Mediante a Resolución da Alcaldía 256/2025, do 21 de maio, acordouse a aprobación inicial do proxecto de expropiación dos bens e dereitos necesarios para a execución dunha estrada en Canduas, a través do sistema de taxación conxunta, e someter o expediente á información pública e audiencia por prazo dun mes. A parte dispositiva da citada resolución establece o seguinte:

Primeiro. Aprobar inicialmente o proxecto de expropiación dos bens e dereitos necesarios para a execución dunha estrada en Canduas (RE 202599900000288, do 14.4.2025), redactado polo arquitecto técnico Marcos Pose Andrade.

Segundo. Tramitar a expropiación urbanística polo sistema de taxación conxunta.

Terceiro. Ter por declarada a utilidade pública dos bens e dereitos afectados segundo o PXOM e o proxecto expropiatorio.

Cuarto. A relación de bens e dereitos afectados polo proxecto expropiatorio é a seguinte:

Nº de parcela	Ref. catastral	Titularidade	Clase de solo	Sup. afectada polo proxecto de expropiación (m2)	Valoración (€)
1	15014A005001070000AR	Manuel Domínguez Rodríguez María Consuelo Collazo Amado	Urbano	32,20	676,20
2	15014A005001060000AK	Carmen Nantón Moreira. Juan Carlos Paredes Nantón	Urbano	88,62	1.861,02
3	15014A005001050001SP	Ángel Ferreiro Lema	Urbano	144,67	3.038,07
4	15014A005001030000AF	Enrique Lema Rodríguez	Urbano	100,08	0
5	15014A005000400000AT	Manuel Blanco Nantón	Urbano	25,78	541,38
6	15014A005000390001SQ	José Antonio Souto Fariña María Dolores Martínez Souto Dina Souto Martínez	Urbano	73,04	0
7	15014A005000380001SG	Carmen Moreira Durán	Urbano	28,01	588,21
8	15014A005000370000AT	Herdeiros de Francisco Romero Bentín	Urbano	38,50	1.215,78
9	15014A005000360000AL	Isabel Castro Fuentes	Urbano	15,62	427,07
10	15014A005000340000AQ	Ángel Ferreiro Lema María Carmen Pérez Rioboo	Urbano	214,28	8.800,56

Quinto. Someter o expediente á información pública e audiencia por prazo dun mes, mediante a publicación de anuncios no Diario Oficial de Galicia, no Boletín Oficial da provincia e no taboleiro de anuncios do concello (https://sede.cabana.gal/opencms/es/informacion/, e nun xornal dos de maior circulación da provincia, así como no portal de transparencia municipal, para que aquelas persoas que puidesen estar interesadas formulen as observacións e reclamacións que consideren convenientes, en particular, no relativo á titularidade ou valoración dos seus respectivos dereitos.

Para estes efectos, o expediente estará exposto no concello (Departamento de Urbanismo), sito no lugar da Carballa-Cesullas, s/n, Cabana de Bergantiños, e o proxecto publicarase no portal de transparencia.

O prazo dun mes de información pública contarase desde a publicación no BOP da Coruña.

Sexto. Notificar a presente resolución de forma individual a cantos figuren no proxecto como titulares de bens e dereitos, con traslado da folla de valoración para que poidan presentar alegacións e/ou reclamacións no prazo dun mes contado a partir do día seguinte ao da notificación.

O expediente poderá consultarse na Casa do Concello de Cabana de Bergantiños (A Carballa, 1, Cesullas,) de luns a venres, das 9.00 ás 14.00 horas (cita previa solicitada no Servizo de Urbanismo no 981 75 40 20), así como no portal de transparencia (https://sede.cabana.gal/sxc/gl/portal_transparencia/Relevancia_Juridica/Proyectos_Normativos/Proyectos_Normativos.html).

Cabana de Bergantiños, 28 de maio de 2025

José Muíño Domínguez
Alcalde