O Xurado Provincial de Clasificación de Montes Veciñais en Man Común de Pontevedra resolveu na súa reunión do 26.3.2025 aprobar o deslindamento parcial entre as comunidades de montes veciñais en man común (CMVMC) de Antas e Xesta (A Lama), con base nos seguintes feitos e consideracións técnicas.
Antecedentes e consideracións técnicas:
Primeiro. O 30.9.2022 o presidente da CMVMC de Antas presenta a solicitude de deslindamento entre a CMVMC de Antas e a CMVMC de Xesta, ambas no concello da Lama.
Os montes veciñais en man común (en diante, MVMC) afectados por este deslindamento son:
– MVMC de Antas (ID: 2808) da CMVMC de Antas.
– MVMC de Xesta (ID: 2817) da CMVMC de Xesta.
Segundo. Consta no expediente a seguinte documentación do deslindamento consonte o artigo 53 da Lei 7/2012, do 28 de xuño, de montes de Galicia (LMG):
– Acta do apeo do deslindamento do 3.6.2022.
– Acta de conciliación núm. 01 entre as comunidades no Xulgado de Paz da Lama, do 15.2.2023.
– Certificado do 25.9.2022 da secretaria da CMVMC de Antas coa conformidade do presidente da aprobación en asemblea xeral do 25.9.2022.
– Certificado do 3.9.2022 da secretaria da CMVMC de Xesta coa conformidade do presidente da aprobación en asemblea xeral do 7.8.2022.
– Memoria descritiva co plano de deslindamento e cartografía en formato dixital no Datum ETRS89/UTM zona 29N EPSG: 25829, asinada o 1.6.2022 polo enxeñeiro técnico forestal colexiado núm. 296 do COETF de Galicia. As emendas posteriores producen a modificación desta.
– Informes de validación gráfica catastral con CSV: NX4KVCSWWX6P2J96, inclúe o deslindamento DC22112 e DC22113.
Terceiro. A liña de deslindamento proposta ten unha lonxitude de 820 metros e está composta polos seguintes puntos:
Punto 1- X: 550.356,82 Y: 4.693.955,54
Punto 2- X: 550.327,69 Y: 4.693.942,49
Punto 3- X: 550.297,64 Y: 4.693.929,08
Punto 4- X: 550.269,47 Y: 4.693.915,80
Punto 5- X: 550.259,32 Y: 4.6939.10,71
Punto 6- X: 550.252,63 Y: 4.693.907,15
Punto 7- X: 550.243,51 Y: 4.693.902,56
Punto 8- X: 550.240,04 Y: 4.693.901,01
Punto 9- X: 550.231,62 Y: 4.693.898,77
Punto 10- X: 550.181,08 Y: 4.693.886,09
Punto 11- X: 550.148,49 Y: 4.693.878,42
Punto 12- X: 550.139,93 Y: 4.693.876,31
Punto 13- X: 550.135,31 Y: 4.693.875,60
Punto 14- X: 550.128,64 Y: 4.693.875,46
Punto 15- X: 550.123,97 Y: 4.693.875,91
Punto 16- X: 550120,44 Y: 4.693.876,55
Punto 17- X: 550111,75 Y: 4.693.877,72
Punto 18- X: 550.104,71 Y: 4.693.879,14
Punto 19- X: 549.961,87 Y: 4.693.964,55
Punto 20- X: 549.958,42 Y: 4.693.966,29
Punto 21- X: 549.951,97 Y: 4.693.969,77
Punto 22- X: 549.948,66 Y: 4.693.971,34
Punto 23- X: 549.945,21 Y: 4.693.973,00
Punto 24- X: 549.940,53 Y: 4.693.974,46
Punto 25- X: 549.935,75 Y: 4.693.973,27
Punto 26- X: 549.932,56 Y: 4.693.972,52
Punto 27- X: 549.892,40 Y: 4.693.962,46
Punto 28- X: 549.850,70 Y: 4.693.948,97
Punto 29- X: 549.795,10 Y: 4.693.928,80
Punto 30- X: 549.760,73 Y: 4.693.914,87
Punto 31- X: 549.744,89 Y: 4.6939.08,50
Punto 32- X: 549.720,46 Y: 4.693.900,16
Punto 33- X: 549.580,58 Y: 4.693.895,38
Revisada a cartografía das resolucións de clasificación de ambos os MVMC, detéctase que existe linde entre ambos, a excepción dun tramo situado ao inicio do deslindamento. Neste tramo queda xustificado o linde pola titularidade catastral das parcelas implicadas. Considérase que o deslindamento non afecta terceiros propietarios.
O Servizo de Montes, de oficio, establece un punto de deslindamento secundario (PS1- X: 550.336,91; Y: 4.693.946,66) para respectar o dominio público da estrada (EP-0305). Polo que, no tramo entre o punto 2 e o punto PS1 non existe linde entre ambos os montes (o deslindamento realizarase coa Administración competente).
O deslindamento está formado por dous tramos:
– Tramo 1: do punto 1 ao punto PS1.
– Tramo 2: do punto 2 ao punto 33.
O punto 1 é coincidente co punto 1 do expediente DC22112 (deslindamento entre a CMVMC de Antas e a CMVMC de Seixido), polo que no dito punto converxen a CMVMC de Antas, a CMVMC de Xesta e a CMVMC de Seixido.
A liña do deslindamento produce modificacións na cartografía dos esbozos de clasificación das seguintes comunidades:
– CMVMC de Antas: o expediente de revisión de esbozo RE22059 xa recolle o deslindamento actual.
– CMVMC de Xesta: presenta uns axustes para pechar o punto inicial e final coa cartografía existente.
O Servizo de Montes considera que a solicitude se axusta ao establecido no artigo 53 da LMG, polo que propón a aprobación polo Xurado do deslindamento segundo a liña presentada.
Cuarto. O artigo 53 da LMG establece que o Xurado Provincial de Clasificación de Montes Veciñais en Man Común, logo do exame da documentación presentada, ditará resolución que será publicada no Diario Oficial de Galicia e notificada ás comunidades interesadas.
Á vista do exposto, este xurado
RESOLVE:
Aprobar o deslindamento parcial entre a CMVMC de Antas e a CMVMC de Xesta, ambas no concello da Lama, nos termos antes indicados.
Contra esta resolución, que pon fin á vía administrativa, poderase interpoñer recurso de reposición perante o Xurado Provincial de Clasificación de MVMC de Pontevedra no prazo dun mes de acordo co disposto nos artigos 123 e 124 da LPAC, ou ben interpoñer directamente recurso contencioso-administrativo perante o Xulgado do Contencioso-Administrativo no prazo de dous meses de acordo cos artigos 8 e 46 da LXCA.
Pontevedra, 28 de maio de 2025
Antonio Crespo Iglesias
Presidente do Xurado Provincial de Clasificación
de Montes Veciñais en Man Común de Pontevedra