O Pleno municipal, en sesión ordinaria que tivo lugar o 29 de maio de 2025, de acordo co disposto no artigo 42.5 da Lei 2/2016, do 10 de febreiro, do solo de Galicia (LSG), acordou cambiar o uso de varias parcelas (denominadas no DAI-2023 como SL-EL-Ex-PAS-G09 e AI-G-01), cualificadas como dotacionais públicas pertencentes ao sistema local de espazos libres e zonas verdes e ao sistema local de infraestruturas e comunicacións desde o camiño da praia ata o límite norte do polígono da Gándara, de vías no vixente PXOM e no DAI-2023 por zonas verdes, e modificando o seu trazado, para o cumprimento do mesmo fin: dotar de accesos o polígono da Gándara desde o camiño da praia, de conformidade co que se describe no documento técnico presentado e asinado polo arquitecto Javier Rodríguez Marcos, con data do 6 de maio de 2025, en representación dos propietarios das parcelas con referencias catastrais 4958013NJ6145N, 4958007NJ6145N e 4958016NJ6145N.

Faise público este acordo consonte o previsto no artigo 82.2 da LSG. A versión anominizada do documento pódese consultar no Portal de transparencia deste concello na seguinte ligazón:

https://naron.transparencialocal.gob.es/es_ES/categoria/normativa/urbanismo

Ou acceder directamente ao documento na seguinte ligazón:

https://run.gob.es/iylProyecto_Diligenciado

Narón, 18 de xuño de 2025

Marián Ferreiro Díaz
Alcaldesa