No Xulgado do Contencioso-Administrativo número 1 de Santiago de Compostela, tramítase o recurso 164/2025 (procedemento abreviado), interposto pola Federación de Sanidad y Servicios Sociosanitarios de Comisiones Obreras de Galicia fronte á desestimación, por silencio administrativo, do recurso de alzada presentado o 17 de xaneiro de 2025 contra a Resolución do 19 de decembro de 2024, da Xerencia da Área Sanitaria de Ourense, Verín e O Barco de Valdeorras, pola que se convoca un procedemento de cobertura de postos de traballo da categoría estatutaria de enfermeiro/a por persoal fixo do cadro de persoal do Complexo Hospitalario Universitario de Ourense.

O que se notifica para xeral coñecemento de todas as persoas interesadas no procedemento, que son emprazadas para que poidan comparecer no xulgado como demandadas no prazo de nove (9) días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 19 de maio de 2025

María del Mar Pousa Cobas
Directora xeral de Recursos Humanos