Para os efectos previstos na Lei 24/2013, do 26 de decembro, do sector eléctrico (BOE núm. 310, do 27 de decembro), e no título VII do Real decreto 1955/2000, do 1 de decembro (BOE núm. 310, do 27 de decembro), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese á información pública a declaración de utilidade pública, en concreto, da seguinte instalación eléctrica:

Denominación: regulamentación da LMTA TTL811 no treito entre os apoios núm. 255 e núm. 257 (Folgoso do Courel).

Solicitante: UFD Distribución Electricidad, S.A.

Domicilio social: avda. de América, 38, 28028 Madrid.

Características técnicas principais:

• Substitución do apoio de formigón núm. 256 da LMTA TTL811 por outro de celosía metálica de tipo C-A-AL-18/2000-CAIII(CSIII) e retensado do condutor existente tipo LA-56 nos vans contiguos ao apoio proxectado, cunha lonxitude de 130 m.

A declaración de utilidade pública, segundo o sinalado no artigo 56 da citada Lei 24/2013, levará implícita, en todo caso, a necesidade de ocupación dos bens ou de adquisición dos dereitos afectados e implicará a urxente ocupación para os efectos do artigo 52 da Lei de 16 de decembro de 1954, de expropiación forzosa (BOE núm. 351, do 17 de decembro).

A relación concreta e individualizada de bens e dereitos afectados que se consideran de necesaria ocupación figura no anexo que se insire xunto con este acordo.

Aquelas persoas ou entidades que se consideren afectadas poderán presentar as alegacións que consideren oportunas neste departamento territorial (Edificio Administrativo da Xunta de Galicia en Lugo, rolda da Muralla, 70), no prazo de trinta días contados desde o día seguinte ao da última publicación.

A documentación estará á disposición das persoas interesadas nas dependencias da Sección de Enerxía do Departamento Territorial de Lugo da Consellería de Economía e Industria (rolda da Muralla, núm. 70, baixo 2º, 27071 Lugo, desde as 9.00 ás 14.00 horas, de luns a venres, con cita previa no correo electrónico enerxia.lugo@xunta.gal ou no teléfono 982 29 46 76), así como no Concello de Folgoso do Courel. Ademais, tamén se poderá consultar no portal web da Consellería de Economía e Industria a través da seguinte ligazón:

https://economia.xunta.gal/transparencia/instalacions-electricas/folgoso-do-courel2

Ata o mesmo momento do levantamento das actas previas, os interesados poderán facer alegacións por escrito para os únicos efectos de corrixir posibles erros que se atopen ao relacionar os bens e dereitos afectados segundo dispón o artigo 56.2 do regulamento da Lei de expropiación forzosa (BOE núm. 160, do 20 de xuño).

Isto faise público para o coñecemento xeral e particular das persoas propietarias dos predios que figuran na relación anexa a este acordo e das persoas titulares de dereitos reais ou intereses económicos sobre os bens afectados que fosen omitidos.

Lugo, 9 de maio de 2025

Gustavo José Casasola de Cabo
Director territorial de Lugo

ANEXO

Relación de bens e dereitos afectados polo proxecto de regulamentación da LMTA TTL811 no treito entre os apoios núm. 255 e núm. 257 (Folgoso do Courel)

Concello: Folgoso do Courel (Lugo).

Expediente: IN407A 2024/88-2.

Nº predio	Polígono	Parcela	Lugar	Cultivo	Propietario	Apoio (nº)	Apoio (m2)	Sup. (m2)	Voo (long.)	Voo (sup. m2)
1	9	525	Virta A	Monte alto	Monte Veciñal de Millares	256	1	2