencioso-administrativo perante o Xulgado do Contencioso-Administrativo de Lugo, de conformidade co artigo 46 da Lei 29/1998, do 13 de xullo, da xurisdición contencioso-administrativa.

Lugo, 25 de marzo de 2025

Mª Olga Iglesias Fontal
Presidenta do Xurado Provincial de Clasificación de
Montes Veciñais en Man Común de Lugo