De conformidade co establecido no artigo 15 da Lei 9/2007, do 13 de xuño, de subvencións de Galicia, e no artigo 17 da Lei 1/2016, do 18 de xaneiro, de transparencia e bo goberno, os órganos administrativos concedentes publicarán no Diario Oficial de Galicia as subvencións concedidas con expresión da convocatoria, o programa, o crédito orzamentario a que se imputen, o beneficiario, a cantidade concedida e a finalidade ou finalidades da subvención.

Na súa virtude, esta dirección

RESOLVE:

1. Publicar no Diario Oficial de Galicia as axudas concedidas ao abeiro da Resolución do 24 de xuño de 2025 pola que se establecen as bases reguladoras e se anuncia a convocatoria de subvencións para proxectos de gases renovables para o ano 2024.

2. As axudas para proxectos de gases renovables obxecto destas bases están suxeitas ás condicións que se establecen no capítulo I do Regulamento (UE) núm. 651/2014 da Comisión, do 17 de xuño de 2014, polo que se declaran determinadas categorías de axudas compatibles co mercado interior en aplicación dos artigos 107 e 108 do Tratado de funcionamento da Unión Europea (Regulamento xeral de exención por categorías), publicado no DOUE L 187, do 26 de xuño de 2014. Esta convocatoria refírese ás axudas que aparecen definidas no capítulo III, sección 7, artigo 41, puntos 2 e 3, do Regulamento 651/2014.

Santiago de Compostela, 24 de xuño de 2025

Pablo Fernández Vila
Director da Axencia Instituto Enerxético de Galicia

ANEXO I

Subvencións concedidas procedemento IN421Z

Finalidade: subvencións para proxectos de gases renovables para o ano 2024.

Aplicacións orzamentarias: estas axudas fináncianse con cargo ás aplicacións orzamentarias 09.A3.733A.745.1 e 09.A3.733A.770.3 e cun orzamento de 7.500.000 €.

Beneficiarios das axudas concedidas: as subvencións concedidas aparecen ordenadas pola data e hora de presentación da solicitude da axuda.

I.1. Proxectos de gases renovables.

Código de expediente	Persoa ou entidade solicitante	Axuda resolución concesión (€)	Data e hora de presentación
IN421Z-1	Ignis Energy Holdings, S.L.	466.228,66	21.2.2024 17.44
IN421Z-2	Nedgia Galicia	50.512,60	21.2.2024 18.18
IN421Z-5	Tasga Renovables, S.L.	1.157.233,65	21.2.2024 19.20