O artigo 28 do vixente Estatuto de autonomía de Galicia establece no seu punto 2 a competencia da Comunidade Autónoma galega no desenvolvemento lexislativo e execución da lexislación do Estado en materia de expropiación forzosa.
O 11 de novembro de 2024 a Xunta de Galicia aprobou o proxecto de trazado de mellora de accesibilidade e conectividade das paraxes de autobús situadas na Rede autonómica de estradas de Galicia (RAEG) nas rutas de acceso polo suroeste á cidade de Santiago, de clave AC/22/051.06, nos concellos de Carnota, Muros, Noia, A Pobra do Caramiñal, Porto do Son, Rianxo e Ribeira, publicado no Diario Oficial de Galicia do 21 de novembro de 2024 (DOG número 225).
A aprobación definitiva do proxecto de trazado implica a declaración de utilidade pública, a necesidade de ocupación dos bens e de adquisición dos dereitos necesarios para a execución das obras, dos depósitos dos materiais sobrantes, dos préstamos necesarios para executalas e para reposición de servizos afectados, previstos no proxecto, así como para a implantación do proxecto e as modificacións deste que, se é o caso, puideren aprobarse posteriormente, e a urxencia da ocupación, todo iso para os efectos de expropiación, ocupación temporal ou imposición ou modificación de servidumes, segundo o disposto no artigo 22.5 da Lei 8/2013, do 28 de xuño, de estradas de Galicia.
A tramitación do expediente expropiatorio debe axustarse ao disposto nos artigos 52 da vixente Lei de expropiación forzosa do 16 de decembro de 1954, e 56 e seguintes do seu Regulamento do 26 de abril de 1957.
En consecuencia, este servizo, en virtude da competencia delegada mediante a Orde do 7 de setembro de 2017, sobre delegación de competencias no secretario xeral técnico e noutros órganos e entidades públicas adscritos a esta consellería, publicada no DOG número 179, do 20 de setembro, resolveu convocar os titulares de bens e dereitos afectados que figuran na relación exposta no taboleiro de anuncios dos concellos de Carnota, Muros, Noia, A Pobra do Caramiñal, Porto do Son, Rianxo e Ribeira para que comparezan no lugar, na data e nas horas que se detallan a continuación, co fin de efectuar o levantamento das actas previas á ocupación nas cales se recollerán os datos necesarios para determinar os dereitos afectados, o valor destes e os prexuízos determinantes da rápida ocupación, sen prexuízo de se trasladaren ao lugar dos predios se o consideran necesario.
Termo municipal de Carnota.
Lugar: salón de plenos do Concello de Carnota.
Data: 9 de xuño de 2025, ás 10.00 horas.
Termo municipal de Muros.
Lugar: salón de plenos do Concello de Muros.
Data: 9 de xuño de 2025, das 11.00 ás 11.30 horas.
Termo municipal de Porto do Son.
Lugar: sala de xuntas do Concello de Porto do Son.
Data: 11 de xuño de 2025, das 10.00 ás 10.30 horas.
Termo municipal de Noia.
Lugar: salón de plenos do Concello de Noia.
Data: 11 de xuño de 2025, ás 11.45 horas.
Termo municipal de Ribeira.
Lugar: praza de abastos de Ribeira, 1º andar.
Data: 12 de xuño de 2025, ás 10.00 horas.
Termo municipal da Pobra do Caramiñal.
Lugar: salón de plenos do Concello da Pobra do Caramiñal.
Data: 12 de xuño de 2025, ás 11.00 horas.
Termo municipal de Rianxo.
Lugar: salón de plenos do Concello de Rianxo.
Data: 12 de xuño de 2025, ás 12.00 horas.
A relación de titulares cos bens e dereitos afectados, así como o plano parcelario correspondente, estarán expostos nos concellos de Carnota, Muros, Noia, A Pobra do Caramiñal, Porto do Son, Rianxo e Ribeira e no Servizo Provincial da Axencia Galega de Infraestruturas da Coruña (rúa Vicente Ferrer, 2, 8º andar, 15071 A Coruña), e publicarase na seguinte ligazón da páxina web da consellería:
https://vivendaeinfraestruturas.xunta.gal/avisos?content=aviso_0367.xml
Así mesmo, realizaráselles a convocatoria ás persoas interesadas no levantamento das actas previas mediante notificación individual.
Ao dito acto deberán acudir as persoas titulares afectadas persoalmente ou ben representados pola persoa debidamente autorizada para actuar no seu nome, e xuntarán os documentos acreditativos da súa titularidade, documento nacional de identidade (e, de ser o caso, outra documentación que se requira, xustificante do pagamento do IBI...), así como certificado de conta con códigos IBAN e BIC, co fin de efectuar os sucesivos pagamentos que sexan procedentes mediante transferencia bancaria, e poderanse facer acompañar ao seu cargo, se o consideran oportuno, dos seus peritos e notarios.
Así mesmo, en cumprimento do disposto no artigo 49 do Regulamento de expropiación forzosa do 26 de abril de 1957, este servizo, unha vez levantadas as actas previas á ocupación, e habilitado o crédito oportuno, efectuará o pagamento, mediante transferencia bancaria, do importe dos depósitos previos e indemnizacións por rápida ocupación. No suposto de non ter presentado o certificado de titularidade da conta bancaria, con códigos IBAN e BIC, e a copia do DNI, consignarase o importe na Caixa Xeral de Depósitos conforme o disposto no artigo 51 do Regulamento de expropiación forzosa do 26 de abril de 1957.
En cumprimento do artigo 55 do Regulamento de expropiación forzosa do 26 de abril de 1957, neste mesmo acto convócase ao acto de formalización das actas de ocupación, o cal terá lugar, logo de producirse o aboamento dos depósitos previos e indemnizacións por rápida ocupación, no lugar e na data que se indican:
Termo municipal de Carnota.
Lugar: salón de plenos do Concello de Carnota.
Data: 15 de setembro de 2025, ás 10.00 horas.
Termo municipal de Muros.
Lugar: salón de plenos do Concello de Muros.
Data: 15 de setembro de 2025, das 11.00 ás 11.15 horas.
Termo municipal de Porto do Son.
Lugar: sala de xuntas do Concello de Porto do Son.
Data: 16 de setembro de 2025, das 10.00 ás 10.15 horas.
Termo municipal de Noia.
Lugar: salón de plenos do Concello de Noia.
Data: 16 de setembro de 2025, ás 11.30 horas.
Termo municipal de Ribeira.
Lugar: praza de Abastos de Ribeira, 1º andar.
Data: 17 de setembro de 2025, ás 10.00 horas.
Termo municipal da Pobra do Caramiñal.
Lugar: salón de plenos do Concello da Pobra do Caramiñal.
Data: 17 de setembro de 2025, ás 11.00 horas.
Termo municipal de Rianxo.
Lugar: salón de plenos do Concello de Rianxo.
Data: 17 de setembro de 2025, ás 12.00 horas.
No mesmo acto ofertaránselles ás persoas propietarias as valoracións establecidas pola Administración para cada un dos predios en concepto de mutuo acordo.
O presente acordo faise público, para xeral coñecemento, e advírteselles ás persoas titulares que na acta figurarán os donos da cousa ou titulares do dereito expropiado, e non se admitirá representación senón por medio de poder debidamente autorizado (notarial, xudicial ou do consulado), xa sexa xeral ou particular para este caso, e deberán achegar a documentación necesaria para acreditar a sucesión no caso de figurar o terreo a nome de herdeiros. Deberán identificarse co documento nacional de identidade.
A Coruña, 7 de maio de 2025
Felipe de la Vega Gándaras
Xefe do Servizo Provincial da Coruña