De conformidade co disposto no artigo 44 da Lei 39/2015, do 1 outubro, do procedemento administrativo común das administracións públicas, as notificacións que non se puidesen efectuar faranse por medio de anuncio no Boletín Oficial del Estado (BOE), e a súa eficacia quedará condicionada á súa publicación no taboleiro de editos único (TEU) do BOE.

Intentouse a notificación por correo certificado aos titulares das empresas citadas no anexo, sen que fose posible, polo que se lles notifica por medio deste anuncio a resolución ditada nos correspondentes expedientes sancionadores.

Sen prexuízo do anterior, e en virtude do disposto no artigo 44 da Lei 39/2015, do 1 de outubro, este anuncio publícase no Diario Oficial de Galicia.

Os interesados poden comprobar o contido íntegro do expediente nas dependencias deste departamento territorial na avenida de La Habana, nº 79, 7º andar, Ourense.

Fáiselles saber ás persoas interesadas que poden formular recurso de alzada ante a Secretaría Xeral de Emprego e Relacións Laborais, no prazo dun mes, contado desde o seguinte día ao da súa publicación, de acordo co previsto nos artigos 121 e 122 da Lei 39/2015. Advírteselles que, de non interpoñelo no tempo e na forma que proceda, deberán aboar a multa imposta mediante a necesaria utilización dos impresos que poderán solicitar no Departametno Territorial da Consellería de Emprego, Comercio e Emigración de Ourense, no número de conta e na entidade bancaria e prazo que neles se sinala, xa que noutro caso se incoará o procedemento pola vía de constrinximento ante a Consellería de Facenda nos termos previstos na Orde da Consellería de Economía e Facenda, do 23 de novembro de 2001 (DOG núm. 235, do 5 de decembro).

Ourense, 28 de abril de 2025

Marta Vázquez Guzmán
Directora territorial de Ourense

ANEXO

Expediente	Acta de infracción número	NIF/CIF	Concello	Materia	Data da resolución
151/2024	I322024000035162	34977875G	Ourense	Seguridade e saúde	18.3.2025