Postos PERTE47:

6 técnicos/as de investigación sénior HPC (referencia PERTE47-25-TINV-SEN1-HPC-01_06).

1 técnico/a especialista de investigación HPC (referencia PERTE47-25-TEI-HPC).

1 técnico/a de investigación superior 1 DATA (referencia PERTE47-25-TINV-SUP1-DATA).

1 técnico/a de investigación sénior 1 COM (referencia PERTE47-25-TINV-TSEN1-COM).

1 técnico/a de investigación sénior 1 DC (referencia PERTE47-25-TINV-TSEN1-DC).

1 técnico/a superior de proxecto Promo (referencia PERTE47-25-TSUP-PROMO).

1 técnico/a coordinador/a de proxecto Xestión (referencia PERTE47-25-TCP-XESTION).

1 técnico/a especialista administración e secretaría (referencia PERTE47-25-TEI-ADMSEC).

Proxecto que se vai desenvolver: PERTE47, que ten como obxecto a realización das actualizacións do nodo CESGA dentro do Plan estratéxico 2021-2024 da ICTS distribuída RES, que aumentarán significativamente as capacidades da Rede española de supercomputación (RES) e mellorarán aínda máis a diversidade de arquitecturas e servizos relacionados.

O financiamento producirase a través do contrato ICTS-MRR-2024-10-CESGA (RES), amparado polo Real decreto 714/2024, do 23 de xullo, polo que se regula a concesión directa de diversas subvencións para o fortalecemento das capacidades, infraestruturas e equipamento de salas brancas de micro e nanofabricación e de centros de supercomputación, no marco do Plan de recuperación, transformación e resiliencia, financiado por NextGenerationEU.

Neste real decreto concédese subvención para a mellora das instalacións necesarias de computación, os sistemas de almacenamento de datos e desenvolvementos asociados á tecnoloxía cuántica. A actuación tamén forma parte do PERTE Chip, as actividades que levarán a cabo intégranse na I+D+i sobre microprocesadores de vangarda e de arquitecturas alternativas.

Modalidade contractual: contratos científico-técnicos previstos no número 3 do artigo 23.bis da Lei 14/2011, do 1 de xuño, da ciencia, a tecnoloxía e a innovación, a xornada completa, para execución de proxecto PERTE47. Aplícase o Decreto 12/2024, do 11 de xaneiro, polo que se regula a organización, a promoción e a carreira profesional do persoal de investigación de carácter laboral nos organismos de investigación da Administración da Comunidade Autónoma de Galicia.

O prazo de presentación de solicitudes, para estes postos será de dez (10) días hábiles contados desde o día seguinte ao da publicación deste anuncio no Diario Oficial de Galicia.

As bases do proceso selectivo para estas prazas están expostas na sede do CESGA (avenida de Vigo, s/n, Campus Vida, 15705 Santiago de Compostela) e na páxina web: (https://www.cesga.es/gl/transparencia-2/emprego/).

Todas as notificacións que a partir deste momento se orixinen como consecuencia destes procesos selectivos se farán públicas na páxina web do CESGA.

Santiago de Compostela, 9 de abril de 2025

Lois Orosa Nogueira
Director xerente da Fundación Pública Galega
Centro Tecnolóxico de Supercomputación de Galicia