O Pleno do concello, na súa sesión ordinaria do 27 de febreiro de 2025, adoptou, entre outros, o acordo que a seguir se transcribe literalmente na súa parte dispositiva:

«2º. Plan especial de reforma interior do núcleo rural da Cañota-Meirás (APR-PEORN-02-08).

Primeiro. Aprobar definitivamente o Plan especial de reforma interior do núcleo rural da Cañota (APR-PEORN-02-08).

Segundo. Publicar o acordo de aprobación definitiva do Plan especial no Diario Oficial de Galicia, indicando o enderezo electrónico en que figurará o contido íntegro do plan á disposición do público e a referencia do Diario Oficial de Galicia en que se publicou o informe ambiental estratéxico.

Terceiro. Publicar a normativa do Plan especial no Boletín Oficial da provincia.

Cuarto. Inscribir o Plan especial no Rexistro de Ordenación do Territorio e Planeamento Urbanístico de Galicia».

O contido íntegro do plan especial aprobado pódese consultar no taboleiro de anuncios da sede electrónica do Concello de Sada: https://sede.sada.gal/opencms/es/informacion/ co título de Aprobación definitiva do Plan especial de reforma interior do núcleo rural da Cañota.

Anuncio da publicación no Diario Oficial de Galicia do informe ambiental estratéxico do Plan especial de reforma interior no núcleo da Cañota, mércores 12 de agosto de 2020. DOG núm. 161.

Sada, 14 de maio de 2025

Óscar Benito Portela Fernández
Alcalde