A Presidencia de Portos de Galicia acorda, o 22 de abril de 2025, o inicio de trámite e se somete a información pública a solicitude de concesión administrativa presentada pola Confraría de Pescadores de Burela no porto de Burela con destino á ocupación de conxunto de edificios, centro de transformación e liña eléctrica de alta tensión para usos múltiples: cámaras de frío, almacén de medios mecánicos, formación náutico pesqueira, oficinas, departamentos de almacenamento de aparellos de pesca e fábrica de xeo (expediente 14-05-25-C-1), de acordo coa solicitude presentada polo concesionario.

En cumprimento do disposto no artigo 70.2 da Lei 6/2017, do 12 de decembro, de portos de Galicia, faise público este trámite, para que as persoas e entidades interesadas poidan examinar o expediente e presentar por escrito as alegacións que consideren oportunas, por vía electrónica, a través da sede electrónica da Xunta de Galicia empregando o procedemento xenérico PR004A, e preferentemente por vía electrónica se se trata dun suxeito non obrigado.

Debido a que a ocupación solicitada excede os 2.500 m2, en aplicación do artigo 68.2.c) da Lei 6/2017, de portos de Galicia, ábrese a posibilidade de que se presenten outras solicitudes en competencia cos mesmos requisitos establecidos para unha solicitude de concesión, que afecte o mesmo espazo e co mesmo ou distinto obxecto.

O prazo para presentar alegacións ou solicitudes en competencia será de vinte (20) días hábiles, contados a partir do seguinte ao da publicación deste anuncio no Diario Oficial de Galicia.

A documentación está á disposición na ruta web www.portosdegalicia.gal > Comunicacións e avisos > Procesos de información pública.

Lugo, 24 de abril 2025

Antonio López Fernández
Xefe da Zona Norte