O Xurado Provincial de Clasificación de Montes Veciñais en Man Común de Pontevedra resolveu na súa reunión do 26.3.2025 aprobar o deslindamento parcial entre as comunidades de montes veciñais en man común (CMVMC) da Lama (A Lama) e Fraga (Ponte Caldelas) con base nos seguintes feitos e consideracións técnicas.

Antecedentes e consideracións técnicas:

Primeiro. O 28.9.2022 o presidente da CMVMC da Lama presenta solicitude de deslindamento entre a CMVMC da Lama no concello da Lama e a CMVMC de Fraga, no concello de Ponte Caldelas.

Os montes veciñais en man común (en diante, MVMC) afectados por este deslindamento son:

– MVMC da Lama (ID:2814) da CMVMC da Lama.

– MVMC de Fraga (ID:3045) da CMVMC de Fraga.

Segundo. Consta no expediente a seguinte documentación do deslindamento consonte o artigo 53 da Lei 7/2012, do 28 de xuño, de montes de Galicia:

• Acta do apeo do deslindamento do 20.9.2022.

• Acta de conciliación núm. 4/2003 entre as comunidades no Xulgado de Paz de Ponte Caldelas do 7.2.2023.

• Certificado do 5.4.2024 da secretaria da CMVMC da Lama coa conformidade do presidente da aprobación en asemblea xeral do 15.10.2022.

• Certificado do 24.3.2024 do secretario da CMVMC de Fraga coa conformidade do presidente da aprobación en asemblea xeral do 16.12.2022.

• Memoria descritiva co plano de deslindamento e cartografía en formato dixital no Datum ETRS89/UTM zona 29N EPSG: 25829, asinada o 23.5.2023 pola enxeñeira técnica forestal colexiada núm. 740 do COETF de Galicia.

• Informes de validación gráfica catastral con CSV: FKWXY31ADCB2YBGB e S64NQ55D6B4ZAX1S.

Terceiro. A liña de deslindamento proposta ten unha lonxitude de 613 metros, e está composta polos seguintes puntos:

Punto P01: X: 544.524,43 Y: 4.693.803,95

Punto P02: X: 544.524,56 Y: 4.693.949,97

Punto P03: X: 544.531,11 Y: 4.694.016,69

Punto P04: X: 544.481,68 Y: 4.694.166,27

Punto P05: X: 544.445,27 Y: 4.694.247,00

Punto P06: X: 544.382,03 Y: 4.694.387,22

Revisada a cartografía das resolucións de clasificación de ambos os MVMC, detéctase que existe linde entre ambos e considérase que o deslindamento non afecta terceiros propietarios.

A liña do deslindamento non é coincidente exactamente coa liña do Instituto Xeográfico Nacional entre os concellos da Lama e Ponte Caldelas no tramo entre o punto P04 e o punto P01.

A liña do deslindamento produce modificacións na cartografía dos esbozos de clasificación das dúas comunidades, ambas presentan un axuste para que o deslindamento sexa coincidente no punto inicial (P01) co resto da cartografía existente tomada de referencia a catastral. Con respecto ao punto final (P06), a cartografía dos esbozos de clasificación non se modificará ata que as comunidades deslinden coa Administración competente para establecer o dominio público hidráulico do río Verdugo.

O Servizo de Montes considera que a solicitude se axusta ao establecido no artigo 53 da LMG, polo que propón a aprobación polo Xurado do deslindamento segundo a liña presentada.

Cuarto. O artigo 53 da LMG establece que o Xurado Provincial de Clasificación de Montes Veciñais en Man Común, logo do exame da documentación presentada, ditará resolución que será publicada no Diario Oficial de Galicia e notificada ás comunidades interesadas.

Á vista do exposto, este xurado

RESOLVE:

Aprobar o deslindamento parcial entre a CMVMC da Lama (A Lama) e Fraga (Ponte Caldelas), nos termos antes indicados.

Contra esta resolución, que pon fin á vía administrativa, poderase interpoñer recurso de reposición perante o Xurado Provincial de Clasificación de Montes Veciñais en Man Común de Pontevedra no prazo dun mes, de acordo co disposto nos artigos 123 e 124 LPAC, ou ben interpoñer directamente recurso contencioso-administrativo perante o Xulgado do Contencioso-Administrativo no prazo de dous meses de acordo cos artigos 8 e 46 da LXCA.

Pontevedra, 21 de maio de 2025

Antonio Crespo Iglesias
Presidente do Xurado Provincial de Clasificación
de Montes Veciñais en Man Común de Pontevedra