Ás 10.30 horas do 9.7.2025 terá lugar a poxa pública presencial de catro lotes de bens e dereitos de titularidade da Comunidade Autónoma de Galicia, cuxo alleamento foi acordado polas ordes da Consellería de Facenda e Administración Pública do 20.12.2024, 23.1.2025, 3.2.2025 e 24.4.2025.

A poxa terá lugar no salón de actos nº 2 do Edificio Administrativo en San Caetano, s/n, Santiago de Compostela, ante a mesa presidida polo subdirector xeral do Patrimonio, ou persoa que actúe na súa suplencia, coa asistencia dun letrado da Asesoría Xurídica, un representante da Intervención Xeral e unha funcionaria da Dirección Xeral de Simplificación Administrativa e do Patrimonio, que actuará como secretaria. Os bens e dereitos obxecto da poxa son os que figuran a seguir, coa identificación dos procedementos de alleamento que lles son aplicables en cada caso:

Por procedemento ordinario: con 1ª, 2ª e 3ª poxas sucesivas, de ser o caso.

Lote 1º. Inmoble situado no concello de Santiago de Compostela:

Predio urbano cunha superficie útil de 160 m2, localizada na rúa Doutor Teixeiro, nº 26, andar 1º, letra A, que conta cun anexo, leñeiro sinalado co nº 1, existente na parte dianteira da baixo cuberta cuns 14 m2 de extensión, que ten acceso por un corredor común con entrada, independente desde a escaleira, e o uso do patio de luces, ao que ten acceso por dúas portas.

Inscrito no Rexistro da Propiedade nº 1 de Santiago de Compostela, no tomo 1376, libro 362, folio 34, predio nº 32707. Referencia catastral: 7271203NH3477A0002JP.

Tipo de licitación, primeira poxa: 297.434,86 €. Fianza: 59.486,97 €.

Tipo de licitación, segunda poxa: 237.947,89 €. Fianza: 47.589,58 €.

Tipo de licitación, terceira poxa: 190.358,31 €. Fianza: 38.071,66 €.

Tramo mínimo da oferta: 1.000,00 €.

Lote 2º. Inmoble situado no concello de Melide:

Urbano, terreo de 317 m2, sobre o que se levanta unha superficie construída de 109 m2, que foi caseta de legoeiros na estrada C-540 Betanzos-A Golada, no punto quilométrico 5,47, no lugar da Casilla, no concello de Melide (A Coruña).

Inscrita a nome da Comunidade Autónoma de Galicia no Rexistro da Propiedade de Arzúa como predio 21755, no tomo 796, libro 149, folio 185.

Linda o conxunto: ao norte e ao oeste, predio a nome de María del Carmen Barreiro Sánchez, de 2.121 m2 e referencia catastral 15047A039001240000GK; ao leste, camiño (antiga estrada C-540 Betanzos-A Golada); e ao oeste, camiño.

A referencia catastral é: 001002800NH74H0001RO.

Tipo de licitación, primeira poxa: 30.906,24 €. Fianza: 6.181,25 €.

Tipo de licitación, segunda poxa: 24.724,99 €. Fianza: 4.945,00 €.

Tipo de licitación, terceira poxa: 19.779,99 €. Fianza: 3.956,00 €.

Tramo mínimo da oferta: 1.000,00 €.

Lote 3º. Cota do 50 % dun inmoble localizado no concello de Santiago de Compostela:

Inmoble de natureza urbana, localizado na calzada de San Pedro, parroquia de Santa María de Sar, dentro da cidade de Santiago de Compostela, sinalada co nº 3 antigo e nº 8 moderno, formada por dúas medianeiras e dúas fachadas opostas a un soar de figura proximamente a rectangular, de 46 pés e 67 céntimos de longo por 21 pés e 54 céntimos de ancho, termo medio, distribuída en piso baixo principal e segundo con diferentes habitacións, e que confina polo norte, á man dereita, coa casa nº 2 de Nicolasa Pazos; no sur, á súa esquerda, coa medianeira da casa nº 4 de Vicente Martínez Risco; no leste, ás súas costas, coa horta que lle pertence; e ao oeste, a súa fronte, coa calzada de San Pedro. A horta unida ao leste leva unha sembradura, 6 cuartillos e 2/3, circundada sobre si e confinada ao oeste coa casa descrita e coa nº 2 da dita Nicolasa Pazos; polo norte, coa horta número 1º de María Núñez; polo sur, coa horta da nº 4 do dito Martínez Risco.

Inscrito no Rexistro da Propiedade nº 1 de Santiago de Compostela a nome da Comunidade Autónoma de Galicia como predio nº 45125, no tomo 1556, libro 492 e folio 187 (50 % de pleno dominio).

Referencia catastral 7979835NH3477H0001QE.

Tipo de licitación, primeira poxa: 120.607,13 €. Fianza: 24.121,43 €.

Tipo de licitación, segunda poxa: 96.485,70 €. Fianza: 19.297,14 €.

Tipo de licitación, terceira poxa: 77.188,56 €. Fianza: 15.437,71 €.

Tramo mínimo da oferta: 1.000,00 €.

Por procedemento simplificado: con 1ª, 2ª, 3ª e 4ª poxas sucesivas, de ser o caso.

Lote 4º. Cadal hereditario procedente da herdanza ab intestato de Benedicta Álvarez García:

Tipo de licitación, primeira poxa: 21.677,29 €. Fianza: 4.335,46 €.

Tipo de licitación, segunda poxa: 20.854,58 €. Fianza: 4.170,92 €.

Tipo de licitación, terceira poxa: 20.196,42 €. Fianza: 4.039,28 €.

Tramo mínimo da oferta: 100,00 €.

Para tomar parte na poxa é requisito indispensable consignar na Caixa Xeral de Depósitos da Tesouraría Xeral da Xunta de Galicia, a favor da Dirección Xeral de Simplificación Administrativa e do Patrimonio, con anterioridade ao día de poxa, como mínimo o 20 % da contía sinalada como tipo de licitación. O día da poxa debe achegarse aos membros da mesa o resgardo do depósito previamente constituído para a licitación. A garantía tamén poderá presentarse en metálico ou cheque bancario a favor da Dirección Xeral de Simplificación Administrativa e do Patrimonio (NIF S1511001H) na mesa o día da poxa.

A garantía non outorgará en ningún caso dereito á adquisición e devolverase a quen non resultase adxudicatario ou adxudicataria. Unha vez finalizado o procedemento, a garantía constituída pola persoa adxudicataria formará parte do prezo da compravenda.

Serán por conta das persoas adxudicatarias os custos orixinados pola adxudicación e formalización da escritura pública de venda; os demais gastos e impostos derivados da transmisión serán de aplicación conforme o disposto na lei.

Os pregos de condicións que rexen o alleamento dos bens e dereitos dos lotes obxecto deste anuncio están á disposición das persoas interesadas na páxina web da Consellería de Facenda e Administración Pública:

https://www.conselleriadefacenda.es/a-conselleria/transparencia/contratacion-patrimonial/poxas/vendas

Teléfonos de información: 981 54 41 51 ou 981 95 78 11 (Subdirección Xeral do Patrimonio da Consellería de Facenda e Administración Pública).

Santiago de Compostela, 20 de maio de 2025

José María Barreiro Díaz
Director xeral de Simplificación Administrativa e do Patrimonio