En cumprimento do disposto no artigo 34 da Lei 8/2009, do 22 de decembro, pola que se regula o aproveitamento eólico en Galicia e se crean o canon eólico e o Fondo de Compensación Ambiental, publícase como anexo desta resolución o Acordo do Consello da Xunta de Galicia, do 7 de abril de 2025 polo que se outorga a declaración de utilidade pública, en concreto, así como a compatibilidade con diversos aproveitamentos forestais, das instalacións relativas ao proxecto do parque eólico Castro Valente, sito nos concellos da Estrada, Pontecesures e Valga (Pontevedra) e Padrón (A Coruña), promovido por Iberdrola Renovables Galicia, S.A. (IN408A/2020/066).

Santiago de Compostela, 10 de abril de 2025

Paula Uría Traba
Directora xeral de Enerxías Renovables e Cambio Climático

ANEXO

Acordo do Consello da Xunta de Galicia do 7 de abril de 2025 polo que se outorga a declaración de utilidade pública, en concreto, así como a compatibilidade con diversos aproveitamentos forestais, das instalacións relativas ao proxecto do parque eólico Castro Valente, sito nos concellos da Estrada, Pontecesures e Valga (Pontevedra) e Padrón (A Coruña), promovido por Iberdrola Renovables Galicia, S.A. (IN408A/2020/066)

Unha vez examinado o expediente iniciado por solicitude de Iberdrola Renovables Galicia, S.A. en relación coa declaración de utilidade pública, así como a compatibilidade con diversos aproveitamentos forestais do parque eólico Castro Valente, constan os seguintes

Antecedentes de feito:

Primeiro. Mediante a Resolución do 23 de abril de 2023, da Dirección Xeral de Planificación Enerxética e Recursos Naturais, outorgáronse autorización administrativa previa e autorización administrativa de construción das instalacións relativas ao proxecto do parque eólico Castro Valente, sito nos concellos da Estrada, Pontecesures e Valga (Pontevedra) e Padrón (A Coruña), promovido por Iberdrola Renovables Galicia, S.A. (IN408A/2020/066).

Segundo. O 31 de agosto de 2023, Iberdrola Renovables Galicia, S.A. solicitou a declaración de utilidade pública do parque eólico Castro Valente, coa correspondente relación concreta e individualizada dos bens e dereitos afectados, para dar cumprimento ao establecido no artigo 44.4 da Lei 8/2009, do 22 de decembro.

Terceiro. Mediante a Resolución do 18 de setembro de 2023, da Dirección Xeral de Planificación Enerxética e Recursos Naturais, someteuse a información pública a solicitude de declaración de utilidade pública, en concreto, e a necesidade de urxente ocupación que iso implica, do proxecto do parque eólico Castro Valente, sito nos concellos da Estrada, Pontecesures e Valga (Pontevedra) e Padrón (A Coruña), promovido por Iberdrola Renovables Galicia, S.A. (IN408A/2020/066).

A dita resolución publicouse no Diario Oficial de Galicia número 198, do 18 de outubro de 2023, e nos xornais Diario de Pontevedra e La Voz de Galicia do 18 de outubro de 2023. Así mesmo, remitiuse para a exposición ao público nos taboleiros de anuncios dos concellos afectados (A Estrada, Pontecesures, Valga e Padrón) e permaneceu exposta ao público nas dependencias da Consellería de Economía, Industria e Innovación das xefaturas territoriais de Pontevedra e da Coruña, que emitiron os correspondentes certificados de exposición pública.

Así mesmo, a dita resolución estivo exposta no portal web da Consellería de Economía, Industria e Innovación.

Durante o trámite de información pública, así como durante a tramitación do expediente, presentáronse alegacións, as cales foron remitidas e contestadas pola promotora.

Cuarto. O 16 de outubro de 2023, o Servizo de Propiedade Forestal remitiulle a esta dirección xeral informes, do 27 de setembro de 2023 do Servizo de Montes da Coruña e do 4 de outubro de 2023 do Servizo de Montes de Pontevedra, de aproveitamentos de masas forestais no marco do establecido no artigo 45 da Lei 8/2009, do 22 de decembro, pola que se regula o aproveitamento eólico en Galicia e se crean o canon eólico e o Fondo de Compensación Ambiental, en que se indicaba que o proxecto afecta as seguintes comunidades de montes veciñais en man común:

• A CMVMC de San Miguel de Barcala (monte Castro Valente e outros).

• A CMVMC de Grobas e Fenteira (monte Grobas e Fenteira).

• A CMVMC de Bandín (monte Castro Valente).

• A CMVMC de Morono (monte Aldea de Morono).

• A CMVMC de Confurco (monte Castro Valente e Barreiras).

Quinto. O 20 de outubro de 2023 a Xefatura Territorial da Consellería de Economía, Industria e Innovación da Coruña emitiu un informe en que indicaba que «a poligonal do parque eólico Castro Valente non se encontra afectada por ningún tipo de dereito mineiro vixente ou solicitado».

Sexto. O 24 de outubro de 2023, a Dirección Xeral de Planificación Enerxética e Recursos Naturais efectuou o trámite de audiencia previsto no artigo 45.3 da Lei 8/2009, do 22 de decembro, cos titulares dos montes veciñais en man común afectados (San Miguel de Barcala, Grobas e Fenteira, Bandín, Morono e Confurco), de acordo cos informes dos servizos de Montes de Pontevedra e A Coruña recollidos no antecedente de feito cuarto, e concedeulles un prazo de quince días para presentar as alegacións que considerasen oportunas. Durante o dito prazo, con datas do 7 e 30 de novembro de 2023, a CMVMC de San Miguel de Barcala e a CMVMC de Castro Valente (aldea de Bandín) presentaron, respectivamente, escritos de alegacións durante o trámite de información pública da declaración de utilidade pública. Con datas do 15 de novembro e 22 de decembro de 2023 Iberdrola Renovables Galicia, S.A. contestou os anteditos escritos de alegacións. O resto das comunidades de montes veciñais en man común afectadas non presentou ningunha alegación.

Sétimo. O 21 de decembro de 2023 a Xefatura Territorial da Consellería de Economía, Industria e Innovación de Pontevedra emitiu un informe en que indicaba que «non constan dereitos mineiros vixentes tramitados nesta xefatura territorial e afectados pola infraestrutura proxectada».

Oitavo. O 25 de xaneiro de 2024 o Servizo da Propiedade Forestal remitiulle a esta dirección xeral informes sobre a compatibilidade ou incompatibilidade dos aproveitamentos forestais afectados elaborados polos servizos de Montes das provincias de Pontevedra e da Coruña con datas do 15.1.2024 e 19.1.2024, respectivamente.

No informe do Servizo de Montes de Pontevedra indícase que «segundo o Rexistro de Montes Veciñais en Man Común da Provincia de Pontevedra, as instalacións proxectadas ocuparán terreos da CMVMC de San Miguel de Barcala (no concello da Estrada) e a súa poligonal, a CMVMC de Grobas e Fenteira (no concello de Pontecesures) e a CMVMC de Valga (no concello de Valga)» e conclúe indicando: «Así, atendendo a todo o anteriormente exposto e revisada a documentación achegada do proxecto técnico administrativo construtivo modificado do parque eólico Castro Valente, con base no cumprimento do número 4 do artigo 45 da Lei 8/2009, do 22 de decembro, pola que se regula o aproveitamento eólico en Galicia, informo sobre a compatibilidade do aproveitamento afectado coa actuación proposta, salvo nas zonas de pleno dominio e servidume coas súas correspondentes faixas de xestión da biomasa, sen prexuízo doutros informes preceptivos, e sempre que se cumpra o establecido na Lei 7/2012, do 28 de xuño, de montes de Galicia, no cumprimento das distancias de plantación, así como a Lei 3/2007, do 9 de abril, de prevención e defensa contra incendios de Galicia, sobre as distancias de protección previstas para manter as faixas exixidas».

No informe do Servizo de Montes da Coruña indícase que «Polo exposto anteriormente e en cumprimento do artigo 53 da Lei 9/2021, do 25 de febreiro, de simplificación administrativa e de apoio á reactivación económica de Galicia, e do disposto no artigo 45.4 da Lei 8/2009, do 22 decembro, pola que se regula o aproveitamento eólico en Galicia e se crean o canon eólico e o Fondo de Compensación Ambiental, emítese informe favorable sobre a compatibilidade dos aproveitamentos forestais nos montes veciñais en man común (1) Castro Valente, (2) Aldea de Morono e (3) Castro Valente e Barreiras».

Noveno. O 29 de xaneiro de 2024 o Servizo de Montes de Pontevedra, tras o requirimento de aclaración desta dirección xeral do 25 de xaneiro de 2024, emitiu un informe complementario ao informe emitido o 4 de outubro de 2023 de aproveitamentos forestais en que se indica que a CMVMC de Valga (Monte Albor Norte) está afectada pola poligonal do proxecto do parque eólico Castro Valente.

O 31 de xaneiro de 2024, a CMVMC de Valga recibiu a notificación relativa ao trámite de audiencia e non presentou ningunha alegación durante o citado prazo de 15 días.

Décimo. O 7 de febreiro de 2024 a Dirección Xeral de Planificación Enerxética e Recursos Naturais recibiu do Servizo de Enerxía e Minas da Xefatura Territorial da Coruña un informe en relación co artigo 161 do Real decreto 1955/2000, do 1 de decembro, no cal conclúe o seguinte: «Non se atoparon limitacións á constitución de servidume, polo que desde ese punto de vista se emitirá informe favorable sobre a declaración de utilidade pública».

Décimo primeiro. O 19 de marzo de 2024 o Servizo da Propiedade Forestal remitiulle a esta dirección xeral un novo informe sobre a compatibilidade ou incompatibilidade dos aproveitamentos forestais afectados elaborado polo Servizo de Montes da provincia de Pontevedra con data do 5 de marzo de 2024.

No informe do Servizo de Montes de Pontevedra indícase: «Atendendo ao anteriormente exposto, entendendo que o proxecto remitido é o de construción definitivo e ao non haber ademais novas alegacións por parte da CMVMC afectada pola poligonal do parque, o Servizo de Montes ratifícase no anterior informe de compatibilidade co aproveitamento forestal emitido con data do 15.1.2024 (ref. C03,03370)».

Décimo segundo. No marco do procedemento PO 7303/2023, interposto pola Asociación Ambiental e Cultural Petón do Lobo, e do PO 7333/2023, interposto pola Asociación Ecoloxistas en Acción Galiza, contra a Resolución do 23 de abril de 2023, da Dirección Xeral de Planificación Enerxética e Recursos Naturais, pola que se outorgaron autorización administrativa previa e autorización administrativa de construción das instalacións relativas ao proxecto do parque eólico Castro Valente, sito nos concellos da Estrada, Pontecesures e Valga (Pontevedra) e Padrón (A Coruña), promovido por Iberdrola Renovables Galicia, S.A. (IN408A/2020/066), o Tribunal Superior de Xustiza da Galicia ditou o autos número 00109/2024, do 12 de abril de 2024, e número 00293/2024, do 27 de novembro de 2024, en que acorda a suspensión cautelar da resolución impugnada.

En concreto, o Auto do TSXG número 00109/2024, do 12 de abril de 2024,

RESOLVE:

«1º. Adoptar a medida cautelar de suspensión da eficacia do acto impugnado neste asunto, solicitada pola Asociación Ecoloxista Petón do Lobo con respecto á Resolución do 23.4.2023, da Dirección Xeral de Planificación Enerxética e Recursos Naturais, pola que se outorga autorización administrativa previa e autorización administrativa de construción das instalacións relativas ao proxecto de parque eólico Castro Valente, situado nos concellos da Estrada, Pontecesures e Valga (Pontevedra) e Padrón (A Coruña), promovido por Iberdrola Renovables Galicia, S.A. (expediente IN408A 2020/066/004) (DOG nº 117, do 21 de xuño».

Así mesmo, o Auto do TSXG número 00293/2024, do 27 de novembro, resolve o seguinte:

«1º. Adoptar, sen imposición de caución, a medida cautelar de suspensión da eficacia do acto impugnado, solicitada pola Asociación Ecoloxistas en Acción Galiza con respecto á resolución do 23.4.2023, da Dirección Xeral de Planificación Enerxética e Recursos Naturais, pola que se outorga autorización administrativa previa e autorización administrativa de construción das instalacións relativas ao proxecto de parque eólico Castro Valente, situado nos concellos da Estrada, Pontecesures e Valga (Pontevedra) e Padrón (A Coruña), promovido por Iberdrola Renovables Galicia, S.A. (expediente IN408A 2020/066/004) (DOG nº 117, do 21 de xuño)».

Décimo terceiro. O 19 de febreiro de 2025 a Asesoría Xurídica emitiu un informe sobre a posibilidade de tramitar a declaración de utilidade pública dos proxectos de parque eólico (e/ou, de ser o caso, das súas infraestruturas de evacuación) que, aínda que non contan con autorización administrativa previa e de construción, estean afectados por suspensión cautelar acordada polo TSXG no marco dun recurso contencioso-administrativo.

Décimo cuarto. O 3 de marzo de 2025 Iberdrola Renovables Galicia, S.A., tras o requirimento da Dirección Xeral de Enerxías Renovables e Cambio Climático, achegou a relación concreta e individualizada dos bens e dereitos afectados, así como a declaración responsable dos acordos cos propietarios das parcelas afectadas actualizadas como consecuencia do trámite de información pública.

Décimo quinto. O 25 de marzo de 2025 o Departamento Territorial de Pontevedra da Consellería de Medio Ambiente e Cambio Climático emitiu un informe en relación co artigo 161 do Real decreto 1955/2000, do 1 de decembro, no cal conclúe o seguinte: «O persoal técnico deste departamento territorial percorreu a traza proxectada da rede subterránea indicada, segundo o descrito nos documentos mencionados anteriormente que constitúen o proxecto presentado a trámite. Na observación permitida polas condicións orográficas, de vexetación e de accesibilidade, comprobouse sobre o terreo, salvo erro ou omisión involuntario ou mellor criterio técnico, que nos predios obxecto do expediente expropiatorio que resultaron afectadas non se dá ningunha das limitacións á constitución de servidume de paso a que se refire o número 1 do artigo 161 do Real decreto 1955/2000, do 1 de decembro».

Aos antecedentes de feito descritos sonlles de aplicación os seguintes

Fundamentos de dereito:

Primeiro. O Consello da Xunta de Galicia é competente para resolver este procedemento con fundamento no Estatuto de autonomía de Galicia e na Lei 8/2009, do 22 de decembro, pola que se regula o aproveitamento eólico en Galicia e se crean o canon eólico e o Fondo de Compensación Ambiental.

Segundo. No expediente instruído para o efecto cumpríronse os trámites de procedemento establecidos na Lei 24/2013, do 26 de decembro, do sector eléctrico; no Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica; na Lei 8/2009, do 22 de decembro, pola que se regula o aproveitamento eólico en Galicia e se crean o canon eólico e o Fondo de Compensación Ambiental; na Lei 39/2015, do 1 de outubro, do procedemento administrativo común das administracións públicas, e nas demais normas vixentes de aplicación.

Terceiro. O Informe do 19 de febreiro de 2025 da Asesoría Xurídica sobre a posibilidade de tramitar a declaración de utilidade pública dos proxectos de parque eólico (e/ou, de ser o caso, das súas infraestruturas de evacuación) que, aínda que contan con autorización administrativa previa e de construción, estean afectados por suspensión cautelar acordada polo TSXG no marco dun recurso contencioso-administrativo, conclúe:

«5. O feito de que a solicitude de declaración de utilidade pública poida presentarse e tramitarse simultaneamente coa solicitude de autorización administrativa previa e/ou de construción (artigos 143.2 do RD 1955/2000 e 44.2 da Lei 8/2009) pon de manifesto que non é necesario que as ditas autorizacións estean aprobadas para poder tramitar a solicitude e, en consecuencia, que a medida cautelar de suspensión acordada respecto das autorizacións administrativa previa e de construción non é un obstáculo para tramitar as solicitudes de declaración de utilidade pública correspondentes aos parques eólicos coas autorizacións suspendidas cautelarmente. Isto é, na medida en que non é necesario que a autorización administrativa previa e a de construción estean aprobadas para solicitar e tramitar a declaración de utilidade pública, a suspensión cautelar destas autorizacións non impide tramitar as solicitudes de utilidade pública a que se refire a petición de informe e, en particular, realizar os seguintes trámites destacados na consulta formulada:

• Realización da información pública.

• Notificación aos afectados por cambios nos proxectos despois da información pública da relación de bens e dereitos

• Petición de certificados de aproveitamentos forestais e mineiros afectados.

• Apertura do trámite de audiencia, de ser o caso.

• Emisión de informes de compatibilidade cos dereitos afectados (minas e montes).

• Emisión de informes de servidumes.

6. En todos os casos a que se refire á consulta o proxecto executivo está aprobado, o que permite dispor da relación de bens e dereitos afectados pola expropiación (a diferenza do que sucedeu, por exemplo, no suposto analizado na STS 22.03.2010, Sala Terceira, do Contencioso-Administrativo, Sección 3ª, Rec. 513/2007, RX\2010\4447, FX 4º: “Se por calquera destas circunstancias non se aproba o proxecto de execución, ou a localización da instalación se modifica para evitar os óbices urbanísticos, a declaración de utilidade pública e as actuacións expropiatorias derivadas dela resultarían carentes de base firme e poderían ocasionar prexuízos innecesarios a algúns titulares de bens ou dereitos como a empresa recorrente”). Os efectos suspensivos da medida cautelar que afecta a autorización administrativa de construción non inhabilitan o alcance do proxecto executivo nin o privan do seu valor para identificar os bens e dereitos concretamente afectados pola instalación de enerxía eléctrica, motivo polo que é perfectamente posible declarar a utilidade pública solicitada polo órgano competente (ben a Dirección Xeral de Enerxías Renovables e Cambio Climático, ben o Consello da Xunta nos supostos previstos no artigo 44.5 da Lei 8/2009, supostos de compatibilidade ou prevalencia cando as autorizacións ou títulos habilitantes para os aproveitamentos sexan competencia de más de una consellería) e efectuar a súa notificación e publicación, de acordo co legalmente exixido.

7. Ben que a suspensión cautelar da autorización administrativa previa e de construción non impide tramitar e declarar a utilidade pública en concreto (ao tratarse de procedementos autónomos e tendo en conta o concreto alcance da medida cautelar de suspensión acordada), o certo é que non resulta razoable continuar a tramitación do procedemento expropiatorio (privando os propietarios da súa posesión coa ocupación do ben ou dereito expropiado) cando a promotora non pode executar o proxecto por razón da medida cautelar. A esta imposibilidade material de executar o proxecto pola promotora súmase a incerteza propia da pendencia do procedemento administrativo que pesa sobre as autorizacións administrativa previa e de construción, indispensables para a posta en funcionamento da instalación de enerxía eléctrica. Atendendo a estas circunstancias e co obxectivo de non ocasionar prexuízos innecesarios aos titulares de bens e dereitos afectados pola declaración de utilidade pública (STS do 25.2.2016 e STS do 22.3.2010, antes citadas), procede (como xa se propón na petición de informe) suspender o prazo para resolver o procedemento e notificar a resolución do procedemento expropiatorio ata o levantamento da medida cautelar de suspensión (véxase ao respecto o artigo 132 da LXCA), aplicando o previsto no artigo 22, número 1, letra g), da Lei 39/2015, do 15 de outubro, de réxime xurídico das administracións públicas e do procedemento administrativo común».

En consecuencia, tal e como se xustifica no Informe da Asesoría Xurídica do 19 de febreiro de 2025, a suspensión cautelar da Resolución do 23 de abril de 2023, da Dirección Xeral de Planificación Enerxética e Recursos Naturais, pola que se outorgaron autorización administrativa previa e autorización administrativa de construción das instalacións relativas ao proxecto do parque eólico Castro Valente, identificada no antecedente de feito primeiro, acordada polos Autos do TSXG número 00109/2024, do 12 de abril, e número 00293/2024, do 27 de novembro, non impide tramitar a solicitude de declaración de utilidade pública para o parque eólico Castro Valente, presentada o 31 de agosto de 2023 pola promotora, Iberdrola Renovables Galicia, S.A., xunto coa correspondente relación concreta e individualizada dos bens e dereitos afectados, de acordo co exixido no artigo 44.3 da Lei 8/2009, do 22 de decembro (antecedente de feito segundo).

Cuarto. De acordo co artigo 56.1 da Lei 24/2013, do 26 de decembro, do sector eléctrico, e o artigo 44 da Lei 8/2009, do 22 de decembro, a declaración de utilidade pública leva implícita, en todo caso, a necesidade de ocupación dos bens ou de adquisición dos dereitos afectados, e implica a urxente ocupación para os efectos do artigo 52 da Lei do 16 de decembro de 1954 sobre expropiación forzosa.

Agora ben, o levantamento da medida cautelar de suspensión acordada polos Autos do TSXG número 00109/2024, do 12 de abril, e número 00293/2024, do 27 de novembro, ben mediante unha decisión expresa referida á dita medida cautelar de suspensión ou ben mediante unha sentenza firme que poña fin aos procedementos ordinarios que se seguen contra a Resolución do 23 de abril de 2023, da Dirección Xeral de Planificación Enerxética e Recursos Naturais, pola que se outorgaron autorización administrativa previa e autorización administrativa de construción das instalacións relativas ao proxecto do parque eólico Castro Valente, resulta indispensable para poder continuar coa tramitación do procedemento expropiatorio con todas as garantías para os afectados por el, de xeito que non se lles ocasionen prexuízos innecesarios, tendo en conta que a situación de incerteza que pesa sobre as autorizacións administrativa previa e de construción pola pendencia dos procedementos contencioso-administrativos PO 7303/2023 e PO 7333/2023 se ve agravada singularmente pola medida cautelar que lle impide á promotora executar o proxecto neste momento.

En consecuencia, atendendo a estas circunstancias e, singularmente, á suspensión cautelar acordada polos Autos do TSXG número 00109/2024, do 12 de abril, e número 00293/2024, do 27 de novembro, procede suspender o prazo para resolver e para notificar a resolución deste procedemento expropiatorio de acordo co artigo 22, número 1, letra g), da Lei 39/2015, do 15 de outubro, de réxime xurídico das administracións públicas e do procedemento administrativo común.

En canto á duración desta suspensión, de acordo co artigo 22.1, letra g), da Lei 39/2015, en relación co artigo 132 da Lei 29/1998, do 13 de xullo, reguladora da xurisdición contencioso-administrativa, non procede dirixirlle solicitude ningunha ao órgano xurisdicional de acordo co artigo 132 en relación co artigo 130 da Lei 29/1998, e iníciase a presente suspensión desde o momento en que así se declare. Polo demais, a suspensión debe estenderse, atendendo a cal é o pronunciamento xurisdicional que resulta indispensable para a continuación do procedemento, ata que, de acordo co artigo 22.1, letra g), da Lei 39/2015 en relación co artigo 132 Lei 29/1998, esta Administración teña constancia da emisión do pronunciamento polo que se acorde o levantamento da medida cautelar de suspensión (suposto en que a actuación impugnada recuperará a súa executividade) ou ben, na súa falta, cando esta Administración teña constancia da emisión da sentenza firme pola que se resolvan os procedementos PO 7303/2023 e PO 7333/2023.

Quinto. En relación coas alegacións presentadas durante a tramitación do expediente de declaración de utilidade pública, visto o seu contido e as respostas efectuadas pola promotora, cómpre manifestar o seguinte:

1. No caso de alegacións e escritos de oposición presentados respecto da declaración de impacto ambiental do 25 de novembro de 2022, inadmítense ao non formar parte da tramitación deste procedemento a dita declaración de impacto ambiental.

Téñase en conta que a declaración de impacto ambiental do 25 de novembro de 2022 se emitiu no marco do procedemento substantivo correspondente á Resolución do 23 de abril de 2023, da Dirección Xeral de Planificación Enerxética e Recursos Naturais, pola que se outorgaron a autorización administrativa previa e a autorización administrativa de construción das instalacións relativas ao proxecto do parque eólico Castro Valente, sito nos concellos da Estrada, Pontecesures e Valga (Pontevedra) e Padrón (A Coruña), promovido por Iberdrola Renovables Galicia, S.A. (IN408A/2020/066).

2. No caso de alegacións relativas á titularidade e características dos bens e dereitos afectados, tomouse razón de todas as manifestacións e documentos presentados polas persoas interesadas. Non obstante, corresponde á fase de levantamento de actas previas a determinación efectiva da titularidade dos bens e dereitos afectados e das súas características (localización, extensión, tipo de aproveitamento...), así como das afeccións reais do proxecto sobre eles.

Con respecto ás ofertas económicas realizadas pola promotora, ata a finalización do procedemento expropiatorio esta poderá chegar a acordos cos titulares afectados. No caso de non chegar a un acordo amigable, será o Xurado de Expropiación de Galicia o que estableza o prezo xusto dos bens afectados.

Sexto. No que respecta á compatibilidade do parque eólico cos montes afectados, e de acordo co establecido no artigo 45.4 da Lei 8/2009, do 22 de decembro, finalizado o trámite de audiencia coas CMVMC de San Miguel de Barcala, Grobas e Fenteira, Bandín, Morono, Confurco e Valga, o 25 de xaneiro de 2024 e o 19 de marzo de 2024 o Servizo de Propiedade Forestal remitiulle á Dirección Xeral de Planificación Enerxética e Recursos Naturais informes dos servizos de Montes das xefaturas territoriais da Coruña, do 19 de xaneiro de 2024, e de Pontevedra, do 15 de xaneiro de 2025 e do 5 de marzo de 2024, que, respectivamente, se transcriben a continuación:

«Polo exposto anteriormente e en cumprimento do artigo 53 da Lei 9/2021, do 25 de febreiro, de simplificación administrativa e de apoio a reactivación económica de Galicia, e do disposto no artigo 45.4 da Lei 8/2009, do 22 decembro, pola que se regula o aproveitamento eólico en Galicia e se crean o canon eólico e o Fondo de Compensación Ambiental, emítese informe favorable sobre a compatibilidade dos aproveitamentos forestais nos montes veciñais en man común (1) Castro Valente, (2) Aldea de Morono e (3) Castrovalente e Barreiras».

«Así, atendendo a todo o anteriormente exposto e revisada a documentación achegada do proxecto técnico administrativo construtivo modificado do parque eólico Castro Valente, con base no cumprimento do número 4 do artigo 45 da Lei 8/2009, do 22 de decembro pola que se regula o aproveitamento eólico en Galicia, informo sobre a compatibilidade do aproveitamento afectado coa actuación proposta, salvo nas zonas de pleno dominio e servidume coas súas correspondentes faixas de xestión da biomasa, sen prexuízo doutros informes preceptivos e sempre que se cumpra o establecido na Lei 7/2012, do 28 de xuño, de montes de Galicia, no cumprimento das distancias de plantación, así como a Lei 3/2007, do 9 de abril de prevención e defensa contra incendios de Galicia, sobre as distancias de protección previstas para manter as faixas exixidas».

«Atendendo ao anteriormente exposto, entendendo que o proxecto remitido é o de construción definitivo e ao non haber ademais novas alegacións por parte da CMVMC afectada pola poligonal do parque, o Servizo de Montes ratifícase no anterior informe de compatibilidade co aproveitamento forestal emitido con data do 15.1.2024 (ref. C03,03370)».

De acordo co exposto, e no exercicio das competencias que ten atribuídas, proponse que o Consello da Xunta de Galicia adopte o seguinte

ACORDO:

Primeiro. Declarar a utilidade pública, en concreto, das instalacións do proxecto do parque eólico Castro Valente, segundo o previsto nos artigos 54 e 56 da Lei 24/2013, do 26 de decembro, do sector eléctrico, o que leva implícita a necesidade de ocupación dos bens ou de adquisición dos dereitos afectados e implica a urxente ocupación para os efectos do artigo 52 da Lei de expropiación forzosa do 16 de decembro de 1954 (BOE número 351, do 17 de decembro) en relación coas parcelas recollidas no anexo I deste acordo.

Segundo. Suspender, de acordo co artigo 22.1, letra g), da Lei 39/2015, do 1 de outubro, do procedemento administrativo común das administracións públicas, o prazo para resolver e notificar a resolución do procedemento expropiatorio previsto no artigo 52 da Lei de expropiación forzosa en relación co artigo 56 da Lei 24/2013, do 26 de decembro, do sector eléctrico, e o artigo 44.5 da Lei 8/2009 do 22 de decembro.

Esta suspensión, de acordo co artigo 22 da Lei 39/2015, estenderase, atendendo a cal é o pronunciamento xurisdicional que resulta indispensable para a continuación do procedemento, ata que, de acordo co artigo 22.1, letra g), da Lei 39/2015, en relación co artigo 132 Lei 29/1998, esta Administración teña constancia da emisión do pronunciamento polo que se acorde o levantamento da medida cautelar de suspensión acordada polos autos do TSXG número 00109/2024, do 12 de abril, e número 00293/2024, do 27 de novembro (suposto en que a actuación impugnada recuperará a súa executividade), ou ben, na súa falta, cando esta Administración teña constancia da emisión da sentenza firme pola que se resolvan os procedementos PO 7303/2023 e PO 7333/2023.

Terceiro. Declarar a compatibilidade do parque eólico cos montes veciñais en man común afectados: San Miguel de Barcala (Monte Castro Valente e outros), Grobas e Fenteira (Monte Grobas e Fenteira), Bandín (Monte Castro Valente), Morono (Monte Aldea de Morono), Confurco (Monte Castro Valente e Barreiras) e Valga (Monte Albor Norte).

A presente autorización axustarase ao cumprimento da seguinte condición:

1. Deberase cumprir co condicionado recollido no Informe do 19 de xaneiro de 2024 emitido polo Servizo de Montes da Xefatura Territorial da Coruña e nos informes do 15 de xaneiro de 2024 e do 5 de marzo de 2024 emitidos polo Servizo de Montes da Xefatura Territorial de Pontevedra mencionados nos antecedentes de feito oitavo e décimo primeiro.

Cuarto. Este acordo publicarase no Diario Oficial de Galicia de acordo co establecido no artigo 34.3 da Lei 8/2009, do 22 de decembro.

Contra este acto, que pon fin á vía administrativa, poderase interpor recurso potestativo de reposición no prazo dun mes, contado desde o día seguinte ao da súa notificación, de acordo co disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, ou ben directamente recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia no prazo de dous meses, contados desde o día seguinte ao da notificación deste acordo, de conformidade co establecido nos artigos 10, 14 e 46.1 da Lei 29/1998, do 13 de xullo, reguladora da xurisdición contencioso-administrativa, sen prexuízo de que as persoas interesadas poidan interpor calquera outro recurso que consideren pertinente.

ANEXO I

Relación de bens e dereitos afectados polo parque eólico Castro Valente (IN408A/2020/066), sito nos concellos da Estrada, Pontecesures e Valga (Pontevedra) e Padrón (A Coruña)

Datos catastrais						Titulares		Afeccións (m2)
								Pleno dominio				Servidume			Ocupación temporal
Nº	Pol.	Parc.	Ref. cat. completa	Cultivo	Lugar	Nome	Apelidos	Nº de aerox.	Cim.	Plat.	Subest.	Vía	Gabia	Voo	OT
Concello da Estrada (Pontevedra)
2	69	291	36017A069002910000KG	Eucaliptal	Pé de Laíño	Ramón	Chenlo Couselo		0	0	0	269	0	0	70
6	68	65	36017A068000650000KM	Matogueira	Pé de Laíño	Carmen	Chenlo Couselo		0	0	0	145	0	0	79
7	68	60001	36017A068600010000KE	Piñeiral madeirable	Chan do Picoto	Descoñecido		SET	0	1.071	522	2.446	157	925	558
11	68	61	36017A068000610000KP	Matogueira	Pé de Laíño	Felipe (herdeiros de)	Duro Tanoira		0	0	0	45	0	0	108
12	68	53	36017A068000530000KA	Matogueira	Picoto	Carmen	Tanoira Tanoira	SET	0	0	43	0	0	0	20
13	68	52	36017A068000520000KW	Matogueira	Picoto	Dorinda	Tanoira Laseiras	SET	0	0	327	0	0	0	33
14	68	51	36017A068000510000KH	Matogueira	Picoto	Carmen	Tanoira Tanoira (usufrutuaria)	SET	0	0	758	0	0	0	35
14	68	51	36017A068000510000KH	Matogueira	Picoto	Jorge Alberto	Duro Varela
15	68	50	36017A068000500000KU	Matogueira	Picoto	Antonio	Pazos Bandin	SET	0	0	1.278	0	0	0	47
15	68	50	36017A068000500000KU	Matogueira	Picoto	Ignacio	Pazos Bandin
15	68	50	36017A068000500000KU	Matogueira	Picoto	José	Pazos Bandin
16	68	49	36017A068000490000KW	Matogueira	Picoto	Jesús Manuel	Tanoira Otero	SET	0	0	3.169	0	0	0	84
17	68	46	36017A068000460000KZ	Matogueira	Picoto	José	Conde Duro	SET	0	0	7	0	0	0	15
18	68	47	36017A068000470000KU	Matogueira	Picoto	Santiago	Gasamanes Buceta	SET	0	0	660	0	0	0	20
19	68	48	36017A068000480000KH	Matogueira	Picoto	Francisco (herdeiros de)	Abalo Magan	SET	0	0	396	0	0	0	33
20	68	45	36017A068000450000KS	Matogueira	Picoto	Juan	Ortigueira Laseiras (usufrutuario)	SET	0	0	851	179	0	0	105
20	68	45	36017A068000450000KS	Matogueira	Picoto	María Nieves	Ortigueira Trasande
21	68	44	36017A068000440000KE	Matogueira	Picoto	Avelina (herdeiros de)	Bandin Buela	SET	0	0	996	788	179	0	225
22	68	43	36017A068000430000KJ	Matogueira	Picoto	Albino	Duro Caeiro	SET	0	0	89	129	85	0	288
22	68	43	36017A068000430000KJ	Matogueira	Picoto	María del Sol	Santos Bello
26	68	38	36017A068000380000KX	Matogueira	Chan do Picoto	Isabel	Duro Romero		0	0	0	184	0	0	84
27	68	36	36017A068000360000KR	Matogueira	Chan do Picoto	Antonio (herdeiros de)	Herbojo Rey		0	0	0	67	0	0	30
29-2	68	32	36017A068000320000KF	Matogueira	Fonte Vellón	José	Abalo Rebolo		0	0	0	8	0	504	19
31	68	30	36017A068000300000KL	Matogueira	Fonte Vellón	Cándido	Duro Domínguez	PV-8.4	100	581	0	35	0	1.818	74
34	68	27	36017A068000270000KL	Matogueira	Fonte Vellón	Salvador	Abalo Rebolo		0	1.390	0	0	0	646	30
35	68	26	36017A068000260000KP	Matogueira	Fonte Vellón	José Matías (herdeiros de)	Novo Fernández		0	926	0	0	0	458	22
Concello de Padrón (A Coruña)
40	73	12	15066A073000120000ZP	Pastos e improdutivo	Monte Confurco	MVMC Castro Valente e Barreiras			0	179	0	12.558	2.957	715	9.978
41	73	15	15066A073000150000ZF	Piñeiral madeirable	Monte Confurco	MVMC Castro Valente e Barreiras		SET	0	0	8	3.232	0	0	1.084
42	73	14	15066A073000140000ZT	Improdutivo	Monte Confurco	MVMC Castro Valente e Barreiras			0	0	0	23	0	0	0
43	73	13	15066A073000130000ZL	Piñeiral madeirable	Monte Confurco	MVMC Castro Valente e Barreiras			0	52	0	560	178	1.829	430
44	73	11	15066A073000110000ZQ	Matogueira e improdutivo	Monte Confurco	MVMC Castro Valente e Barreiras			0	46	0	36	0	0	97
45	73	6	15066A073000060000ZY	Piñeiral madeirable	Monte Castro Valente	MVMC Aldea de Morono			0	0	0	12.463	3.816	0	6.844
46	73	5	15066A073000050000ZB	Piñeiral madeirable e improdutivo	Monte Castro Valente	MVMC Aldea de Morono			0	1.415	0	4.392	85	3.087	3.101
47	73	9	15066A073000090000ZP	Piñeiral madeirable e improdutivo	Monte Castro Valente	MVMC Aldea de Morono		PV-8.2	12	7.816	0	4.715	1.533	6.022	3.417
48	73	4	15066A073000040000ZA	Piñeiral madeirable	Monte Castro Valente	MVMC Castro Valente			0	0	0	424	36	0	2
48-1	73	7	15066A073000070000ZG	Improdutivo	Monte Castro Valente	MVMC Aldea de Morono			0	0	0	214	0	0	21
49	73	3	15066A073000030000ZW	Piñeiral madeirable	Monte Castro Valente	MVMC Castro Valente			0	0	0	689	1	0	0
50	73	8	15066A073000080000ZQ	Improdutivo	Monte Castro Valente	MVMC Aldea de Morono		PV-8.2	330	868	0	688	283	4.785	552
51	73	2	15066A073000020000ZH	Piñeiral madeirable	Monte Castro Valente	MVMC Castro Valente			0	0	0	42	0	5	17
52	73	1	15066A073000010000ZU	Piñeiral, eirado, pastos e improdutivo	Monte Castro Valente	MVMC Castro Valente		PV-8.1	437	6.473	0	2.751	1.050	11.098	1.937

Afeccións do parque eólico en metros cadrados (m2):

• Superficie de pleno dominio:

– Cimentación (Cim.): cimentación do aeroxerador.

– Plataforma (Plat.): plataforma de montaxe do aeroxerador.

• Servidume de paso:

– Vía: dereito de paso polas vías polas que circularán os transportes para a construción, vixilancia, conservación e reparación das instalacións do parque eólico.

– Gabia: servidume de paso da liña eléctrica soterrada.

• Servidume de voo das pas dos aeroxeradores (Serv. de voo).

• Outras afeccións:

– Ocupación temporal (OT): ocupación de terreos durante o período de duración das obras. Serve temporalmente como provisión de materiais, montaxe de guindastres, provisión de pas e outros compoñentes dos aeroxeradores, etc.