Ao non ser posible efectuar a notificación aos titulares das referencias catastrais que se relacionan a seguir por causas non imputables a esta Administración, de conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, notifícase mediante anuncio no Boletín Oficial del Estado e no Diario Oficial de Galicia co fin de que no prazo de quince (15) días naturais, que comezará a contar desde o día seguinte ao da publicación do presente edicto no Boletín Oficial del Estado, os interesados no procedemento procedan á xestión da biomasa vexetal e de retirada de especies arbóreas prohibidas, segundo o establecido no artigo 21 da Lei 3/2007, do 9 de abril, de prevención e defensa contra os incendios forestais de Galicia.

Ponse en coñecemento da persoa responsable que o contido íntegro da citada notificación, así como da totalidade do expediente administrativo, están á disposición dos interesados para o seu exame e coñecemento nas dependencias de Urbanismo de Concello de Viveiro, das 9.00 ás 14.00 horas, os días laborables, de luns a venres.

Igualmente, poderá acceder a través da sede electrónica desta entidade a través de https://viveiro.sedeelectronica.es

Acto que se notifica: xestión da biomasa vexetal e de retirada de especies arbóreas prohibidas (expediente 4368/2024).

Referencia catastral	1864106PJ1316S0002OL
Situación	CM Barrio Puxigueira, 33, Viveiro (Lugo)
Persoa responsable/DNI/CIF	33673048J

Viveiro, 18 de marzo de 2025

María Carmen Gueimunde González
Alcaldesa