En cumprimento do previsto no artigo 152.8.b) do Regulamento xeral de costas, aprobado polo Real decreto 876/2014, do 10 de outubro, faise público que se está a tramitar a seguinte solicitude de autorización de vertedura:

Solicitante: Autoridad Portuaria de Ferrol-San Cibrao.

NIF: Q1567004E.

Expediente: DH.V15.108093.

Lugar: Faro de Cabo Prior-Fonte da Tella.

Parroquia: Covas.

Concello: Ferrol.

Tipo de vertedura: augas residuais fecais depuradas.

Caudal máximo anual: 160 m³/ano.

Punto de vertedura: X=555.334; Y=4.824.086.

Medio receptor: infiltración no terreo (bacía da costa da Coruña entre Cedeira e Ferrol).

Tratamento/evacuación:

As augas residuais fecais son tratadas nunha fosa séptica con filtro biolóxico deseñada para 8 habitantes equivalentes antes da súa vertedura por infiltración no terreo a través de tubo dren.

O proxecto pode consultarse na sección de participación pública do portal da internet de Augas de Galicia (https://augasdegalicia.xunta.gal) e nas oficinas de Augas de Galicia situadas na praza de Camilo Díaz Baliño, 7-9, Santiago de Compostela. Para isto, se o desexa, poderá concertar cita previa no correo electrónico tramitaciondph.augas@xunta.gal ou nos teléfonos 981 54 41 41 e 981 54 50 87.

As persoas interesadas poderán presentar alegacións durante o prazo de vinte (20) días hábiles, contados a partir do seguinte á publicación deste anuncio no Diario Oficial de Galicia, en calquera dos rexistros previstos no artigo 16.4 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 4 de abril de 2025

Leticia Valladares López
Xefa da Área de Verteduras