No Diario Oficial de Galicia número 30, do 13 de febreiro de 2025, publícase a Orde do 20 de decembro de 2024 pola que se establecen as bases reguladoras que rexerán as subvencións ás asociacións de nais e pais do alumnado de centros educativos de Galicia para financiar actividades de promoción da igualdade e de prevención da violencia de xénero, financiadas en desenvolvemento do Pacto de Estado contra a violencia de xénero e para o desenvolvemento das actuacións do Plan Corresponsables, e se procede á súa convocatoria para o ano 2025 (códigos de procedemento SI449B e SI436C).

A través da dita orde convócanse as subvencións destinadas ás asociacións de nais e pais de alumnado (ANPA) e ás federacións ou confederacións de ANPA dos centros educativos sustentados con fondos públicos da Comunidade Autónoma de Galicia para as seguintes liñas de actuación: a) Actividades de promoción da igualdade entre mulleres e homes e de prevención e rexeitamento da violencia contra as mulleres (SI449B) e b) Actuacións orientadas a facilitar a corresponsabilidade nas familias con menores a cargo de ata 16 anos inclusive, mediante a creación de servizos de coidado profesional e a creación de emprego de calidade no ámbito dos coidados, así como accións de formación e sensibilización en corresponsabilidade e coidados destinados ao desenvolvemento do Plan Corresponsables (SI436C).

O prazo e a forma de presentación das solicitudes están regulados no artigo 5 da Orde do 20 de decembro de 2024. Así mesmo, no artigo 6 determínase a documentación complementaria necesaria para a tramitación do procedemento.

Unha vez revisadas as solicitudes presentadas ao abeiro da dita orde no procedemento SI449B pola unidade administrativa tramitadora e encargada da instrución do procedemento, identificáronse aquelas que non reúnen a documentación necesaria, ben por non tela presentado, ben por conter erros, ou ben por non ser suficiente para a determinación do cumprimento dos requisitos exixidos, e procédese á emisión do requirimento da correspondente emenda no prazo de dez días hábiles desde a súa notificación ao abeiro do disposto no artigo 10.1.

O parágrafo segundo do dito artigo 10.1 da Orde do 20 de decembro de 2024 dispón que, por tratarse dun procedemento de concorrencia competitiva, de conformidade co establecido no artigo 45 da Lei 39/2015, do 1 de outubro, do procedemento administrativo común das administracións públicas, o requirimento de emenda das solicitudes se publicará no Diario Oficial de Galicia, a cal producirá os mesmos efectos da notificación.

Polo exposto,

RESOLVO:

1. Ordenar a publicación no Diario Oficial de Galicia do requirimento de emenda das solicitudes presentadas no procedemento SI449B ao abeiro da Orde do 20 de decembro de 2024 pola que se establecen as bases reguladoras que rexerán as subvencións ás asociacións de nais e pais do alumnado de centros educativos de Galicia para financiar actividades de promoción da igualdade e de prevención da violencia de xénero, financiadas en desenvolvemento do Pacto de Estado contra a violencia de xénero e para o desenvolvemento das actuacións do Plan Corresponsables, e se procede á súa convocatoria para o ano 2025 (códigos de procedemento SI449B e SI436C), emitidos o 14 de abril de 2025, por non estar debidamente cubertas e/ou non achegar a documentación preceptiva exixida segundo o establecido nas bases reguladoras e que figura no anexo desta resolución (anexo: requirimento de emenda de documentación-SI449B 2025).

2. Facer indicación expresa a todas as entidades solicitantes que figuran no anexo desta resolución de que son requiridas para que no prazo de dez (10) días hábiles, contados a partir do día seguinte ao da súa publicación no Diario Oficial de Galicia, emenden a falta ou acheguen os documentos preceptivos conforme se establece nesta resolución, coa advertencia de que, de non o facer, se lles terá por desistidas da súa solicitude, de acordo co previsto no artigo 20.5 da Lei 9/2007, do 13 de xuño, de subvencións de Galicia, e no artigo 68 da Lei 39/2015, do 1 de outubro, do procedemento administrativo común das administracións públicas, logo de que se dite a oportuna resolución ao abeiro do artigo 21 da dita lei.

3. Informar as persoas interesadas de que, de acordo co establecido no artigo 10 das bases reguladoras, a presentación da documentación requirida debe ser realizada electronicamente accedendo á Carpeta cidadá da persoa interesada dispoñible na sede electrónica da Xunta de Galicia.

Na sede electrónica da Xunta de Galicia están dispoñibles os modelos normalizados dos anexos relativos ao procedemento SI449B:

https://sede.xunta.gal/detalle-procedemento?codtram=SI449B&ano=2025&numpub=1&lang=gl

4. En caso de dúbida, dificultades técnicas ou necesidade de máis información durante o proceso de emenda de documentación das solicitudes, poderán dirixirse ás unidades de igualdade dos departamentos territoriais da Consellería de Política Social e Igualdade a través dos teléfonos indicados no artigo 23 da convocatoria (Lugo: 982 29 43 55), ou presencialmente.

Lugo, 15 de abril de 2025

Óscar Viñas Penelas
Director territorial de Lugo

ANEXO

Requirimento de emenda de documentación (SI449B 2025)

Asunto: requirimento de emenda de solicitudes relacionadas a continuación por non estaren debidamente cubertas e/ou non achegar a documentación preceptiva exixida segundo o establecido nas bases reguladoras.

Data do requirimento: 14 de abril de 2025.

Efectos: no prazo de dez (10) días hábiles, contados a partir do día seguinte ao da súa publicación no Diario Oficial de Galicia, cómpre emendar o erro ou achegar os documentos preceptivos que figuran na relación, coa advertencia de que, de non o facer, se lles terá por desistidas da súa solicitude, de acordo co previsto no artigo 20.5 da Lei 9/2007, do 13 de xuño, de subvencións de Galicia, e no artigo 68 da Lei 39/2015, do 1 de outubro, do procedemento administrativo común das administracións públicas, logo de que se dite a oportuna resolución ao abeiro do artigo 21 da dita lei.

Órgano instrutor: unidade de Igualdade do Departamento Territorial de Lugo da Consellería de Política Social e Igualdade.

Relación de solicitudes suxeitas a emenda de documentación:

Nº expte.	ANPA	Documentación requirida
SI449B-2025-00000001-02	Asociación de pais de alumnos/as do CEIP San Cosme	Anexo III.1 debidamente cuberto e asinado Deberase cumprir o artigo 24.1: como mínimo unha actividade de difusión estará dirixida directamente ás familias
SI449B-2025-00000005-02	Asociación ANPA CEIP O Salvador	Anexo II.1 Indicar o enderezo correcto da páxina web
SI449B-2025-00000007-02	APA CEIP Pedro Caselles Rollán	Anexo II.1 debidamente asinado
SI449B-2025-00000018-02	Federación de asociacións de pais de alumnos colexios de EXB, BUP e COU	Anexo II.1 Cubrir o número de familias
SI449B-2025-00000019-02	Asoc. de nais e pais do CEIP Plurilingüe San Miguel de Paradela	Anexo III.1 Punto 2: cubrir o número estimado de participantes
SI449B-2025-00000020-02	ANPA Colexio Aquilino Iglesia Alvariño de Abadín	Anexo II.1 debidamente cuberto e asinado Anexo III.1 debidamente cuberto e asinado Deberase cumprir o artigo 24.1: como mínimo unha actividade de difusión estará dirixida directamente ás familias
SI449B-2025-00000021-02	Asociación AFA Divino Maestro de Lugo	Anexo III.1 debidamente cuberto e asinado. Deberase cumprir o artigo 24.1: como mínimo, unha actividade de difusión estará dirixida directamente ás familias
SI449B-2025-00000022-02	ANPA CPI Poeta Uxío Novoneyra	Anexo III.1 debidamente cuberto e asinado
SI449B-2025-00000025-02	APA do Colexio dos Franciscanos de Lugo	Anexo III.1 debidamente cuberto e asinado
SI449B-2025-00000031-02	APA CPI Dr. López Suárez de Friol	Anexo III.1 Punto 2: cubrir o número de horas e número estimado de participantes
SI449B-2025-00000032-02	ANPA CEIP O Corgo	Anexo II.1 debidamente asinado
SI449B-2025-00000034-02	ANPA do CEIP Castro de Ouro de Alfoz	Anexo II.1 debidamente asinado
SI449B-2025-00000046-02	Asociación de pais e nais de alumnos do CPR de Cervantes	Anexo III.1 Punto 2: cubrir número estimado de participantes
SI449B-2025-00000047-02	ANPA Abella do CEIP Casás	Anexo III.1 debidamente cuberto e asinado Deberase cumprir o artigo 24.1: como mínimo, unha actividade de difusión estará dirixida directamente ás familias
SI449B-2025-00000049-02	ANPA Cee Infanta Elena	Anexo II.1 debidamente cuberto e asinado
SI449B-2025-00000051-02	ANPA CEIP San Miguel	Anexo III.1 Punto 2: cubrir número estimado de participantes
SI449B-2025-00000055-02	ANPA Colexio Público do Cádavo	Anexo II.1 Indicar o enderezo correcto da páxina web
SI449B-2025-00000056-02	ANPA A Lagoa do CEIP Plurilingüe de Monforte de Lemos	Anexo II.1 debidamente cuberto e asinado