En cumprimento do previsto no artigo 248 do Regulamento do dominio público hidráulico, aprobado polo Real decreto 849/1986, do 11 de abril, faise público que se está a tramitar a seguinte solicitude de autorización de vertedura:

Solicitante: Yethi Carburantes, S.L.

NIF: B-70426598.

Expediente: DH.V15.109232.

Lugar: encrucillada da estrada Campo de fútbol coa AC-840.

Parroquia: San Cosme de Abeancos.

Concello: Melide.

Tipo de vertedura 1: augas residuais industriais e de escorrega depuradas.

Caudal máximo anual 1: 1.272,08 m3/ano.

Punto de vertedura 1: X=580.127; Y=4.750.031.

Medio receptor 1: infiltración no terreo (bacía do río Ulla).

Tratamento/evacuación 1:

As augas residuais industriais e de escorrega xeradas nas zonas de surtidores e descarga de combustible son tratadas, conxuntamente coas augas residuais industriais xeradas no lavado de vehículos pretratadas nun areeiro, nun separador de hidrocarburos de clase I con desareador de 10 l/s de caudal nominal, antes da súa vertedura por infiltración no terreo mediante pozo filtrante.

Tipo de vertedura 2: augas residuais asimilables a domésticas depuradas.

Caudal máximo anual 2: 192,14 m3/ano.

Punto de vertedura 2: X=580.103; Y=4.750.024.

Medio receptor 2: infiltración no terreo (bacía do río Ulla).

Tratamento/evacuación 2:

As augas residuais asimilables a domésticas xeradas nos lavabos, cafetaría e lavalouza son tratadas nun separador de graxas e posteriormente conducidas, conxuntamente coas augas residuais fecais xeradas nos aseos, cara a unha fosa séptica de decantación-dixestión en PRFV deseñada para 15 habitantes equivalentes, antes da súa vertedura por infiltración no terreo mediante gabia filtrante.

O proxecto pode consultarse na sección de participación pública do portal da internet de Augas de Galicia (https://augasdegalicia.xunta.gal) e nas oficinas de Augas de Galicia, situadas na praza de Camilo Díaz Baliño, 7-9, Santiago de Compostela. Para isto, se o desexa, poderá concertar cita previa no correo electrónico tramitaciondph.augas@xunta.gal ou nos teléfonos 981 54 41 41 e 981 54 50 87.

As persoas interesadas poderán presentar alegacións durante o prazo de trinta días hábiles, contados a partir do seguinte ao da publicación deste anuncio no Diario Oficial de Galicia, en calquera dos rexistros previstos no artigo 16.4 da Lei 39/2015, do 1 de outubro, do procedemento administrativo común.

Santiago de Compostela, 23 de maio de 2025

Leticia Valladares López
Xefa da Área de Verteduras