O Xurado Provincial de Clasificación de Montes Veciñais en Man Común de Pontevedra resolveu na súa reunión do 26.3.2025 aprobar o deslindamento parcial entre as comunidades de montes veciñais en man común (en diante, CMVMC) de Antas e Seixido (A Lama), con base nos seguintes feitos e consideracións técnicas.

Antecedentes e consideracións técnicas:

Primeiro. O 30.9.2022, o presidente da CMVMC de Antas presenta solicitude de deslindamento entre a CMVMC de Antas e a CMVMC de Seixido, ambas no concello da Lama.

Os montes veciñais en man común (en diante, MVMC) afectados por este deslindamento son:

– MVMC de Seixido (ID: 2815) da CMVMC de Seixido.

– MVMC de Antas (ID: 2808) da CMVMC de Antas.

Segundo. Consta no expediente a seguinte documentación do deslindamento consonte o artigo 53 da Lei 7/2012, do 28 de xuño, de montes de Galicia (LMG):

– Acta do apeo do deslindamento do 3.6.2022.

– Acta de conciliación núm. 2 entre as comunidades no Xulgado de Paz da Lama do 15.2.2023.

– Certificado do 25.9.2022 da secretaria da CMVMC de Antas coa conformidade do presidente da aprobación na asemblea xeral do 25.9.2022.

– Certificado do 10.6.2022 da secretaria da CMVMC de Seixido coa conformidade do presidente da aprobación na asemblea xeral do 10.6.2022.

– Memoria descritiva co plano de deslindamento e cartografía en formato dixital no datum ETRS89/UTM zona 29N EPSG: 25829. Asinado o 1.6.2022 polo enxeñeiro técnico forestal colexiada núm. 196 do COETF de Galicia. A emenda posterior producen a súa modificación.

– Informes de validación gráfica catastral con CSV: JDDCH7DCF7G4JM88.

Terceiro. A liña de deslindamento proposta ten unha lonxitude de 202 metros e está composta polos seguintes puntos:

Punto 1 – x: 550.356,82 y: 4.693.955,54

Punto 2 – x: 550.286,12 y: 4.694.144,43

Revisada a cartografía das resolucións de clasificación de ambos os MVMC detéctase que existe colindancia nun punto. Queda xustificada a colindancia entre ambos en toda a liña pola titularidade catastral das parcelas implicadas no deslindamento. Considérase que o deslindamento non afecta terceiros propietarios.

O deslindamento entre ambos os montes veciñais forma un tramo único. O punto 1 é coincidente co punto 1 do expediente DC22113 (deslindamento entre a CMVMC de Antas e a CMVMC de Xesta), polo que no dito punto converxen a CMVMC de Antas, a CMVMC de Seixido e a CMVMC de Xesta.

A liña do deslindamento produce modificacións na cartografía dos esbozos de clasificación das seguintes comunidades:

– CMVMC de Antas: o expediente de revisión de esbozo RE22059 xa recolle o deslindamento actual.

– CMVMC de Seixido: presenta uns axustes para pechar o punto inicial e final coa cartografía existente.

O Servizo de Montes considera que a solicitude se axusta ao establecido no artigo 53 da LMG, polo que propón a aprobación polo Xurado do deslindamento segundo a liña presentada.

Cuarto. O artigo 53 da LMG establece que o Xurado Provincial de Clasificación de Montes Veciñais en Man Común, logo do exame da documentación presentada, ditará resolución que será publicada no Diario Oficial de Galicia e notificada ás comunidades interesadas.

Á vista do exposto, este xurado

RESOLVE:

Aprobar o deslindamento parcial entre a CMVMC de Antas e a CMVMC de Seixido, ambas no concello da Lama, nos termos antes indicados.

Contra esta resolución, que pon fin á vía administrativa, poderase interpoñer recurso de reposición perante o Xurado Provincial de Clasificación de Montes Veciñais en Man Común de Pontevedra no prazo dun mes de acordo co disposto no artigo 123 e 124 LPAC; ou ben interpoñer directamente recurso contencioso-administrativo perante o Xulgado do Contencioso-Administrativo no prazo de dous meses de acordo co artigo 8 e 46 da LXCA.

Pontevedra, 28 de maio de 2025

Antonio Crespo Iglesias
Presidente do Xurado Provincial de Clasificación
de Montes Veciñais en Man Comúnb de Pontevedra