De conformidade co disposto nos artigos 44 e 46 da Lei 39/2015, do 1 de outubro, do procedemento administrativo común das administracións públicas, intentada a notificación das propostas de resolución do procedemento de reintegro da prestación económica ditada no último domicilio das persoas interesadas, sen que esta se puidese efectuar por causas non imputables á Administración, notifícaselles ás persoas citadas no anexo, ou a través da persoa que as represente, debidamente acreditada, para que no prazo de dez (10) días hábiles, contados desde o día seguinte ao da data de publicación deste anuncio no Boletín Oficial del Estado, acudan ao Servizo de Dependencia do Departamento Territorial da Consellería de Política Social e Igualdade, na rúa Concepción Arenal, núms. 7 e 9, da Coruña, das 9.00 ás 14.00 horas, de luns a venres, para ter coñecemento do contido íntegro do dito acto administrativo.

A notificación entenderase producida o día da comparecencia e, no caso de non se presentar, desde a finalización do prazo de dez (10) días hábiles indicado para comparecer.

Así mesmo, este anuncio publicarase no Diario Oficial de Galicia, ben que a notificación quedará supeditada á súa publicación no Boletín Oficial del Estado.

As propostas que se notifican outórganlles ás persoas interesadas un prazo de quince (15) días hábiles, contados a partir do día seguinte a aquel en que teña lugar a notificación, efectuada por comparecencia, para presentar as alegacións ou os documentos que consideren convenientes, así como as alternativas que procedan, de conformidade co disposto no artigo 36 do Decreto 142/2023, do 21 de setembro, polo que se regulan o procedemento para o recoñecemento da situación de dependencia e do dereito ás prestacións do Sistema para a autonomía e atención á dependencia, o procedemento para a elaboración do Programa individual de atención e a organización e funcionamento dos órganos técnicos competentes.

A Coruña, 14 de abril de 2025

María Blanco Aller
Directora territorial da Coruña

ANEXO

Procedemento BS210A

Número de expediente	DNI	Contido do acto	Data do documento
CO-105240	35954704T	Proposta de resolución de reintegro da prestación	31.1.2025
CO-78854	32281366S	Proposta de resolución de reintegro da prestación	31.1.2025
CO-80007	32844175Z	Proposta de resolución de reintegro da prestación	31.1.2025
FE-62887	32549074A	Proposta de resolución de reintegro da prestación	31.1.2025
SC-48943	35415998T	Proposta de resolución de reintegro da prestación	31.1.2025
FE-80627	32465870J	Proposta de resolución de reintegro da prestación	31.1.2025
SC-11172	76493663C	Proposta de resolución de reintegro da prestación	31.1.2025