Visto o expediente para outorgamento da autorización administrativa previa e de construción para a instalación eléctrica que a seguir se describe:

Peticionaria: Begasa.

Domicilio social: rúa Ramón María Aller Ulloa, 9, 27003 Lugo.

Denominación: Normalización CT 11544 F. profesional e o seu anexo.

Situación: concello de Lugo.

Características técnicas principais:

• AT soterrada a 20 kV Fingoi, con orixe no CT 3549 PL. Avilés e final no CS 5473 INE, consistente na substitución do condutor existente por un condutor tipo HEPRZ1-240 mm, cunha lonxitude de 180 metros.

• LAT soterrada a 20 kV Fingoi, con orixe no CS 5473 INE e final no CT 7379 Xacobe 3, consistente na substitución do condutor existente por un condutor tipo HEPRZ1-240 mm, cunha lonxitude de 40 metros.

• LAT soterrada a 20 kV Fingoi, con orixe no CT 7379 Xacobe 3 e final no CS proxectado F. profesional, en condutor tipo HEPRZ1-240 mm, cunha lonxitude de 100 metros.

• LAT soterrada a 20 kV Fingoi, con orixe no CS Proxectado F. profesional e final nun empalme coa liña existente ao CT 2614 parque en arqueta existente, en condutor tipo HEPRZ1-240 mm, cunha lonxitude de 220 metros.

• CS prefabricado F. profesional, no cal se instalan dúas celas de liña telemandadas e unha con interruptor automático.

Finalidade da instalación: mellora da instalación.

Orzamento: 122.079,41 €.

Documentación que se xunta:

• Separata para o Concello de Lugo.

• Separata para a Consellería de Cultura.

Este departamento territorial, de acordo coas competencias que resultan do Decreto 140/2024, do 20 de maio, polo que se establece a estrutura orgánica da Consellería de Economía e Industria, e tendo en conta o Decreto 9/2017, do 12 de xaneiro, sobre órganos competentes para autorización de instalacións eléctricas na Comunidade Autónoma de Galicia,

RESOLVE:

En relación coa instalación de alta tensión, conceder a autorización administrativa previa e de construción ás ditas instalacións, sen prexuízo de terceiros e con independencia das autorizacións que sexan necesarias para a execución da obra por parte doutros órganos da Administración, condicionada ao cumprimento das seguintes condicións:

Primeira. As instalacións deberán axustarse na súa execución ao disposto no citado proxecto de execución, e a dirección de obra deberá levala a cabo un técnico competente.

Segunda. A peticionaria asegurará o mantemento e a vixilancia correcta das instalacións durante a construción e despois da súa posta en servizo, co fin de garantir que en todo momento se manterán as condicións regulamentarias de seguridade.

Terceira. En todo momento deberán cumprirse as normativas e directrices vixentes que sexan de aplicación, en particular canto establecen a Lei 24/2013, do 26 de decembro, do sector eléctrico, o Real decreto 223/2008, do 15 de febreiro, polo que se aproban o Regulamento sobre condicións técnicas e garantías de seguridade en liñas eléctricas de alta tensión e as súas instrucións técnicas complementarias, e o Real decreto 337/2014, do 9 de maio, polo que se aproban o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias.

O prazo de posta en marcha das instalacións que se autorizan será de dous anos, contados a partir da data da última autorización administrativa necesaria para a súa execución. En todo caso, deberán respectarse os prazos establecidos no artigo 13.9 do Regulamento (UE) núm. 2024/573 do Parlamento Europeo e do Consello, do 7 de febreiro de 2024, sobre os gases fluorados de efecto invernadoiro, polo que se modifica a Directiva (UE) núm. 2019/1937, e se derroga o Regulamento (UE) núm. 517/2014 (DOUE núm. 573, do 20 de febreiro de 2024), sobre prohibicións para a posta en funcionamento de aparellaxe eléctrica que empregue gases fluorados de efecto invernadoiro, ou cuxo funcionamento dependa deles, nun medio illante ou de rotura.

Contra esta resolución poderase interpor recurso de alzada ante a conselleira de Economía e Industria, no prazo dun mes a partir do día seguinte ao da notificación ou publicación desta resolución; tamén se poderá interpor calquera outro recurso que se considere pertinente en dereito.

Lugo, 13 de xuño de 2025

Gustavo José Casasola de Cabo
Director territorial de Lugo