A Corporación Municipal en Pleno do Concello de Sanxenxo, na sesión ordinaria do día 31 de marzo de 2025, en relación co expediente nº 2193/2025, adoptou por unanimidade dos seus membros de dereito o acordo cuxa parte dispositiva se transcribe:

Primeiro. Suspender os procedementos de outorgamento de licenzas de parcelación de terreos e edificación na contorna do novo cemiterio de Dorrón coa finalidade de estudar o establecemento dunha distancia de protección, durante o prazo dun ano desde a publicación deste acordo ou, se é o caso, ata a aprobación inicial da modificación puntual do Plan xeral de ordenación municipal, cando esta teña lugar dentro do prazo de vixencia da suspensión facultativa.

O contido, o alcance e o ámbito da suspensión son os que se determinan no resumo executivo incorporado ao expediente.

Segundo. Publicar este acordo no Diario Oficial de Galicia e nun dos xornais de maior circulación da provincia.

Sanxenxo, 11 de xuño de 2025

Telmo Martín González
Alcalde presidente