A aprobación da modificación da relación de postos de traballo da Presidencia da Xunta de Galicia xustifícase polos cambios introducidos na súa estrutura orgánica polo Decreto 135/2024, do 20 de maio, polo que se establece a estrutura orgánica dos órganos superiores e de dirección dependentes da Presidencia da Xunta de Galicia, modificado polo Decreto 16/2025, do 10 de marzo, así como polas razóns indicadas no punto primeiro do acordo.
Trátase dunha modificación parcial que contén cambios de diversa natureza pero, por razóns de eficacia e operatividade, estímase máis axeitada unha publicación completa e non parcial dela, de tal xeito que nesta publicación figuran postos cuxas clasificacións e características foron aprobadas polo Consello da Xunta en modificacións anteriores.
En consecuencia, consultadas as organizacións sindicais presentes na Mesa de Negociación da Comunidade Autónoma e a Comisión de Persoal, o Consello da Xunta de Galicia, na súa reunión do 12 de maio de 2025, adoptou o seguinte
ACORDO:
Primeiro. Aprobar a modificación da relación de postos de traballo da Presidencia da Xunta de Galicia nos termos que se sinalan no anexo deste acordo, como consecuencia das súas necesidades funcionais e organizativas actuais.
Segundo. Clasificar como de libre designación os postos que a seguir se relacionan, en aplicación do criterio de excepcionalidade que se indica, de conformidade co previsto na Lei 2/2015, do 29 de abril, do emprego público de Galicia, e co disposto na Resolución do 25 de febreiro de 2016, da Dirección Xeral da Función Pública, pola que se ditan instrucións para a tramitación de relacións de postos de traballo e a determinación dos criterios de excepcionalidade e funcións que definen as características que motivan a especial responsabilidade ou cualificación profesional dos postos de traballo de libre designación, de nivel 28 ou inferior, da Administración da Comunidade Autónoma de Galicia:
|
Código do posto |
Denominación |
Criterio |
|
PX.102.00.001.15770.150 |
Xefatura de servizo de Tradución e Apoio á Edición do DOG |
Especial responsabilidade por garantir a protección de datos persoais |
|
PX.102.00.001.15770.175 |
Xefatura de sección do DOG |
Especial responsabilidade por garantir a protección de datos persoais |
Terceiro. Ordenar a súa publicación no Diario Oficial de Galicia para os efectos da entrada en vigor a partir do día seguinte ao da súa publicación.
Visto o acordo adoptado polo Consello da Xunta de Galicia na súa reunión do 12 de maio de 2025, relativo á aprobación da modificación da relación de postos de traballo da Presidencia da Xunta de Galicia, coa finalidade de cumprir o dito acordo, de conformidade coa Orde da Consellería de Facenda do 8 de xaneiro de 2020, sobre delegación de competencias na Dirección Xeral da Función Pública (DOG número 16, do 24 de xaneiro), dispoño que se publique no Diario Oficial de Galicia como anexo desta resolución.
O conselleiro de Facenda e Administración Pública
P.D. (Orde do 8.1.2020; DOG núm. 16, do 24 de xaneiro)
Nuria Aguilar Vázquez
Directora xeral de Emprego Público e Administración de Persoal
